ಭಾರತಕ್ಕೆ ರೋಚಕ ಗೆಲುವು: ಸರಣಿ ಕೈವಶ

ಪೋರ್ಟ್ ಆಫ್ ಸ್ಪೇನ್:ಅಕ್ಷರ್ ಪಟೇಲ್ ಅವರ ಆಲ್ರೌಂಡ್ ಆಟದ ನೆರೆವಿನಿಂದ ಟೀಮ್ ಇಂಡಿಯಾ ಆತಿಥೇಯ ವೆಸ್ಟ್ ಇಂಡೀಸ್ ವಿರುದ್ಧ 2 ವಿಕೆಟ್ಗಳ ಅಂತರದಿಂದ ರೋಚಕ ಗೆಲುವು ದಾಖಲಿಸಿ ಸರಣಿಯನ್ನು 2-0 ಅಂತರದಿಂದ ಕೈವಶ ಮಾಡಿಕೊಂಡಿದೆ.

ಇಲ್ಲಿನ ಪೋರ್ಟ್ ಆಫ್ ಸ್ಪೇನ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ವೆಸ್ಟ್ ಇಂಡೀಸ್ ಮೊದಲು ಬ್ಯಾಟಿಂಗ್ ಮಾಡಿ ನಿಗದಿತ 50 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 311 ರನ್ ಗಳಿಸಿತು. ಭಾರತ ನಿಗದಿತ 50 ಓವರ್ ಗಳಲ್ಲಿ  49.4 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 312 ರನ್ ಗಳಿಸಿತು.

312 ರನ್ ಗಳ ಬೃಹತ್ ಸವಾಲು ಬೆನ್ನತ್ತಿದ ಭಾರತದ ಪರ ನಾಯಕ ಶಿಖರ್ ಧವನ್ 13, ಶುಭಮನ್ ಗಿಲ್ 43, ಶ್ರೇಯಸ್ ಅಯ್ಯರ್ 63, ಸೂರ್ಯ ಕುಮಾರ್ 9, ಸಣಜು ಸ್ಯಾಮ್ಸನ್ 54, ದೀಪಕ್ ಹೂಡಾ 33, ಅಕ್ಷರ್ ಪಟೇಲ್ ಅಜೇಯ 64, ಶಾರ್ದೂಲ್ ಠಾಕೂರ್ 3, ಆವೇಶ್ ಖಾನ್ 10, ಮೊಹ್ಮದ್ ಸೀರಾಜ್ ಅಜೇಯ 1 ರನ್ ಗಳಿಸಿದರು.

ಭಾರತ 2 ಎಸೆತ ಬಾಕಿ ಇರುವಂತೆ ಗೆಲುವಿನ ದಡ ಸೇರಿತು. ಒಂದು ವಿಕೆಟ್ ಜೊತೆ ಅಜೇಯ 64 ರನ್ ಸಿಡಿಸಿದ ಅಕ್ಷರ್ ಪಟೇಲ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇದಕ್ಕೂ ಮುನ್ನ ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ಪರ ಶಾಯ್ ಹೋಪ್ 115, ಕೈಲೆ ಮೇಯರ್ಸ್ 39, ಶಾಮರ್ಹ ಬ್ರುಕ್ಸ್ 35, ನಿಕೊಲೊಸ್ ಪೂರಾನ್ 74 ರನ್ ಗಳಿಸಿದರು.ಭಾರತ ಪರ ಶಾರ್ದೂಲ್ ಠಾಕೂರ್ 54ಕ್ಕೆ 3 ವಿಕೆಟ್ ಪಡೆದು ಮಿಂಚಿದರು.