ಅಂತರಾಷ್ಟ್ರೀಯ ಸುದ್ದಿ: ಪ್ರಪಂಚದಲ್ಲಿ ಒಬ್ಬರ ತರ ಏಳು ಜನ ಇರ್ತಾರೆ ಅಂತ ಸಾಕಷ್ಟು ಕೇಳಿರುತ್ತೇವೆ ಒಂದೊಂದು ಬಾರಿ ನಾವು ಅವರನ್ನು ನೋಡಿರುತ್ತೇವೆ ಸಹ .ಅದೇರೀತಿ ನೇರೆ ದೇಶವಾದ ಪಾಕಿಸ್ಥಾನದಲ್ಲಿ ತಮಿಳಿನ ಸೂಪರ್ ಸ್ಟಾರ್ ರಜನಿಕಾಂತ ಅವರನ್ನೇ ಹೋಲುವಂತ ವ್ಯಕ್ತಿ ಇತ್ತೀಚಿಗೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದ್ದಾರೆ.
ರೆಹಮತ್ ಪಾಕಿಸ್ತಾನದ ನಿವೃತ್ತ ಸರ್ಕಾರಿ ಉದ್ಯೋಗಿಯಾಗಿದ್ದು, ಇವರ ಮುಖ, ಹಾವ-ಭಾವ ಎಲ್ಲವೂ ರಜನಿಕಾಂತ್ ಅವರನ್ನೇ ಹೋಲುತ್ತದೆ.. ನಟ ರಜನಿಕಾಂತ್ ಅವರಂತೆ ಕಾಣುತ್ತೀರಾ ಎಂದು ರೆಹಮತ್ ಅವರಿಗೆ ಸಹೋದ್ಯೋಗಿಗಳು ಹೇಳುತ್ತಿದ್ದರಂತೆ. ಈತನ ಫೋಟೋ ನೋಡಿದ ಅನೇಕರು ರೆಹಮತ್ ಬಾಡಿ, ಹೇರ್ ಸ್ಟೈಲ್, ಎತ್ತರ ಕೂಡ ತಲೈವ ಅವರನ್ನೇ ಹೋಲುತ್ತದೆ ಎಂದು ಅನೇಕರು ಕಮೆಂಟ್ ಮಾಡಿದ್ದಾರೆ.
ನಾನು ಸಿಬಿಯಲ್ಲಿರುವ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಸೇವೆ ಸಲ್ಲಿಸುತ್ತಿರುವಾಗ ರಜನಿಕಾಂತ್ ಅವರೊಂದಿಗೆ ಅನೇಕನ್ನು ನನ್ನನ್ನು ಹೋಲಿಕೆ ಮಾಡುತ್ತಿದ್ರು ಆದ್ರೆ ನಾನು ಹೆಚ್ಚು ತಲೆಕೆಡಿಸಿಕೊಂಡಿಲ್ಲ.
ಸೋಶಿಯಲ್ ಮೀಡಿಯಾದಲ್ಲಿ ನನ್ನ ಫೋಟೋ ವೈರಲ್ ಆಗುತ್ತಿದೆ. ಅಲ್ಲಿ ಅನೇಕ ಜನರು ನನ್ನನ್ನು ರಜನಿಕಾಂತ್ ಹೆಸರಿನಿಂದ ಕರೆಯಲು ಪ್ರಾರಂಭಿಸಿದರು. ದೇವರು ನನ್ನನ್ನು ದೊಡ್ಡ ನಟನ ರೀತಿ ರೂಪಿಸಿದ್ದಾನೆ ಎಂದು ಹೇಳಿದ್ದಾರೆ.
ಬಳಿಕ ರೆಹಮತ್, ತಲೈವಾ ರೀತಿ ಸ್ಟೈಲ್ ಮಾಡಲು ಶುರು ಮಾಡಿದ್ರಂತೆ. ರಜನಿಕಾಂತ್ ಅವರಂತೆ ಸಿಗರೇಟ್ ಸೇದುವುದು. ಕೂಲಿಂಗ್ ಗ್ಲಾಸ್ ಹಾಕಿಕೊಳ್ಳುವುದನ್ನು ಸೂಪರ್ ಸ್ಟಾರ್ ಸ್ಟೈಲ್ ಅನುಸರಿಸಿದ್ರು.
ರೆಹಮತ್ ವೈದ್ಯಕೀಯ ತಪಾಸಣೆಗಾಗಿ ಕರಾಚಿಗೆ ಹೋದಾಗ ಜನರು ಅವರನ್ನು ರಜನಿಕಾಂತ್ ಎಂದು ತಿಳಿದು ಸೆಲ್ಫಿ ತೆಗೆದುಕೊಳ್ಳಲು ಮುಗಿಬಿದ್ದಿದ್ದರಂತೆ. ಅನೇಕರು ನಿಜವಾಗಿಯೂ ರಜನಿಕಾಂತ್ ಅವರೇನಾ ಎಂದು ಪ್ರಶ್ನೆಸಿದ್ದರಂತೆ. ಇಲ್ಲ ನಾನು ಪಾಕಿಸ್ತಾನದವನು ಎಂದಿದ್ದರಂತೆ ರೆಹಮತ್.
ಪ್ರೀತಿ ಮತ್ತು ಜನಪ್ರಿಯತೆಯನ್ನು ಪಡೆದ ನಂತರ, 62 ವರ್ಷದ ರೆಹಮತ್ ಈಗ ನಿಜವಾದ ರಜನಿಕಾಂತ್ ಅವರನ್ನು ಭೇಟಿ ಮಾಡುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ.
DK Shivakumar : ಡಿಸಿಎಂ ಡಿಕೆಶಿಗೆ ಬಿಗ್ ರಿಲೀಫ್ : ಸಿಬಿಐ ಅರ್ಜಿ ವಜಾಗೊಳಿಸಿದ ಸುಪ್ರೀಂ ಕೋರ್ಟ್
