43 Dಬಾಸ್ ಫ್ಯಾನ್ಸ್ ಕೇಸ್
ಪೊಲೀಸ್ ತನಿಖೆ ಆರಂಭ

ದರ್ಶನ್​ ಫ್ಯಾನ್ಸ್‌ಗಳು ಎಂದು ಕಾಮೆಂಟ್ ಮಾಡಿದ್ದವರ ವಿರುದ್ಧ ರಮ್ಯಾ ಕಾನೂನು ಸಮರಕ್ಕೆ ಶಂಖನಾದ ಮೊಳಗಿಸಿದ್ದಾರೆ. ಡಿ ಅಭಿಮಾನಿಗಳ ವಿರುದ್ಧ ಪೊಲೀಸ್ ಕಮಿಷನರ್‌ಗೆ ದೂರು ಕೊಟ್ಟಿದ್ದಾರೆ. ನಟಿಯ ದೂರಿನ ಆಧಾರದ ಮೇಲೆ ಎಫ್‌ಐಆರ್ ಕೂಡ ದಾಖಲಾಗಿದೆ. ಸೋಷಿಯಲ್​ ಮೀಡಿಯಾದಲ್ಲಿ ಡಿ ಬಾಸ್​ ಫ್ಯಾನ್ಸ್​ ಅಂತ ಹೇಳಿಕೊಳ್ಳೋ ಕೆಲವು ಮಾನಗೇಡಿಗಳ ಮೊಂಡಾಟ, ಹುಚ್ಚಾಟ ಇದೇ ಮೊದಲೇನಲ್ಲ. ದರ್ಶನ್ ಬೇಲ್ ವಿಚಾರವಾಗಿ ಪೋಸ್ಟ್​ ಮಾಡಿದ ನಟಿ ರಮ್ಯಾಗೆ ಆಶ್ಲೀಲ ಕಾಮೆಂಟ್​ ಮಾಡಿದ ಕೆಲ ಲಜ್ಜೆಗೆಟ್ಟವರ ಕೃತ್ಯ ಸದ್ಯ ರಮ್ಯಾರನ್ನ ರಣಚಂಡಿಯಾಗಿಸಿದೆ.

ನಾನ್​ ಯಾವನನ್ನ ಮಗನಿಗೂ ಹೆದರಲ್ಲ ಎಂದಿದ್ದರು. ಈ ಮೂಲಕ ಗಾಡ ನಿದ್ರೆಗೆ ಜಾರಿದ್ದ ಸ್ಯಾಂಡಲ್​ವುಡ್​ನ ಬಡಿದೆಬ್ಬಿಸೋ ಕೆಲಸ ಮಾಡಿದ್ದಾರೆ. ಬೆಂಗಳೂರು ನಗರ ಪೊಲೀಸ್ ಆಯುಕ್ತರಿಗೆ ದೂರು ನೀಡಿದ್ದಾರೆ. ಅಶ್ಲೀಲ ಸಂದೇಶ, ಕಾಮೆಂಟ್​ಗಳ ದಾಖಲೆ ಸಮೇತ ಕಮಿಷನರ್‌ಗೆ ದೂರು ನೀಡಿರೋ ರಮ್ಯಾ ಈ ನೀಚರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಿ ಅಂತ ಮನವಿ ಮಾಡಿದ್ದಾರೆ.

ರಮ್ಯಾ ದೂರು ಬೆನ್ನಲ್ಲೇ ದರ್ಶನ್ ಫ್ಯಾನ್ಸ್‌ಗೆ ಸಂಕಷ್ಟ ಶುರುವಾಗಿದೆ. ದರ್ಶನ್ ಫ್ಯಾನ್ಸ್​​ ವಿರುದ್ಧ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ. 43 ಇನ್​ಸ್ಟಾ ಐಡಿ ಅಡ್ಮಿನ್​ಗಳ ವಿರುದ್ಧ FIR ದಾಖಲಾಗಿದೆ. ಇವರ ಮೇಲೆ ಒಂದಲ್ಲ ಎರಡಲ್ಲ ಸಾಕಷ್ಟು ಸೆಕ್ಷನ್‌ ಅಡಿ ಎಫ್ಐಆರ್ ದಾಖಲಾಗಿದೆ.

ಯಾವೆಲ್ಲಾ ಸೆಕ್ಷನ್‌ಗಳು?

BNS 351(2): ಮಹಿಳೆ ಗೌರವಕ್ಕೆ ಧಕ್ಕೆಯಾಗುವ ಶಬ್ದ ಬಳಕೆ
351(3)- ಲೈಂಗಿಕ ಉದ್ದೇಶದಿಂದ ಕಿರುಕುಳ ನೀಡುವುದು
BNS 352- ಮಹಿಳೆಯ ಇಚ್ಛೆಗೆ ವಿರುದ್ಧವಾಗಿ ಮುಟ್ಟುವುದು
BNS ಸೆ. 75(1)(4): ಕ್ರಿಮಿನಲ್ ನಡತೆಗಳಲ್ಲಿ ಸಂಚು
BNS ಸೆ. 79- ಗಂಭೀರ ನಡತೆ ಆಧಾರದ ಗಂಭೀರ ಅಪರಾಧ
IT ಆ್ಯಕ್ಟ್ ಸೆ. 66 – Hacking/Illegal access ಕೂಡ ದಾಖಲು
ಕಂಪ್ಯೂಟರ್ ಸಿಸ್ಟಮ್‌ಗೆ ಕಾನೂನುಬಾಹಿರವಾಗಿ ಪ್ರವೇಶ
ಡೇಟಾ ಅಳಿಸುವುದು ಅಥವಾ ಬದಲಾಯಿಸುವುದು ಅಪರಾಧ
ಶಿಕ್ಷೆ: 3 ವರ್ಷವರೆಗೆ ಜೈಲು ಜೊತೆಗೆ ದಂಡ ವಿಧಿಸಲು ಅವಕಾಶ
ಸೆ. 67: ಅಶ್ಲೀಲ ಪೋಸ್ಟ್, ಫೋಟೋ, ವಿಡಿಯೋ ಅಪ್‌ಲೋಡ್
ಶಿಕ್ಷೆ: 3 ರಿಂದ 5 ವರ್ಷ ಜೈಲು ಶಿಕ್ಷೆ, ಭಾರೀ ದಂಡ ವಿಧಿಸಲು ಅವಕಾಶ

ಈ ಎಲ್ಲಾ ಸೆಕ್ಷನ್‌ ಗಳ ಮೇಲೆ ರಮ್ಯ ಅವರ ದೂರು ದಾಖಲಾಗಿದೆ. ಈಗಾಗಲೇ ಪೊಲೀಸರ ತನಿಖೆ ಶುರುವಾಗಿದ್ದು ಮುಂದೆ ಯಾವ ರೀತಿ ಕ್ರಮವಾಗುತ್ತದೆ. ರಮ್ಯಾ vs ದರ್ಶನ್‌ ಫ್ಯಾನ್ಸ್‌ ವಾರ್‌ ಎಲ್ಲಿಯವರೆಗ ಹೋಗುತ್ತೆ ಕಾದು ನೋಡಬೇಕಿದೆ.

ವರದಿ:ರಂಜಿತ ರೇವಣ್ಣ ನಾಟನಹಳ್ಳಿ