ನೀವು ಕೂಡ ಯೂಟ್ಯೂಬ್ನಲ್ಲಿ ಶಾರ್ಟ್ಸ್ ಅಥವಾ ಲಾಂಗ್ ವೀಡಿಯೋಗಳನ್ನು ಮಾಡಿ ಹಣ ಗಳಿಸಬೇಕು ಅಂತ ಕನಸು ಕಾಣ್ತಿದ್ದೀರಾ? ಹಾಗಾದ್ರೆ ಈ ಸುದ್ದಿ ನಿಮಗೆ ತುಂಬಾನೇ ಮುಖ್ಯ. ಕರ್ನಾಟಕ ಸೇರಿ ದೇಶಾದ್ಯಂತ ಲಕ್ಷಾಂತರ ಯುವಕರು ಯೂಟ್ಯೂಬ್ ಮೂಲಕವೇ ಸಂಪಾದನೆ ಮಾಡ್ತಿದ್ದಾರೆ. ಆದರೆ ಈಗ ಯೂಟ್ಯೂಬ್ ತನ್ನ ಮಾನಿಟೈಸೇಷನ್ ರೂಲ್ಸ್ ಅನ್ನು ಸಂಪೂರ್ಣವಾಗಿ ಬದಲಾಯಿಸುತ್ತಿದೆ. 2018 ರ ನಂತರ ಯೂಟ್ಯೂಬ್ ಮಾಡುತ್ತಿರುವ ಅತಿ ದೊಡ್ಡ ಬದಲಾವಣೆ ಇದಾಗಿದ್ದು, ಹೊಸದಾಗಿ ಬರುವ ಕಂಟೆಂಟ್ ಕ್ರಿಯೇಟರ್ಗಳಿಗೆ ಇದು ಸ್ವಲ್ಪ ಸವಾಲಾಗಲಿದೆ.
ಯೂಟ್ಯೂಬ್ ಪಾರ್ಟ್ನರ್ ಪ್ರೋಗ್ರಾಂನಲ್ಲಿ ಮಾಡಿರುವ ಈ ಹೊಸ ಬದಲಾವಣೆಗಳು ಫೆಬ್ರವರಿ 1, 2027 ರಿಂದ ಜಾರಿಗೆ ಬರಲಿವೆ. ಹೊಸ ನಿಯಮದ ಪ್ರಕಾರ, ಜಾಹೀರಾತು ಮತ್ತು ಪ್ರೀಮಿಯಂ ಆದಾಯ ಪಡೆಯಲು ಕ್ರಿಯೇಟರ್ಗಳು ಕಳೆದ 365 ದಿನಗಳಲ್ಲಿ ಬರೋಬ್ಬರಿ 8,000 ಗಂಟೆಗಳ ವಾಚ್ ಅವರ್ಸ್ ಪೂರ್ಣಗೊಳಿಸಬೇಕು. ಹಿಂದೆ ಇದು ಕೇವಲ 4,000 ಗಂಟೆಗಳಷ್ಟಿತ್ತು, ಅಂದ್ರೆ ಈಗ ಟಾರ್ಗೆಟ್ ನೇರವಾಗಿ ಡಬಲ್ ಆಗಿದೆ.
ಇನ್ನು ಶಾರ್ಟ್ಸ್ ವೀಡಿಯೋಗಳ ಮೂಲಕ ಹಣ ಗಳಿಸಬೇಕು ಅಂದ್ರೆ, ಕಳೆದ 90 ದಿನಗಳಲ್ಲಿ ಬರೋಬ್ಬರಿ 20 ಮಿಲಿಯನ್ ವ್ಯೂಸ್ ಪಡೆಯಬೇಕಾಗುತ್ತದೆ. ಈ ಹಿಂದೆ ಇದು 10 ಮಿಲಿಯನ್ ಇತ್ತು. ಆದರೂ 1,000 ಚಂದಾದಾರರ ಮಾನದಂಡದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಶಾರ್ಟ್ಸ್ ಆದಾಯ ಹಂಚಿಕೆಗೆ ಸಂಬಂಧಿಸಿದಂತೆ ಯೂಟ್ಯೂಬ್ ಮತ್ತೊಂದು ಕಠಿಣ ನಿಯಮ ತಂದಿದ್ದು, ಪ್ರತಿ 90 ದಿನಗಳ ಅವಧಿಯಲ್ಲಿ ಕನಿಷ್ಠ ವೀಕ್ಷಣೆಗಳನ್ನು ಕಾಯ್ದುಕೊಳ್ಳುವುದು ಕಡ್ಡಾಯವಾಗಿದೆ. ಒಂದುವೇಳೆ ಈ ಮಿತಿ ತಲುಪದಿದ್ದರೆ, ಶಾರ್ಟ್ಸ್ ಆದಾಯ ನಿಂತುಹೋಗುತ್ತದೆ.
ಆದರೆ ಯೂಟ್ಯೂಬ್ ಸ್ಪಷ್ಟಪಡಿಸಿರುವಂತೆ, ಈಗಾಗಲೇ ಮಾನಿಟೈಸ್ ಆಗಿರುವ ಹಳೆಯ ಕ್ರಿಯೇಟರ್ಗಳಿಗೆ ಇದರಿಂದ ಹೆಚ್ಚಿನ ತೊಂದರೆಯಾಗುವುದಿಲ್ಲ. ಅಷ್ಟೇ ಅಲ್ಲ, ಕಡಿಮೆ ವೀಕ್ಷಣೆ ಇರುವ ಚಾನೆಲ್ಗಳಿಗಾಗಿಯೂ ಶಾಪಿಂಗ್ ಮತ್ತು ಬ್ರಾಂಡ್ ಡೀಲ್ಸ್ಗಳಂತಹ ಹೊಸ ಆದಾಯದ ಮಾರ್ಗಗಳನ್ನು ತರಲು ಯೂಟ್ಯೂಬ್ ದೊಡ್ಡದಾಗಿ ಪ್ಲಾನ್ ಮಾಡಿದೆ. ಒಟ್ಟಿನಲ್ಲಿ ಹೊಸ ಕ್ರಿಯೇಟರ್ಗಳಿಗೆ ಇದು ದೊಡ್ಡ ಸವಾಲಾದರೂ, ಕಠಿಣ ಪರಿಶ್ರಮದಿಂದ ಮಾತ್ರ ಯಶಸ್ಸು ಸಾಧಿಸಲು ಸಾಧ್ಯ.
About The Author
