ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಸದ್ಯ ಕಲ್ಕಿ 2898 AD ಸಿನಿಮಾದ ಯಶಸ್ಸಿನ ಗುಂಗಿನಲ್ಲಿದ್ದಾರೆ. ಇದೀ್ಗ ಡಾರ್ಲಿಂಗ್ ಪ್ರಭಾಸ್ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಮಧ್ಯೆ ಪ್ರಭಾಸ್ ಹೊಸ ಚಿತ್ರದ ಇಂಟ್ರೆಸ್ಟಿಂಗ್ ಅಪ್ಡೇಟ್ವೊಂದು ಹೊರಬಿದ್ದಿದೆ. ಏನಪ್ಪಾ ಅಂದ್ರೆ, ಪ್ರಭಾಸ್ಗೆ ಹೀರೋಯಿನ್ ಆಗಿ ಕಾಣಿಸಿಕೊಂಡಿದ್ದ ಬಹು ಬೇಡಿಕೆಯ ನಟಿ ತ್ರಿಶಾ, ಇದೀಗ ಈ ಸಿನಿಮಾದಲ್ಲಿ ವಿಲನ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ತ್ರಿಶಾ ವಿಲನ್ ಆದ್ರೆ ಹೀರೋಯಿನ್ ಯಾರಾಗಬಹುದು ಎನ್ನುವ ಚರ್ಚೆ ಶುರುವಾಗಿದೆ.
ನಟ ಪ್ರಭಾಸ್ ಇದೀಗ‘ಸ್ಪಿರಿಟ್’ಸಿನಿಮಾದಲ್ಲಿ ಡಬಲ್ ರೋಲ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಒಂದು ಕ್ಯಾರೆಕ್ಟರ್ ಹೀರೋ ಆಗಿ ಮತ್ತೊಂದೆಡೆ ವಿಲನ್ ಆಗಿ ಎರಡು ಪಾತ್ರಕ್ಕೂ ಜೀವ ತುಂಬಲಿದ್ದಾರೆ. ಪ್ರಭಾಸ್ ವಿಲನ್ ಆಗಿ ಕಾಣಿಸಿಕೊಳ್ಳುತ್ತಿರುವ ಪಾತ್ರಕ್ಕೆ ತ್ರಿಶಾ ಜೋಡಿಯಾಗಿದ್ದಾರಂತೆ. ತ್ರಿಶಾ ಕೂಡ ಖಳನಾಯಕಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಸುದ್ದಿ ಕೇಳಿಬರುತ್ತಿದೆ. ಇದು ಎಷ್ಟು ಸತ್ಯವೋ, ಅಥವಾ ಎಷ್ಟು ಸುಳ್ಳೋ ಅಂತ ಖುದ್ದು ಚಿತ್ರತಂಡ ಅನೌನ್ಸ್ ಮಾಡೋವರೆಗೂ ಕಾದುನೋಡಬೇಕಿದೆ.
ಈಗಾಗಲೇ ನಟಿ ತ್ರಿಶಾರನ್ನ ಬಾಲಿವುಡ್ ಸಿನಿಮಾ ಅನಿಮಲ್ ಚಿತ್ರದ ನಿರ್ದೇಶಕ ಸಂದೀಪ್ ವಂಗಾ ರೆಡ್ಡಿ ಭೇಟಿ ಮಾಡಿ, ಸಿನಿಮಾದ ಬಗ್ಗೆ ಮಾತುಕತೆ ನಡೆಸಿ ಚಿತ್ರದ ಕಥೆಯನ್ನ ಹೇಳಿದ್ದಾರೆ. ಸದ್ಯ ಈ ಚಿತ್ರದ ಪ್ರಿ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿವೆ. ಸ್ವಲ್ಪ ದಿನದಲ್ಲೇ ಚಿತ್ರತಂಡ ಸಿನಿಮಾದ ಬಗ್ಗೆ ಘೋಷಣೆ ಮಾಡಬೇಕಿದೆ.
-ಸ್ವಾತಿ.ಎಸ್.
