ನವೆಂಬರ್ 2025ರಲ್ಲಿ ಯಾವುದೇ ಪ್ರಮುಖ ಬ್ಯಾಂಕ್ ಕೆಲಸವಿದ್ದರೆ, ಮುಂಚಿತವಾಗಿ ಮುಗಿಸಿಕೊಂಡು ಬಿಡ್ಬೇಕು. ಏಕೆಂದ್ರೆ, ನವೆಂಬರ್ ತಿಂಗಳಲ್ಲಿ 9ರಿಂದ 10 ದಿನಗಳವರೆಗೆ ಬ್ಯಾಂಕ್ಗಳು ಬಂದ್ ಆಗಲಿದೆ. ಭಾನುವಾರ ಮತ್ತು 2ನೇ, 4ನೇ ಶನಿವಾರ, ಹಬ್ಬಗಳ ಕಾರಣದಿಂದ ಸಾಲು ಸಾಲು ರಜೆಗಳು ಬಂದಿವೆ.
ಈ ರಜಾದಿನಗಳಲ್ಲಿ ಡಿಜಿಟಲ್ ಬ್ಯಾಂಕಿಂಗ್ ಮತ್ತು ಆನ್ಲೈನ್ ಸೇವೆಗಳು ಎಂದಿನಂತೆ ಕಾರ್ಯನಿರ್ವಹಿಸಲಿವೆ. ಮುಚ್ಚಲ್ಪಡುತ್ತವೆ. ನವೆಂಬರ್ 1ರಂದು ಬೆಂಗಳೂರಿನಲ್ಲಿ ಕನ್ನಡ ರಾಜ್ಯೋತ್ಸವ ಮತ್ತು ಡೆಹ್ರಾಡೂನ್ ನಲ್ಲಿ ಇಗಾಸ್-ಬಾಗ್ವಾಲ್ ಕಾರಣ ಬ್ಯಾಂಕ್ಗಳಿಗೆ ರಜೆ ಇರುತ್ತದೆ. ನವೆಂಬರ್ನಲ್ಲಿ ಮೊದಲ ಬ್ಯಾಂಕ್ ರಜೆ ನವೆಂಬರ್ 5ರಂದು ಇರುತ್ತದೆ, ಅದು ಗುರುನಾನಕ್ ಜಯಂತಿ ಮತ್ತು ಕಾರ್ತಿಕ ಪೂರ್ಣಿಮೆಯೊಂದಿಗೆ ಹೊಂದಿಕೆಯಾಗುತ್ತದೆ. ಈ ದಿನದಂದು ದೇಶಾದ್ಯಂತ ಬ್ಯಾಂಕ್ಗಳು ಬಂದ್ ಆಗಲಿದೆ.
ನವೆಂಬರ್ 7ರಂದು, ವಂಗಲಾ ಉತ್ಸವದ ಕಾರಣ ಶಿಲ್ಲಾಂಗ್ನಲ್ಲಿ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. ನವೆಂಬರ್ 8 ಎರಡನೇ ಶನಿವಾರ, ಆದ್ದರಿಂದ ಇಡೀ ದೇಶಾದ್ಯಂತ ರಜೆ ಇರುತ್ತದೆ. ಕರ್ನಾಟಕದಲ್ಲಿ ಕನಕದಾಸ ಜಯಂತಿಯೂ ಇರುವುದರಿಂದ, ಅಲ್ಲಿಯೂ ಬ್ಯಾಂಕುಗಳು ಮುಚ್ಚಲ್ಪಡುತ್ತವೆ. ಇದಲ್ಲದೆ, ನವೆಂಬರ್ 2, 9, 16, 23 ಮತ್ತು 30ರಂದು ಭಾನುವಾರ ಕಾರಣ ದೇಶಾದ್ಯಂತ ಬ್ಯಾಂಕ್ಗಳು ಕ್ಲೋಸ್ ಆಗಲಿವೆ.
ನವೆಂಬರ್ 22 ನಾಲ್ಕನೇ ಶನಿವಾರ, ಆದ್ದರಿಂದ ಆ ದಿನವೂ ರಜಾ ದಿನವಾಗಿರುತ್ತದೆ. ಒಟ್ಟಾರೆಯಾಗಿ, ನವೆಂಬರ್ ತಿಂಗಳು ಪೂರ್ತಿ 9ರಿಂದ 10 ದಿನಗಳವರೆಗೆ ಬ್ಯಾಂಕ್ಗಳು ಬಂದ್ ಆಗಲಿದೆ. ಈ ರಜಾದಿನಗಳು ನಿಮ್ಮ ಬ್ಯಾಂಕಿಂಗ್ ಕಾರ್ಯಾಚರಣೆಗಳ ಮೇಲೆ ಪರಿಣಾಮ ಬೀರಬಹುದು.
ನೀವು ಚೆಕ್ ಠೇವಣಿ ಇಡಬೇಕಾದ್ರೆ, ನಿಮ್ಮ ಪಾಸ್ಬುಕ್ ಅನ್ನು ನವೀಕರಿಸಬೇಕಾದರೆ ಅಥವಾ ಯಾವುದೇ ನಗದು ಸಂಬಂಧಿತ ಕೆಲಸವನ್ನು ಮಾಡಿಕೊಳ್ಳಲು, ಈ ದಿನಗಳಲ್ಲಿ ಸಾಧ್ಯವಾಗುವುದಿಲ್ಲ. ಆನ್ಲೈನ್ ಬ್ಯಾಂಕಿಂಗ್, ಮೊಬೈಲ್ ಅಪ್ಲಿಕೇಶನ್ ಗಳು ಮತ್ತು ಎಟಿಎಂಗಳು ಯಾವಾಗಲೂ ಕಾರ್ಯನಿರ್ವಹಿಸುತ್ತವೆ.
ರಜಾದಿನಗಳಲ್ಲಿ ಬರುವ ಸಾಲದ ಕಂತು, ಮರುಕಳಿಸುವ ಠೇವಣಿ ಅಥವಾ ಹೂಡಿಕೆ ಮುಕ್ತಾಯದಂತಹ ಪ್ರಮುಖ ವಹಿವಾಟನ್ನು ಮುಂದೂಡಬೇಕಾಗಿದೆ. ಭಾರತೀಯ ರಿಸರ್ವ್ ಬ್ಯಾಂಕ್ ನಿಯಮಗಳ ಪ್ರಕಾರ, ರಜಾದಿನಗಳಲ್ಲಿ ಯಾವುದೇ ಪ್ರಮುಖ ವಹಿವಾಟುಗಳು ನಡೆಯುವುದಿಲ್ಲ. ಆದ್ದರಿಂದ, ರಜಾದಿನಕ್ಕೆ ಒಂದು ಅಥವಾ ಎರಡು ದಿನಗಳ ಮೊದಲು ನಿಮ್ಮ ಪ್ರಮುಖ ಕೆಲಸವನ್ನು ಪೂರ್ಣಗೊಳಿಸುವುದು ಉತ್ತಮ.
About The Author
