‘25 ಸಂಸದರನ್ನ ಆರಿಸಿದ್ದಕ್ಕೆ ಕನ್ನಡಿಗರಿಗೆ ಶಿಕ್ಷೆ’

ಕೇಂದ್ರ ಸರ್ಕಾರದ ತಪ್ಪಿನಿಂದಾಗಿ ನಾವು ತೆರಿಗೆ ಕಟ್ಟೋದು ಮಾತ್ರವಲ್ಲದೇ ಸಾಲದ ಹೊರೆಯನ್ನೂ ಹೊರಬೇಕಾದ ದುಸ್ಥಿತಿ ಬಂದೊದಗಿದೆ ಅಂತಾ ಮಾಜಿ ಸಚಿವ ಪ್ರಿಯಾಂಕ್​ ಖರ್ಗೆ ಟ್ವಿಟರ್​ನಲ್ಲಿ ಗುಡುಗಿದ್ದಾರೆ.
ಈ ಸಂಬಂಧ ಸರಣಿ ಟ್ವೀಟ್​ ಮಾಡಿರುವ ಅವರು ರಾಜ್ಯ ಸರ್ಕಾರ ಈಗಾಗಲೇ ಆರ್ಥಿಕ ಸಂಕಷ್ಟದಲ್ಲಿದೆ. ಈ ನಡುವೆ ನಾವು ಜಿಎಸ್​ಟಿ , ಆರ್​ಬಿಐ ಸಾಲದ ಜೊತೆಗೆ ಬಿಜೆಪಿ ಸಾಲವನ್ನೂ ತೀರಿಸಬೇಕಾದ ಕರ್ಮ ಎದುರಾಗಿದೆ ಅಂತಾ ಕೆಂಡಕಾರಿದ್ರು,

ವಿಪಕ್ಷಗಳ ಮಾತನ್ನು ಕೇಳದ ಕೇಂದ್ರ ಸರ್ಕಾರದ ತಪ್ಪಿನಿಂದಾಗಿ ಈಗ ದೇಶದ ಜನತೆ ದಂಡ ತೆರಬೇಕಾದ ಸ್ಥಿತಿ ಎದುರಾಗಿದೆ.ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದ ದೇಶದಲ್ಲಿ ಆರ್ಥಿಕ ಸಂಕಷ್ಟವಿದೆ. ಆದ್ರೆ ಈಗ ಮೋದಿ ಸರ್ಕಾರ ಇದಕ್ಕೆ ಕರೊನಾ ಕಾರಣ ಅಂತಾ ಹುಸಿ ಕಾರಣ ನೀಡಿದೆ. 25 ಸಂಸದರನ್ನ ಕರ್ನಾಟಕ ಆರಿಸಿ ಕಳುಹಿಸಿದ ತಪ್ಪಿಗೆ ಕನ್ನಡಿಗರಿಗೆ ಈ ಶಿಕ್ಷೆ ನೀಡಿದ್ದೀರಾ ಅಂತಾ ಪ್ರಶ್ನಿಸಿದ್ದಾರೆ.