Horoscope: ಇಂದಿನ ಕಾಲದಲ್ಲಿ ಸಾಂಪ್ರದಾಯಿಕ ಉಡುಪು ಧರಿಸುವವರ ಸಂಖ್ಯೆ ಕಡಿಮೆಯಾಗಿದೆ. ಎಲ್ಲೋ ಕೆಲವರು ಮಾತ್ರ, ಸಾಂಪ್ರದಾಾಯಿಕ ಉಡುಪುಗಳಿಗೆ ಮಹತ್ವ ನೀಡುತ್ತಾರೆ. ಇನ್ನು ಕೆಲವರು ಸಾಂಪ್ರದಾಯಿಕ ಉಡುಪಿನ ಹೆಸರಿನಲ್ಲೂ ಸ್ಟೈಲ್ ಮಾಡುತ್ತಿದ್ದಾರೆ. ಆದರೆ ಯಾವ ಫ್ಯಾಷನ್ ಬರಲಿ, ನಾವು ಸೀರೆ, ಚೂಡಿದಾರ್ ಅತೀ ಹೆಚ್ಚು ಇಷ್ಟಪಡುತ್ತೇವೆ ಅಂತಾರೆ ಈ ರಾಶಿಯವರು. ಹಾಗಾದ್ರೆ ಯಾವ ರಾಶಿಯವರಿಗೆ ಸಾಂಪ್ರಾದಾಯಿಕ ಉಡುಗೆ ಇಷ್ಟ ಅಂತಾ ತಿಳಿಯೋಣ ಬನ್ನಿ..
ವೃಷಭ: ವೃಷಭ ರಾಶಿಯವರು ಸಿಂಪಲ್ ಆಗಿ ಜೀವನ ಮಾಡಲು ಇಚ್ಛಿಸುವವರು. ಸರಳ ಜೀವಿಗಳು. ಹಾಗಾಗಿ ಇವರು ಹೆಚ್ಚು ಸ್ಟೈಲ್ ಮಾಡುವುದಿಲ್ಲ. ಆದರೆ ಫ್ಯಾಷನ್ ಮಾಡಲೇಬೇಕ್ು ಎಂದಾಗ, ಸೀರೆ, ಕುರ್ತಿಗಳಲ್ಲೇ ಫ್ಯಾಷನ್ ಮಾಡಲು ಇಚ್ಛಿಸುತ್ತಾರೆ. ಇವರ ಆಯ್ಕೆ ರೀತಿ ಅತ್ಯುತ್ತಮವಾಗಿರುವ ಕಾರಣ, ಸಾಂಪ್ರದಾಯಿಕ ಉಡುಪಿನ ಸೆಲೆಕ್ಷನ್ ಕೂಡ ಸಖತ್ ಆಗಿಯೇ ಇರುತ್ತದೆ.
ಕರ್ಕ: ಕರ್ಕ ರಾಶಿಯವರಿಗೆ ಹಳೆಯ ವಸ್ತುಗಳೆಂದರೆ ಹೆಚ್ಚು ಇಷ್ಟ. ಅವರು ಹಳೆಯ ವಸ್ತುಗಳನ್ನು ನೋಡಿ ಹೆಚ್ಚು ಆಕರ್ಷಿತರಾಗುತ್ತಾರೆ. ಅವರಿಗೆ ಹಳೆ ಕಾಲದ ಶೈಲಿಯ ಮನೆ, ವಸ್ತುಗಳು, ಶಿಲ್ಪಕಲೆ, ಸ್ಥಳ, ಉಡುಪು, ಫ್ಯಾಷನ್ ಇಷ್ಟ. ಹಾಗಾಗಿ ಇವರು ಸಾಂಪ್ರದಾಯಿಕ ಉಡುಗೆಗೆ ಹೆಚ್ಚು ಮಹತ್ವ ನೀಡುತ್ತಾರೆ.
ಸಿಂಹ : ನಾಯಕತ್ವದ ಗುಣ ಇರುವ ಸಿಂಹ ರಾಶಿಯವರು ಎಲ್ಲದರಲ್ಲೂ ತಾವೇ ಮುಂದಿರಬೇಕು ಎಂದು ಬಯಸುವವರು. ಹಾಗಾಗಿ ಇವರು ಕಾಣುವುದರಲ್ಲೂ ತಾವೇ ಚೆಂದಗಾಣಿಸಬೇಕು. ತಾವು ಸೆಂಟರ್ ಆಫ ಅಟ್ರ್ಯಾಕ್ಷನ್ ಆಗಿರಬೇಕು ಎಂದು ಬಯಸುತ್ತಾರೆ. ಹಾಗಾಗಿ ಇವರು ಉಡುಪಿಗೂ ಮಹತ್ವ ನೀಡುತ್ತಾರೆ. ಸಾಂಪ್ರದಾಯಿಕ ಉಡುಪು ಧರಿಸಲು ಇಚ್ಛಿಸುತ್ತಾರೆ.
ಮೀನ: ಮೀನ ರಾಶಿಯವರು ಸೌಮ್ಯ ಸ್ವಭಾವದವರು. ಇವರು ಧಾರ್ಮಿಕತೆಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಾರೆ. ಹಾಗಾಗಿ ಇವರಿಗೆ ಸಾಂಪ್ರದಾಯಿಕ ಉಡುಪು ಧರಿಸಲು ಹೆಚ್ಚು ಇಷ್ಟ. ಪುರುಷರಾದರೆ, ಧೋತಿ-ಕುರ್ತಾ ಧರಿಸುತ್ತಾರೆ. ಮಹಿಳೆಯರಾದರೆ, ಸೀರೆ ಉಡಲು ಇಚ್ಛಿಸುತ್ತಾರೆ.
