ಕೌನ್ ಬನೇಗಾ ಕರೋಡ್ಪತಿ ಶೋ.. ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಜನರು ಈ ಕಾರ್ಯಕ್ರಮವನ್ನು ವೀಕ್ಷಿಸುವುದಕ್ಕೆ ಕಾದು ಕುಳಿತಿರುತ್ತಾರೆ. ಇನ್ನು ಈ ಶೋನ ಮೇನ್ ಅಟ್ರಾಕ್ಷನ್ ಅಂದ್ರೆ ಬಿಗ್ ಬಿ ಅಮಿತಾಬ್ ಬಚ್ಚನ್.
ಜನಪ್ರಿಯವಾದ ಕೌನ್ ಬನೇಗಾ ಕರೋಡ್ಪತಿ ಸೀಸನ್ 16 ಶುರುವಾಗಿದ್ದು, 81 ವರ್ಷದ ಅಮಿತಾಬ್ ಬಚ್ಚನ್ , ಕೌನ್ ಬನೇಗಾ ಕರೋಡ್ಪತಿ 16 ರ ಹೋಸ್ಟ್ ಆಗಿ ಮರಳಿದ್ದಾರೆ. ಇನ್ನು ಕಾಮನ್ ಆಗಿ ಎಲ್ಲರಲ್ಲೂ ಮೂಡುವ ಪ್ರಶ್ನೆ ಏನಂದ್ರೆ, ಈ ಶೋಗೆ ಬಚ್ಚನ್ ಪಡೆಯೋ ಸಂಭಾವನೆ ಎಷ್ಟು ಅನ್ನೋದು..
2000 ದಲ್ಲಿ ಶುರುವಾದ ಈ ಕಾರ್ಯಕ್ರಮವನ್ನ ಇಲ್ಲಿಯವರೆಗೂ ಬಿಗ್ ಬಿ ಒಬ್ಬರೆ ನಡೆಸಿಕೊಡುತ್ತಿದ್ದಾರೆ. ಹಾಗಾದರೆ ಅಮಿತಾಬ್ ಬಚ್ಚನ್ ಒಂದು ಸೀಸನ್ಗೆ ಎಷ್ಟು ಸಂಭಾವನೆ ಪಡೀತಾರೆ. ಸದ್ಯ ಇವಾಗ ಒಂದು ಎಪಿಸೋಡ್ಗೆ ಎಷ್ಟು ಸಂಭಾವನೆ ತೆಗೆದುಕೊಳ್ತಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.
ಸದ್ಯ ಕೌನ್ ಬನೇಗಾ ಕರೋಡ್ಪತಿ ಸೀಸನ್ 16ರ ಒಂದು ಎಪಿಸೋಡ್ಗೆ ಅಮಿತಾಭ್ ಬಚ್ಚನ್ 5 ಕೋಟಿ ರೂಪಾಯಿ ಪಡೆಯುತ್ತಾರೆ ಎಂದು ವರದಿಯಾಗಿದೆ. ಮೊದಲ ಸೀಸನ್ನಿಂದ ಇಲ್ಲಿಯವರೆಗೆ ಬಚ್ಚನ್ ಎಷ್ಟೆಷ್ಟು ವೇತನ ಪಡೆದಿದ್ದಾರೆ ಅನ್ನೋದನ್ನ ನೋಡೋದಾದ್ರೆ..
ಕೆಬಿಸಿ 1 ಸೀಸನ್ – ₹ 25 ಲಕ್ಷ
ಕೆಬಿಸಿ 2 ₹ 25 ಲಕ್ಷ
ಕೆಬಿಸಿ 4 – ₹ 50 ಲಕ್ಷ
ಕೆಬಿಸಿ 5 – ₹ 50 ಲಕ್ಷ
ಕೆಬಿಸಿ 6 – ₹ 1.5 ಕೋಟಿ ಮತ್ತು ₹ 2 ಕೋಟಿ
ಕೆಬಿಸಿ 7 – ₹ 1.5 ಕೋಟಿ ಮತ್ತು ₹ 2 ಕೋಟಿ
ಕೆಬಿಸಿ 8 – ₹ 2 ಕೋಟಿ
ಕೆಬಿಸಿ 9 – ₹ 2.9 ಕೋಟಿ
ಕೆಬಿಸಿ 10 – ₹ 3 ಕೋಟಿ
ಕೆಬಿಸಿ 11 – ₹ 3.5 ಕೋಟಿ
ಕೆಬಿಸಿ 12 – ₹ 3.5 ಕೋಟಿ
ಕೆಬಿಸಿ 13 – ₹ 3.5 ಕೋಟಿ
ಕೆಬಿಸಿ 14 – ₹ 4 ರಿಂದ ₹ 5 ಕೋಟಿ
ಕೆಬಿಸಿ 15 – ₹ 4 ಮತ್ತು ₹ ನಡುವೆ 5 ಕೋಟಿ
ಕೆಬಿಸಿ 16 – ₹ 5 ಕೋಟಿ
ಅಮಿತಾಭ್ ಬಚ್ಚನ್ ಕೆಬಿಸಿ ಪಯಣವನ್ನ ಶುರು ಮಾಡಿದ ಹೊಸತರಲ್ಲಿ ಅವರ ಕೆರಿಯರ್ ಅಷ್ಟೊಂದು ಉತ್ತುಂಗದಲ್ಲಿರಲಿಲ್ಲ. ಈ ಶೋ ಒಂದು ಬ್ರಿಟಿಷ್ ಶೋ ಆಗಿದ್ದು, ಹೂ ವಾಂಟ್ಸ್ ಟು ಬಿ ಎ ಮಿಲಿಯನೇರ್? ನ ಡಬ್ಬಿಂಗ್ ಆಗಿತ್ತು. ಫಸ್ಟ್ ಸೀಸನ್ ಅದ್ಭುತವಾದ ಯಶಸ್ಸು ಕಂಡಿತು. ಈ ಶೋ ಅಮಿತಾಭ್ ಅವರನ್ನು ಪ್ರತಿ ಮನೆ ಮನೆಗೂ ಕರೆದೊಯ್ದಿತು. ಜೊತೆಗೆ ಅಲ್ಲಿಂದ ಅವರ ಕೆರಿಯರ್ ಅನ್ನ ಪುನರುಜ್ಜೀವನಗೊಳಿಸಿತು.
ಬಳಿಕ ಎರಡನೇ ಸೀಸನ್ಗೂ ಕೂಡ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿತ್ತು. ಆದರೆ ಅವರ ಅನಾರೋಗ್ಯದ ಕಾರಣದಿಂದ ಅವರು ಹಿಂದೆ ಸರಿಯಬೇಕಾಯಿತು. ನಂತರ ಆ ಜಾಗಕ್ಕೆ ಕಿಂಗ್ ಖಾನ್ ಶಾರುಖ್ ಖಾನ್ ಸೀಸನ್ 3ರಲ್ಲಿ ನಿರೂಪಕರಾಗಿ ಬಂದರು. ಶೋ ಏನೋ ಚೆನ್ನಾಗಿಯೇ ಮೂಡಿ ಬಂತು, ಆದ್ರೆ ಜನಪ್ರಿಯತೆ ಹಾಗೂ ಅಭಿಮಾನಿಗಳ ಬೇಡಿಕೆ ಮೇರೆಗೆ ಸೀಸನ್ 4ರಲ್ಲಿ ತಮ್ಮ ಹೋಸ್ಟಿಂಗ್ಗೆ ಮರಳಿದರು.
ಒಟ್ನಲ್ಲಿ ಕಳೆದ 10 ವರ್ಷಗಳಿಂದ ಬಚ್ಚನ್ ಕೆಬಿಸಿ ನಡೆಸಿಕೊಡುತ್ತಿದ್ದಾರೆ. ಕೆಬಿಸಿ 16ನೇ ಸೀಸನ್ನ ಪ್ರತಿಯೊಂದು ಎಪಿಸೋಡ್ಗೆ ಬಚ್ಚನ್ 5 ಕೋಟಿ ಪಡೆಯುತ್ತಿದ್ದಾರೆ. ಈ ಮೂಲಕ ಬಾಲಿವುಡ್ನ ಅತಿ ಹೆಚ್ಚು ಸಂಭಾವನೆ ಪಡೀತಾರೆ ನಿರೂಪಕರಾಗಿದ್ದಾರೆ.
*ಸ್ವಾತಿ.ಎಸ್.
