ಮತ್ತೊಂದು ದಾಖಲೆಗೆ ವಿರಾಟ್ ಒಡೆಯ, 26 ವರ್ಷ ಹಿಂದಿನ ದಾಖಲೆ ಪೀಸ್ ಪೀಸ್..!

ದಾಖಲೆಗಳ ಸರದಾರ ವಿರಾಟ್ ಕೊಹ್ಲಿ, ಮತ್ತೊಂದು ದಾಖಲೆ ಬರೆದಿದ್ದಾರೆ. ವೆಸ್ಟ್ ಇಂಡೀಸ್ ಎದುರು ನಿನ್ನೆ ಭರ್ಜರಿ ಸೆಂಚುರಿ ಸಿಡಿಸಿದ ಕಿಂಗ್ ಕೊಹ್ಲಿ, 26 ವರ್ಷ ಹಿಂದಿನ ದಾಖಲೆಯನ್ನ ಅಳಿಸಿ ಹಾಕಿದ್ದಾರೆ. ಈ ಹಿಂದೆ ಪಾಕಿಸ್ತಾನ ಕ್ರಿಕೆಟಿಗ ಜಾವೇದ್ ಮಿಯಾಂದಾದ್, ವೆಸ್ಟ್ ಇಂಡೀಸ್ ವಿರುದ್ಧ 64 ಪಂದ್ಯಗಳಲ್ಲಿ 1930 ರನ್ ಗಳಿಸಿದ್ದು, ಇದುವರೆಗೆ ದಾಖಲೆಯಾಗಿತ್ತು. ಸದ್ಯ ವಿರಾಟ್ ಮಿಯಾಂದಾದ್ ರ ಈ ದಾಖಲೆ ಪುಡಿಗಟ್ಟಿದ್ದಾರೆ. ನಿನ್ನೆ ವಿರಾಟ್ 19 ರನ್ ಗಳಿಸುತ್ತಿದ್ದಂತೆ ದಾಖಲೆಯ ಗಡಿ ದಾಟಿದ್ರು. ಅಷ್ಟೇ ಅಲ್ಲದೇ ವಿಂಡೀಸ್ ಎದುರು ಎರಡು ಸಾವಿರ ರನ್ ಕಲೆ ಹಾಕಿದ್ರು.