ಗಡಿಯಲ್ಲಿ ಕಾಲ್ಕೆರೆದಿದ್ದೇ ಚೀನಾ ಸೇನೆ: ಭಾರತದ ಪ್ರತ್ಯುತ್ತರ

ಲಡಾಖ್​ ಗಡಿಯಲ್ಲಿ ನಡೆಯುತ್ತಿರೋ ಸಂಘರ್ಷ ಸಂಬಂಧ ಚೀನಾ ಹಾಗೂ ಭಾರತ ದ್ವಿಪಕ್ಷೀಯ ಮಾತುಕತೆ ನಡೆಸಿತು. ಈ ವೇಳೆ ಮಾತನಾಡಿದ ವಿದೇಶಾಂಗ ಖಾತೆ ಸಚಿವ ಎಸ್​. ಜೈಶಂಕರ್​​ ಚೀನಾ ಗಡಿಯಲ್ಲಿ ಕೈಗೊಳ್ಳಲಾದ ಎಲ್ಲ ಒಪ್ಪಂದಗಳನ್ನ ಉಲ್ಲಂಘಿಸಿದೆ ಅಂತಾ ಹೇಳಿದ್ರು.

ಮಾಸ್ಕೋದಲ್ಲಿ ಚೀನಾದ ವಾಂಗ್​ ಯೀ ಜೊತೆ ಮಾತುಕತೆ ನಡೆಸಿದ ವಿದೇಶಾಂಗ ಸಚಿವ ಎಸ್​. ಜೈಶಂಕರ್​ ಚೀನಾ ಸೇನೆಯ ಉದ್ಧಟತನಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ರು. ಚೀನಾದ ಸೇನೆ ಪದೇ ಪದೇ ಗಡಿ ರೇಖೆಯ ಒಪ್ಪಂದಗಳನ್ನ ಉಲ್ಲಂಘಿಸುತ್ತಿದೆ. ಗಡಿಯಲ್ಲಿ ದೊಡ್ಡ ಪ್ರಮಾಣದಲ್ಲಿ ಸೇನೆಯನ್ನ ನಿಯೋಜಿಸೋ ಮೂಲಕ ಚೀನಾ ಸೇನೆ 1993 ಹಾಘೂ 1996ರ ಒಪ್ಪಂದಗಳನ್ನ ಉಲ್ಲಂಘಿಸಿದೆ. ಹಾಗೂ ಈ ರೀತಿ ಸೇನೆ ನಿಯೋಜನೆ ಮಾಡಿರೋ ಬಗ್ಗೆ ಚೀನಾದಿಂದ ವಿಶ್ವಾಸಾರ್ಹ ವಿವರಣೆ ಸಿಕ್ಕಿಲ್ಲ ಅಂತಾ ಹೇಳಿದ್ರು.
ಸುಮಾರು 2 ಗಂಟೆಗಳ ಕಾಲ ನಡೆದ ಮಾತುಕತೆಯಲ್ಲಿ ಉಭಯ ರಾಷ್ಟ್ರಗಳು ಗಡಿಯಲ್ಲಿನ ಒಪ್ಪಂದಗಳನ್ನ ಪಾಲಿಸಿದ್ರೆ ಮಾತ್ರ ದೇಶಕ್ಕೆ ಒಳಿತು ಅಂತಾ ಭಾರತ ಚೀನಾಗೆ ಕಿವಿಮಾತು ಹೇಳಿದೆ.