ಷೇರು ಮಾರುಕಟ್ಟೆಯ ಏರಿಳಿತದ ಚಿಂತೆ ಬಿಡಿ! ನಿಮ್ಮ ಕಷ್ಟಪಟ್ಟು ಗಳಿಸಿದ ಹಣಕ್ಕೆ ಯಾವುದೇ ಧಕ್ಕೆ ಬಾರದಂತೆ, ಸುರಕ್ಷಿತವಾಗಿ ಪ್ರತಿ ತಿಂಗಳು ಖಚಿತ ಆದಾಯ ಪಡೆಯಲು ಇಲ್ಲಿದೆ ಒಂದು ಅದ್ಭುತ ಅವಕಾಶ. ಹೌದು, ಭಾರತೀಯ ಅಂಚೆ ಇಲಾಖೆಯ ಜನಪ್ರಿಯ ಯೋಜನೆಯೊಂದರಲ್ಲಿ ಪತ್ನಿಯೊಂದಿಗೆ ಜಂಟಿ ಖಾತೆ ತೆರೆದರೆ, ಪ್ರತಿ ಮೂರು ತಿಂಗಳಿಗೊಮ್ಮೆ ಬರೋಬ್ಬರಿ 25 ಸಾವಿರಕ್ಕೂ ಹೆಚ್ಚು ಹಣವನ್ನು ಪಡೆಯಬಹುದು. ಅದರ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.
ಅಂಚೆ ಇಲಾಖೆಯ ಮಾಸಿಕ ಆದಾಯ ಯೋಜನೆ ಅಂದರೆ POMIS, ಸರ್ಕಾರದ ಸಂಪೂರ್ಣ ಗ್ಯಾರಂಟಿ ಹೊಂದಿರುವ ಅತ್ಯಂತ ಸುರಕ್ಷಿತ ಯೋಜನೆಯಾಗಿದೆ. ಪ್ರಸ್ತುತ ಈ ಯೋಜನೆಗೆ ವಾರ್ಷಿಕ ಶೇಕಡಾ 7.4ರಷ್ಟು ಆಕರ್ಷಕ ಬಡ್ಡಿದರ ನೀಡಲಾಗುತ್ತಿದೆ. ಕೇವಲ ಒಂದು ಸಾವಿರ ರೂಪಾಯಿಗಳಿಂದ ಈ ಖಾತೆ ಆರಂಭಿಸಬಹುದಾಗಿದ್ದು, ಸಿಂಗಲ್ ಖಾತೆಯಲ್ಲಿ ಗರಿಷ್ಠ 9 ಲಕ್ಷ ಹಾಗೂ ಜಂಟಿ ಖಾತೆಯಲ್ಲಿ ಗರಿಷ್ಠ 15 ಲಕ್ಷ ರೂಪಾಯಿಗಳವರೆಗೆ ಹೂಡಿಕೆ ಮಾಡಲು ಅವಕಾಶವಿದೆ. ಈ ಯೋಜನೆಯ ಒಟ್ಟು ಅವಧಿ 5 ವರ್ಷಗಳು.
ಪತಿ ಮತ್ತು ಪತ್ನಿ ಇಬ್ಬರೂ ಸೇರಿ ಜಂಟಿ ಖಾತೆ ತೆರೆಯುವ ಮೂಲಕ ಇದರ ಸಂಪೂರ್ಣ ಲಾಭ ಪಡೆಯಬಹುದು. ಉದಾಹರಣೆಗೆ, ದಂಪತಿಗಳು ತಲಾ 7 ಲಕ್ಷದಂತೆ ಒಟ್ಟು 14 ಲಕ್ಷ ರೂಪಾಯಿಗಳನ್ನು ಜಂಟಿ ಖಾತೆಯಲ್ಲಿ ಹೂಡಿಕೆ ಮಾಡಿದ್ದರೆ, ಶೇಕಡಾ 7.4ರ ಬಡ್ಡಿದರದಂತೆ ಪ್ರತಿ ತಿಂಗಳು 8,633 ರೂಪಾಯಿ ಬಡ್ಡಿ ಸಿಗುತ್ತದೆ. ಒಂದು ವೇಳೆ ನೀವು ಪ್ರತಿ ತಿಂಗಳು ಹಣ ಹಿಂಪಡೆಯದೆ, ಪ್ರತಿ ತ್ರೈಮಾಸಿಕಕ್ಕೆ ಅಂದರೆ 3 ತಿಂಗಳಿಗೊಮ್ಮೆ ಬಡ್ಡಿ ಜಮಾ ಮಾಡಿಕೊಂಡರೆ, ನಿಮ್ಮ ಕೈಗೆ ಒಟ್ಟು 25,899 ರೂಪಾಯಿ ಸಿಗಲಿದೆ.
ಈ 5 ವರ್ಷಗಳ ಹೂಡಿಕೆ ಅವಧಿಯಲ್ಲಿ ಒಟ್ಟು 5 ಲಕ್ಷದ 18 ಸಾವಿರ ರೂಪಾಯಿ ಬಡ್ಡಿ ಆದಾಯ ಸಿಗಲಿದೆ. ಯೋಜನೆ ಮುಕ್ತಾಯಗೊಂಡ ಬಳಿಕ ನಿಮ್ಮ ಮೂಲ ಬಂಡವಾಳ 14 ಲಕ್ಷ ರೂಪಾಯಿ ಕೂಡ ನಿಮಗೆ ವಾಪಸ್ ಸಿಗುತ್ತದೆ. ಅಂದರೆ ಒಟ್ಟು 19 ಲಕ್ಷದ 18 ಸಾವಿರ ರೂಪಾಯಿ ನಿಮ್ಮ ಕೈ ಸೇರಲಿದೆ.
ಆದರೆ ನೆನಪಿಡಿ, ಮೊದಲ 1 ವರ್ಷದೊಳಗೆ ಹಣ ಹಿಂಪಡೆಯಲು ಬರುವುದಿಲ್ಲ. 1ರಿಂದ 3 ವರ್ಷದೊಳಗೆ ಖಾತೆ ಮುಚ್ಚಿದರೆ ಶೇಕಡಾ 2ರಷ್ಟು ಹಾಗೂ 3ರಿಂದ 5 ವರ್ಷದೊಳಗೆ ಮುಚ್ಚಿದರೆ ಶೇಕಡಾ 1ರಷ್ಟು ದಂಡ ಕಡಿತಗೊಳಿಸಲಾಗುತ್ತದೆ. ಸುರಕ್ಷಿತ ಆದಾಯ ಬಯಸುವವರಿಗೆ ಇದು ಅತ್ಯುತ್ತಮ ಅವಕಾಶವಾಗಿದೆ.
About The Author
