ಡೆಲ್ಲಿಗೆ ಸುಲಭ ಗೆಲುವು

ಮುಂಬೈ:ಡ್ಯಾಶಿಂಗ್ ಓಪನರ್ ಡೇವಿಡ್ ವಾರ್ನರ್ ಅವರ ಅದ್ಭುತ ಬ್ಯಾಟಿಂಗ್ ನೆರೆವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ಪಂಜಾಬ್ ವಿರುದ್ಧ 9 ವಿಕೆಟ್‍ಗಳ ಭರ್ಜರಿ ಗೆಲುವು ದಾಖಲಿಸಿದೆ.

ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ಫೀಲ್ಡಿಂಗ್ ಆಯ್ದುಕೊಂಡಿತು. ಪಂಜಾಬ್ ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ಮಯಾಂಕ್ ಅಗರ್‍ವಾಲ್ (24)ಹಾಗೂ ಶಿಖರ್ ಧವನ್ (9) ಉತ್ತಮ ಆರಂಭ ಕೊಡಲಿಲ್ಲ.

ಜಾನಿಬೈರ್‍ಸ್ಟೋ 9, ಲಿಯಾಮ್ ಲಿವೀಂಗ್ ಸ್ಟೋನ್ 2 ರನ್ ಗಳಿಸಿದರು. ಮಧ್ಯಮ ಕ್ರಮಾಂಕದಲ್ಲಿ ಬಂದ ಜಿತೇಶ್ ಶರ್ಮಾ 32, ಶಾರುಖ್ ಖಾನ್ 12, ರಗಿಸೊ ರಬಾಡ 2, ರಾಹುಲ್ ಚಾಹರ್ 12, ಅರ್ಷದೀಪ್ ಸಿಂಗ್ 9 ರನ್ ಗಳಿಸಿದರು. ಪಂಜಾಬ್ ನಿಗದಿತ 20 ಓವರ್‍ಗಳಲ್ಲಿ 115 ರನ್‍ಗಳಿಗೆ ಸರ್ವಪತ್ನ ಕಂಡಿತು.

116 ರನ್‍ಗಳ ಸಾಧಾರಣ ಮೊತ್ತ ಬೆನ್ನತ್ತಿದ ಡೆಲ್ಲಿ ತಂಡಕ್ಕೆ ಫೃಥ್ವಿ ಶಾ ಹಾಗೂ ಡೇವಿಡ್ ವಾರ್ನರ್ 83 ರನ್ ಗಳ ಭರ್ಜರಿ ಆರಂಭ ನೀಡಿದರು. ಸ್ಪೋಟಕ ಬ್ಯಾಟಿಂಗ್ ಮಾಡಿದ ಡೇವಿಡ್ ವಾರ್ನರ್ 26 ಎಸೆತದಲ್ಲಿ ಅರ್ಧ ಶತಕ ಸಿಡಿಸಿದರು.

41 ರನ್ ಗಳಿಸಿ ಮುನ್ನಗುತ್ತಿದ್ದ ಪೃಥ್ವಿ ಶಾ ಚಾಹರ್‍ಗೆ ವಿಕೆಟ್ ಒಪ್ಪಿಸಿದರು. ಸರ್ಫಾರಾಜ್ ಖಾನ್ 12 ರನ್ ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಡೇವಿಡ್ ವಾರ್ನರ್ 10 ಬೌಂಡರಿ 1 ಸಿಕ್ಸರ್ ನೆರೆವಿನಿಂದ ಅಜೇಯ 60 ರನ್ ಗಳಿಸಿದರು. ಪಂಜಾಬ್ 10.3 ಓವರ್‍ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 119 ರನ್ ಕಲೆ ಹಾಕಿತು.