ಸಾಮಾನ್ಯವಾಗಿ ಪ್ರೇಕ್ಷಕರು ಸಿನಿಮಾದ ಯಶಸ್ಸಿಗೆ ಹೀರೋ ಹೀರೋಯಿನ್ ಅಷ್ಟೆ ಕಾರಣ ಅಂತ ಅಂದುಕೊಳ್ತಾರೆ. ಹಾಗಾಗಿಯೇ ನಾಯಕ ನಾಯಕಿಯರು ಯಾವ ರೀತಿಯ ಡ್ರೆಸ್ ಹಾಕ್ತಾರೆ, ಯಾವ ಹೇರ್ ಸ್ಟೈಲ್ ಮಾಡಿಸಿಕೊಂಡಿದ್ದಾರೆ.. ಅವರ ಅಟಿಟ್ಯೂಡ್.. ಹೀಗೆ ಸ್ಟಾರ್ ನಟ-ನಟಿಯರನ್ನು ಅಭಿಮಾನಿಗಳು ಅನುಸರಿಸೋದು ಕಾಮನ್ ಆಗಿ ಬಿಟ್ಟಿದೆ. ಇದೇ ರೀತಿ ಇಲ್ಲೊಬ್ಬ ನಾಯಕ ನಟ ಧರಿಸಿರೋ ಟೋಪಿಯನ್ನ 5 ಕೋಟಿಗೆ ಖರೀದಿಸಿದ್ದಾನೆ.. ಹೌದು ವೀಕ್ಷಕರೇ.. ಇದು ಆಶ್ಚರ್ಯ ಅನ್ನಿಸಿದ್ರೂ ಸತ್ಯ.. ಇಲ್ಲೊಬ್ಬ ಹಾಲಿವುಡ್ ಸಿನಿಮಾದಲ್ಲಿ ನಾಯಕ ನಟ ಧರಿಸಿದ್ದ ಟೋಪಿಯನ್ನ ಹರಾಜಿನಲ್ಲಿಟ್ಟಿದ್ರು. ಈ ಟೋಪಿಯನ್ನ ಇಷ್ಟೊಂದು ದುಬಾರಿ ಬೆಲೆಗೆ ಖರೀದಿಸಿದ್ದಾನೆ.
ಹಾಲಿವುಡ್ನ ‘ಇಂಡಿಯಾನಾ ಜೋನ್ಸ್ ಆಂಡ್ ದಿ ಟೆಂಪಲ್ ಆಫ್ ಡೂಮ್’ ಸಿನಿಮಾದಲ್ಲಿ ಹೀರೋ ಧರಿಸಿದ್ದ ಟೋಪಿಯನ್ನ ಕೆಲವು ದಿನಗಳ ಹಿಂದೆ ಲಾಸ್ ಏಂಜಲ್ಸ್ನಲ್ಲಿ ಹರಾಜಿಗೆ ಇಡಲಾಗಿತ್ತು. ನೀವೇನಾದ್ರೂ ಈ ಟೋಪಿಯನ್ನ ನೋಡಿದ್ರೆ ನಿಜಕ್ಕೂ, ಈತ ಏನಾದ್ರೂ ಹುಚ್ಚನಾ ಅಂತ ಅಂದುಕೊಳ್ತಿರಾ! ಈ ಟೋಪಿ ನೋಡೋಕೆ ಎಷ್ಟು ಸಿಂಪಲ್ ಆಗಿದೆ ಅಂದ್ರೆ, ಅಯ್ಯೋ ನಮ್ ಊರಲ್ಲಿ ಬೀದಿ ಬೀದಿಯಲ್ಲೂ ಇಂತ ಟೋಪಿ ಸಿಗುತ್ತೆ ಅಂತೀರಾ.. ಯಾವುದೇ ರೀತಿಯ ಡಿಸೈನ್ ಇಲ್ಲ, ತುಂಬಾ ಹಳೆದಾಗಿದ್ದು, ಶೂಟಿಂಗ್ ಟೈಮ್ನಲ್ಲಿ ಆದಂತಹ ಕಲೆಗಳೆಲ್ಲಾ ಟೋಪಿ ಮೇಲೆ ಕಾಣಿಸುತ್ತೆ. ಹ್ಯಾರಿಸನ್‌ ಪೋರ್ಡ್‌ ನಾಯಕನಾಗಿ ನಟಿಸಿರುವ ಇಂಡಿಯಾನಾ ಜೋನ್ಸ್ ಆಂಡ್ ದಿ ಟೆಂಪಲ್ ಆಫ್ ಡೂಮ್ ಸಿನಿಮಾವನ್ನು ಭಾರತದಲ್ಲಿ ಸಂಪೂರ್ಣವಾಗಿ ಚಿತ್ರೀಕರಣ ಮಾಡಲಾಗಿತ್ತು. ಈ ಚಿತ್ರದಲ್ಲಿ ವಿಲನ್ ಆಗಿ ಬಾಲಿವುಡ್‌ ನಟ ಅಮರೀಶ್ ಪುರಿ ನಟಿಸಿದ್ರು. 1984ರಲ್ಲಿ ಈ ಸಿನಿಮಾ 33 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಈಗ ಅದು 3 ಸಾವಿರ ಕೋಟಿ ರೂಪಾಯಿಗಳ ಸಮ ಎನ್ನಲಾಗಿದೆ. ಅಷ್ಟೇ ಯಾಕೆ ಅತ್ಯುತ್ತಮ ವಿಷ್ಯುಲ್ ಎಫೆಟ್ಸ್‌ ಲಿಸ್ಟ್‌ನಲ್ಲಿದ್ದು ಆಸ್ಕರ್ ಪ್ರಶಸ್ತಿಯನ್ನು ಪಡೆದಿದೆ.
ಈ ಟೋಪಿ ಚಿನ್ನದೇನಲ್ಲ. ತುಂಬಾ ಸಿಂಪಲ್ ಆಗಿದ್ದು, ಯಾವ ರೀತಿಯ ಡಿಸೈನ್ ಕೂಡ ಇಲ್ಲ. ಲಾಸ್ ಏಂಜಲ್ಸ್ನಲ್ಲಿ ನಡೆದ ಹರಾಜಿನಲ್ಲಿ ಚಿತ್ರಪ್ರೇಮಿಯೊಬ್ಬ 5ಕೋಟಿ ರೂಪಾಯಿಗೆ ಈ ಟೋಪಿಯನ್ನ ಖರೀದಿ ಮಾಡಿದ್ದಾನೆ. ಈತ ಈ ಭಾರಿ ಮೊತ್ತಕ್ಕೆ ಟೋಪಿ ಖರೀದಿ ಮಾಡಿದ್ದನ್ನು ನೋಡಿ ನೆಟ್ಟಿಗರು ಕೂಡ ಒಂದು ಕ್ಷಣ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ. ಈತ ಗೋವಾಗೆ ಹೋಗಿಲ್ಲ ಅಂತ ಕಾಣುತ್ತೆ. ಅಲ್ಲಿಗೆ ಏನಾದ್ರೂ ಈತ ಹೋಗಿದಿದ್ರೆ, ಕೇವಲ 250 ರೂಪಾಯಿಗೆ ಸಿಗುತ್ತಿತ್ತು. ಯಾರೋ ಈತ ಬಕ್ರ ಇರಬೇಕು. 5 ಕೋಟಿಗೆ ಟೋಪಿಯ ಅಂಗಡಿಯನ್ನೇ ಇಡಬಹುದಿತ್ತು ಅಂತೆಲ್ಲಾ ಕಾಲೆಳೆದಿದ್ದಾರೆ.
-ಸ್ವಾತಿ.ಎಸ್.
