ಚಿನ್ನ ಹೂಡಿಕೆದಾರರಿಗೆ ಭರ್ಜರಿ ಸಿಹಿ ಸುದ್ದಿ ಸಿಕ್ಕಿದೆ. ಚಿನ್ನದ ಮಾರುಕಟ್ಟೆ ಶೇಕ್ ಆಗ್ತಿದೆ. ವಾರದ ಆರಂಭದಲ್ಲಿಯೇ ಇಂದು ಭರ್ಜರಿ 820 ರೂಪಾಯಿ ಹೆಚ್ಚಳ ಆಗಿದೆ. ಬೆಳ್ಳಿ ದರವೂ ದಾಖಲೆ ಮಟ್ಟಕ್ಕೆ ಏರಿಕೆ ಕಂಡಿದ್ದು, ಹೂಡಿಕೆದಾರರಿಗೆ ಖುಷಿ ವಿಚಾರವಾಗಿದೆ. ಜಾಗತಿಕ ಮಾರುಕಟ್ಟೆ ಪರಿಣಾಮ, ಅಮೆರಿಕದ ಡಾಲರ್ ಕುಸಿತ ಮತ್ತು ಬಾಂಡ್ ಇಳುವರಿ ಸೇರಿದಂತೆ ಹಲವು ಕಾರಣಗಳಿಂದ ಚಿನ್ನದ ಬೆಲೆ ಏರಿಕೆಗೆ ಕಾರಣವಾಗಿದೆ. ಈ ವಾರ ಚಿನ್ನದ ಮಾರುಕಟ್ಟೆ ರೋಚಕ ರೀತಿಯಲ್ಲಿ ಚಲಿಸಿದೆ.
ಸೋಮವಾರ ಡಿಸೆಂಬರ್ 15 ರಂದು 24 ಕ್ಯಾರೆಟ್ ಶುದ್ಧ ಚಿನ್ನದ 1 ಗ್ರಾಂ ಬೆಲೆ 13,473 ಕ್ಕೆ ಏರಿಕೆಯಾಗಿ ಗರಿಷ್ಠಕ್ಕೆ ಹೆಚ್ಚಳ ಆಗಿದೆ. 10 ಗ್ರಾಂ ಬೆಲೆ 1,34,730 ರೂಪಾಯಿ ಆಗಿದೆ. ಇನ್ನು 22 ಕ್ಯಾರೆಟ್ ನ 1 ಗ್ರಾಂ ಚಿನ್ನದ ಬೆಲೆ 12,350 ರೂಪಾಯಿ ಇದ್ದು, 10 ಗ್ರಾಂ ಗೆ1,23,500 ರೂ ಆಗಿದೆ. ಬೆಳ್ಳಿ ಬೆಲೆ ಕೂಡಾ ಇಂದು ಹೆಚ್ಚಳ ಆಗಿದ್ದು, 2.90 ಪೈಸೆ ಹೆಚ್ಚಳ ಆಗಿ, 200.90 ರೂಪಾಗಿದ್ದು, ಕೆಜಿ ಬೆಲೆ 2,00,900 ರೂಗೆ ಏರಿಕೆ ಆಗಿದೆ.
ಡಿಸೆಂಬರ್ 10 ರಂದು US ಫೆಡರಲ್ ರಿಸರ್ವ್ ಬಡ್ಡಿ ದರವನ್ನು 25 ಮೂಲ ಅಂಕಗಳಷ್ಟು ಕಡಿತಗೊಳಿಸಿದೆ. ಇದು ಬೆಲೆ ಏರಿಕೆಗೆ ಪ್ರಮುಖ ಕಾರಣವಾಗಿದೆ. ಇದಕ್ಕೆ ಬೇರೆ ಬೇರೆ ಕಾರಣಗಳನ್ನ ನೋಡೋದಾದ್ರೆ ಸೆಂಟ್ರಲ್ ಬ್ಯಾಂಕ್ಗಳ ಖರೀದಿ, ETF ಒಳಹರಿವು, ಹೆಚ್ಚಿದ ಭೌಗೋಳಿಕ ರಾಜಕೀಯ ಉದ್ವಿಗ್ನತೆ ಮತ್ತು ಜಾಗತಿಕ ಆರ್ಥಿಕ ಅನಿಶ್ಚಿತತೆಗಳು ಈ ವರ್ಷ ಚಿನ್ನದ ದರ ಏರಿಕೆಗೆ ಕಾರಣವಾಗಿವೆ.
ಈ ವರ್ಷ ಡಿಸೆಂಬರ್ 12 ರವರೆಗೆ ದೇಶೀಯ ಮಾರುಕಟ್ಟೆಯಲ್ಲಿ ಸ್ಪಾಟ್ ಚಿನ್ನದ ಬೆಲೆ ಸುಮಾರು ₹55,800 ರಷ್ಟು ಏರಿಕೆಯಾಗಿದೆ. ಬೆಳ್ಳಿ ಬರೋಬ್ಬರಿ ₹1,08,000 ರಷ್ಟು ಏರಿಕೆ ಕಂಡಿದೆ. 1979ರ ನಂತರ ಚಿನ್ನವು ಅತ್ಯಂತ ಬಲವಾದ ವಾರ್ಷಿಕ ಗಳಿಕೆಯನ್ನು ದಾಖಲಿಸುವ ಹಾದಿಯಲ್ಲಿದೆ ಎಂದು ರಿಲಯನ್ಸ್ ಸೆಕ್ಯುರಿಟೀಸ್ನ ಹಿರಿಯ ಸಂಶೋಧನಾ ವಿಶ್ಲೇಷಕ ಜಿಗರ್ ತ್ರಿವೇದಿ ಅಭಿಪ್ರಾಯಪಟ್ಟಿದ್ದಾರೆ.
ವರದಿ : ಲಾವಣ್ಯ ಅನಿಗೋಳ
About The Author
