International News: ರೆಸ್ಟೋರೆಂಟ್ ಒಂದರಲ್ಲಿ ಮಹಿಳಾ ಪರಿಚಾರಿಕೆಯ ಮೇಲೆ ಗ್ರಾಹಕನೋರ್ವ, ಎಲ್ಲರೆದುರು, ಊಟದ ತಟ್ಟೆಯಿಂದಲೇ ಮುಖದ ಮೇಲೆ ಹಲ್ಲೆ ಮಾಡಿರುವ ಘಟನೆ ನಡೆದಿದೆ. ಈ ವೀಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗಿದ್ದು, ಆ ವ್ಯಕ್ತಿ ವಿರುದ್ಧ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.
ಲಂಡನ್‌ ಸ್ಟ್ರಾಟ್‌ಫೋರ್ಡ್ ನಲ್ಲಿರುವ ನಂದೋಸ್ ಯುಕೆ ಎಂಬ ರೆಸ್ಟೋರೆಂಟ್ ನಲ್ಲಿ ಈ ಘಟನೆ ಮಾರ್ಚ್ ತಿಂಗಳಲ್ಲಿ ನಡೆದಿದೆ. ಆದರೆ, ಇದೀಗ ಈ ವೀಡಿಯೋ ವೈರಲ್ ಆಗಿದೆ. ಈ ರೆಸ್ಟೋರೆಂಟ್‌ಗೆ ಪತ್ನಿ ಮತ್ತು ಮಗುವಿನ ಜೊತೆ ಓರ್ವ ವ್ಯಕ್ತಿ ಊಟ ಮಾಡಲು ಬಂದಿದ್ದ. ಆರ್ಡರ್ ನೀಡಿದ ಬಳಿಕ, ಪರಿಚಾರಿಕೆ ಆ ಆರ್ಡರ್ ತೆಗೆದುಕೊಂಡು ಬಂದು, ಟೇಬಲ್‌ ಮೇಲೆ ಇಟ್ಟಳು.
ಆ ತಕ್ಷಣ, ಆ ವ್ಯಕ್ತಿ ಆಕೆಯ ಮುಖಕ್ಕೆ ಊಟ ಮಾಡುವ ಪ್ಲೇಟ್‌ನಿಂದ ಹೊಡೆದಿದ್ದಾನೆ. ಈ ವೇಳೆ ಅವನೊಂದಿಗೆ ಬಂದಿದ್ದ ಪತ್ನಿ ಮತ್ತು ಮಗು ಹೆದರಿ ಆ ಸ್ಥಳದಿಂದ ಎದದ್ದು ನಡೆದಿದ್ದಾರೆ. ಆತ ಬಿಲ್ ಪೇ ಮಾಡುವ ವೇಳೆಯೂ ಆತನ ಮುಖದಲ್ಲಿ ಸಿಟ್ಟಿರುವುದು ನೀವು ವೀಡಿಯೋದಲ್ಲಿ ನೋಡಬಹುದು. ಸ್ಥಳದಲ್ಲೇ ಇದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಈ ಎಲ್ಲ ದೃಶ್ಯ ರೆಕಾರ್ಡ್ ಆಗಿದೆ.
ಇನ್ನು ಯಾಕೆ ಈ ವ್ಯಕ್ತಿ ಆಕೆಯ ಮುಖಕ್ಕ ಹೊಡೆದ ಎಂಬ ಬಗ್ಗೆ ವರದಿಯಾಗಿಲ್ಲ. ಊಟ ಲೇಟಾಗಿ ತಂದಿರಬಹುದು ಎಂದು ಹಲವರು ಅಂದಾಜಿಸಿದ್ದಾರೆ. ಹಸಿವಾಗಿದ್ದು, ಊಟ ಲೇಟಾಗಿ ಬಂದಿದ್ದಕ್ಕೆ, ಸಿಟ್ಟಾಗಿದ್ದ ಈತ, ಆಕೆಯ ಮೇಲೆ ಹಲ್ಲೆ ಮಾಡಿರಬಹುದು ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ.
ಈ ವೀಡಿಯೋ ಟ್ವೀಟರ್‌ನಲ್ಲಿ ವೈರಲ್ ಆಗುತ್ತಿದ್ದು, ಹಲ್ಲೆ ನಡೆಸಿದ ವ್ಯಕ್ತಿಯ ವಿರುದ್ಧ ಆಕ್ರೋಶ ವ್ಯಕ್ತವಾಗುತ್ತಿದೆ. ಈತ ಎಲ್ಲರೆದುರೇ ಈ ರೀತಿ ಮಾಡುತ್ತಿರರುವುದನ್ನು ಮತ್ತು ಇವನ ವರ್ತನೆಗೆ, ಈತನ ಪತ್ನಿ ಮತ್ತು ಮಗು ಹೆದರಿದ್ದನ್ನು ನೋಡಿದರೆ, ನಾಲ್ಕು ಗೋಡೆ ಮಧ್ಯೆ ಈತ ಹೇಗೆ ವರ್ತಿಸಬಹುದೆಂದು ನಾವು ಊಹೆ ಮಾಡಲು ಕೂಡ ಅಸಾಧ್ಯವೆಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನು ಸೋಶಿಯಲ್ ಮೀಡಿಯಾದಲ್ಲಿ ಈ ವ್ಯಕ್ತಿಯ ವಿರುದ್ಧ ಜನ ಆಕ್ರೋಶ ಹೊರಹಾಕಿದ್ದು, ಈತನನ್ನು ಅರೆಸ್ಟ್ ಮಾಡಿ, ಜೈಲಿಗೆ ಹಾಕಬೇಕು ಎಂದು ಆಗ್ರಹಿಸಿದ್ದಾರೆ. ಆದರೆ ಸ್ಥಳೀಯ ಪೊಲೀಸರು ಮಾತ್ರ ಈ ಬಗ್ಗೆ ಇನ್ನೂ ಯಾವುದೇ ಕ್ರಮ ಕೈಗೊಂಡಿಲ್ಲ.
Hi @NandosUK the below incident happened in your Stratford outlet yesterday.
Can you confirm that the assault has been reported to the police and your member of staff has received the support she deserves? pic.twitter.com/LUBCmg6MzU— BLAIM GAME (@BLAIMGame) August 21, 2024
