ಕುಟುಂಬ ಮೋಹ ಬಿಡಿ: ಸೋನಿಯಾ ಗಾಂಧಿಗೆ ಪತ್ರ

ಕುಟುಂಬ ಮೋಹ ಬಿಟ್ಟು ಕಾಂಗ್ರೆಸ್​ ಪಕ್ಷ ಮುನ್ನೆಡಿಸಿ ಅಂತಾ ಸೋನಿಯಾ ಗಾಂಧಿಗೆ ಉತ್ತರ ಪ್ರದೇಶ ಕಾಂಗ್ರೆಸ್​ನ ಉಚ್ಚಾಟಿತ ಕಾಂಗ್ರೆಸ್​ ಮುಖಂಡರು ಪತ್ರ ಬರೆದಿದ್ದಾರೆ.

ಕಾಂಗ್ರೆಸ್ ನಾಯಕತ್ವದ ವಿಚಾರದಲ್ಲಿ ಕೆಲ ದಿನಗಳ ಹಿಂದಷ್ಟೇ ಭಾರೀ ಗೊಂದಲವೇರ್ಪಟ್ಟಿತ್ತು. ಸೋನಿಯಾ ಗಾಂಧಿ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡ್ತೇನೆ ಎಂದಿದ್ದರೂ ಸಹ ಹಲವು ಮುಖಂಡರ ಒತ್ತಾಯದ ಮೇರೆಗೆ ಸುಮ್ಮನಾಗಿದ್ದರು. ಈ ಬೆನ್ನಲ್ಲೇ ಇದೀಗ ಸೋನಿಯಾ ಗಾಂಧಿಗೆ ಇಂತಹದ್ದೊಂದು ಪತ್ರ ರವಾನೆಯಾಗಿದೆ.

ಜವಹರಲಾಲೂ, ಇಂದಿರಾ ಗಾಂಧಿ ಹಾಗೂ ರಾಜೀವ್​ ಗಾಂಧಿ ಕಾಲದಲ್ಲಿ ಕಾಂಗ್ರೆಸ್​ ಪಕ್ಷ ಸದೃಢವಾಗಿತ್ತು. ಆದರೆ ಸದ್ಯ ಕಾಂಗ್ರೆಸ್​ ಇರುವ ಸ್ಥಿತಿಯ ಬಗ್ಗೆ ಕಾರ್ಯಕರ್ತರಲ್ಲೇ ಗೊಂದಲವಿದೆ. ದೇಶದಲ್ಲಿ ಉಂಟಾಗ್ತಿರೋ ಅನ್ಯಾಯವನ್ನ ಪ್ರಶ್ನಿಸೋಕೆ ಕಾಂಗ್ರೆಸ್​ ಬಲಿಷ್ಠವಾಗಲೇಬೇಕು. ಹೀಗಾಗಿ ಕುಟುಂಬದ ಮೇಲಿನ ಮೋಹ ಮರೆತು ಪಕ್ಷ ಸದೃಢ ಮಾಡಿ ಅಂತಾ ಮಾಜಿ ಸಚಿವ ಸತ್ಯದೇವ್​ ತ್ರಿಪಾಠಿ ಸೇರಿದಂತೆ ಕಾಂಗ್ರೆಸ್​ನ ಹಲವು ಉಚ್ಚಾಟಿತ ನಾಯಕರು ಮನವಿ ಮಾಡಿದ್ದಾರೆ.