fake IVR call : ಇತ್ತೀಚಿನ ದಿನಗಳಲ್ಲಿ ನಕಲಿ IVR ಕರೆಗಳ ವಂಚನೆ ಹೆಚ್ಚಾಗುತ್ತಿದೆ ಆನ್‌ಲೈನ್ ವಂಚನೆಯ ಅನೇಕ ಘಟನೆಗಳು ಬೆಳಕಿಗೆ ಬಂದಿವೆ, ಇದರಲ್ಲಿ ಹ್ಯಾಕರ್‌ಗಳು, ಜನರಿಂದ ಮಾಹಿತಿ ಪಡೆದು ನಂತರ, ಅವರ ಬ್ಯಾಂಕ್ ಖಾತೆಯನ್ನು ಖಾಲಿ ಮಾಡುತ್ತಾರೆ.
ಇಂದು ತಂತ್ರಜ್ಞಾನದ ಸಹಾಯದಿಂದ, ಸ್ಕ್ಯಾಮರ್‌ಗಳು ಜನರನ್ನು ವಂಚಿಸಲು ಹೊಸ ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಅದೇ ರೀತಿಯಾಗಿ ಈಗ ಸ್ಕ್ಯಾಮರ್‌ಗಳು ನಕಲಿ ಸಂವಾದಾತ್ಮಕ ಧ್ವನಿ ಪ್ರತಿಕ್ರಿಯೆ ಅಂದ್ರೆ IVR ಹಗರಣಗಳ ಮೂಲಕ ಜನರನ್ನು ವಂಚಿಸಲು ಪ್ರಾರಂಭಿಸಿದ್ದಾರೆ. ವಾಸ್ತವವಾಗಿ, IVR ಒಂದು ಸ್ವಯಂಚಾಲಿತ ಫೋನ್ ವ್ಯವಸ್ಥೆಯಾಗಿದೆ. ಸದ್ಯ ಇದನ್ನು ದೂರಸಂಪರ್ಕ ಕಂಪನಿಗಳು ಮತ್ತು ಬ್ಯಾಂಕುಗಳು ಇತ್ಯಾದಿಗಳು ಬಳಸುತ್ತವೆ. ಇದು “ಭಾಷೆಯನ್ನು ಆಯ್ಕೆ ಮಾಡಲು 1 ಒತ್ತಿರಿ” ಅಥವಾ “ಬ್ಯಾಂಕ್ ಬ್ಯಾಲೆನ್ಸ್ ಮಾಹಿತಿಗಾಗಿ 2 ಒತ್ತಿರಿ” ಅಂತ ನೀವು ಕೇಳಿರ್ತಿರಾ ಅಲ್ವಾ ಈಗ ಅದೇ ರೀತಿ ಸ್ಕ್ಯಾಮರ್‌ಗಳು ಅದರ ಸಹಾಯದಿಂದ ವಂಚನೆ ಮಾಡುವ ಮಾರ್ಗವನ್ನ ಕಂಡುಕೊಂಡಿದ್ದಾರೆ.
ಇತ್ತೀಚೆಗೆ ಮಹಿಳೆಯೊಬ್ಬರು ನಕಲಿ ಐವಿಆರ್ ಹಗರಣಕ್ಕೆ ಬಲಿಯಾಗಿ 2 ಲಕ್ಷ ರೂ. ಕಳೆದುಕೊಂಡಿರುವ ಘಟನೆ ಬೆಳಕಿಗೆ ಬಂದಿದೆ ಆ ಮಹಿಳೆಗೆ ಬಂದ ಕರೆ ಅವರ ಬ್ಯಾಂಕಿನ IVR ನಂತಿತ್ತು. ಈ ಕರೆಯಲ್ಲಿ, ನಿಮ್ಮ ಖಾತೆಯಿಂದ 2 ಲಕ್ಷ ರೂ. ಗಳನ್ನು ವರ್ಗಾಯಿಸಲಾಗುತ್ತಿದೆ ಎಂದು ತಿಳಿಸಲಾಯಿತು. ಈ ವರ್ಗಾವಣೆಯನ್ನು ನಿಲ್ಲಿಸಲು, ಮಹಿಳೆಗೆ ಒಂದು ಬಟನ್ ಅನ್ನು ಒತ್ತಲು ಹೇಳಲಾಯಿತು. ಬಟನ್ ಒತ್ತಿದ ತಕ್ಷಣ, ಮಹಿಳೆಯ ಖಾತೆಯಿಂದ 2 ಲಕ್ಷ ರೂಪಾಯಿ ಖಾಲಿಯಾಗಿದ್ದು ಮಹಿಳೆಗೆ ಸ್ಕ್ಯಾಮರ್‌ಗಳು ಪಂಗನಾಮ ಹಾಕಿದ್ದಾರೆ.
ಇನ್ನು ನಕಲಿ IVR ಕರೆಯನ್ನು ಗುರುತಿಸುವುದು ಹೇಗೆ ಅಂತ ನೋಡಿದಾಗ ಇದು ತುಂಬಾ ಸುಲಭ. ವಾಸ್ತವವಾಗಿ, ನಿಜವಾದ IVR ಸಮಯದಲ್ಲಿ, OTP ಮತ್ತು ಪಾಸ್‌ವರ್ಡ್‌ನಂತಹ ಸೂಕ್ಷ್ಮ ಮಾಹಿತಿಯನ್ನು ನಿಮ್ಮನ್ನು ಎಂದಿಗೂ ಕೇಳಲಾಗುವುದಿಲ್ಲ. ಯಾರಾದರೂ ನಿಮ್ಮಿಂದ ಅಂತಹ ಸೂಕ್ಷ್ಮ ಮಾಹಿತಿಯನ್ನು ಕೇಳಿದರೆ ನೀವು ಜಾಗರೂಕರಾಗಿರಬೇಕು. ಇದಲ್ಲದೆ, ಸ್ಕ್ಯಾಮರ್‌ಗಳು ನಿಮ್ಮ ಮೇಲೆ ಆತುರಪಡುವಂತೆ ಒತ್ತಡ ಹೇರುತ್ತಾರೆ, ಆದರೆ ಇದು ನಿಜವಾದ ಕರೆಯಲ್ಲಿ ಆಗುವುದಿಲ್ಲ. ಅಲ್ಲದೆ, ನಕಲಿ ಐವಿಆರ್ ಕರೆಗಳ ಮೂಲಕ ನಿಮ್ಮನ್ನು ಹೆದರಿಸುವ ಪ್ರಯತ್ನ ಮಾಡಲಾಗುತ್ತದೆ. ಕರೆಯ ಸಮಯದಲ್ಲಿ ನಿಮಗೆ ಅನುಮಾನ ಬಂದರೆ, ತಕ್ಷಣ ಕರೆಯ ಸಂಪರ್ಕ ಕಡಿತಗೊಳಿಸಿ.
ಐವಿಆರ್ ಹಗರಣವನ್ನು ತಪ್ಪಿಸುವುದು ಹೇಗೆ?:
ಅಂತಹ ಯಾವುದೇ ಕರೆಯ ಸಮಯದಲ್ಲಿ ನಿಮ್ಮ ಸೂಕ್ಷ್ಮ ಮಾಹಿತಿಯನ್ನು ಹಂಚಿಕೊಳ್ಳಬೇಡಿ.
ವಹಿವಾಟುಗಳನ್ನು ಪರಿಶೀಲಿಸಲು SMS ಮತ್ತು ಇಮೇಲ್ ಅಧಿಸೂಚನೆಗಳನ್ನು ಸಕ್ರಿಯಗೊಳಿಸಿ.
ಸ್ಪ್ಯಾಮ್ ಕರೆಗಳನ್ನು ನಿಲ್ಲಿಸಲು, ಡು ನಾಟ್ ಡಿಸ್ಟರ್ಬ್ (DND) ಸೇವೆಯನ್ನು ಸಕ್ರಿಯಗೊಳಿಸಿ.
ಯಾವುದೇ ವಂಚನೆ ನಡೆದರೆ, ತಕ್ಷಣ ಪೊಲೀಸ್ ಮತ್ತು ಇತರ ತನಿಖಾ ಸಂಸ್ಥೆಗಳನ್ನು ಸಂಪರ್ಕಿಸಿ.
