ಇತ್ತೀಚೆಗಷ್ಟೆ ಟಾಲಿವುಡ್ನ ಸ್ಟಾರ್ ನಟ ನಾಗಚೈತನ್ಯ, ಶೋಭಿತಾ ಧೂಳಿಪಾಲ ಅವರನ್ನ ನಿಶ್ಚಿತಾರ್ಥ ಮಾಡಿಕೊಂಡಿರುವ ವಿಷಯ ಎಲ್ಲರಿಗೂ ಗೊತ್ತೇ ಇದೆ. ಸದ್ಯ ಇವರಿಬ್ಬರೂ ಸಂಭ್ರಮದ ಮೂಡ್ನಲ್ಲಿರುವಾಗ ನಾಗಚೈತನ್ಯಗೆ ಒಂದು ಸಂಕಷ್ಟ ಎದುರಾಗಿದೆ. ಈ ಸಮಯದಲ್ಲಿ ನಾಗಚೈತನ್ಯಗೆ ಎದುರಾಗಿರುವ ಸಂಕಷ್ಟವಾದರೂ ಏನು ಅಂತೀರಾ..!
ಇನ್ನು ನಟ ನಾಗಚೈತನ್ಯ ಕುಟುಂಬ ಸದಸ್ಯರ ಸಮ್ಮುಖದಲ್ಲಿ ನಟಿ ಹಾಗೂ ಫೆಮಿನಾ ಮಿಸ್ ಇಂಡಿಯಾ ಅರ್ಥ್ 2013ರ ವಿನ್ನರ್ ಆದಂತಹ ಶೋಭಿತಾ ಧೂಳಿಪಾಲ ಅವರೊಟ್ಟಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಸದ್ಯ
ಈ ಜೋಡಿ ನಿಶ್ಚಿತಾರ್ಥದ ಸುದ್ದಿಯನ್ನ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡ ಬಳಿಕ, ತಮ್ಮ ಮಾಜಿ ಪತ್ನಿ ಸಮಂತಾ ಅವರೊಟ್ಟಿಗಿನ ಹಳೆಯ ಫೋಟೋಗಳನ್ನ ಡಿಲೀಟ್ ಮಾಡಲು ತಿಳಿಸಿದೆ.
ಮೇಡ್ ಇನ್ ಹೆವೆನ್ ಸೀರೀಸ್ನ ನಟಿಯೊಂದಿಗೆ ತನ್ನ ನಿಶ್ಚಿತಾರ್ಥವನ್ನು ಘೋಷಿಸಿದ ನಾಗಚೈತನ್ಯ ತಮ್ಮ ಇನ್ಸ್ಟಾಗ್ರಾಮ್ ಹ್ಯಾಂಡಲ್ನಿಂದ ಸಮಂತಾ ಅವರೊಟ್ಟಿಗಿನ ಎಲ್ಲಾ ಫೋಟೋಗಳನ್ನ ಡಿಲೀಟ್ ಮಾಡಿದ್ದಾರೆ.
ಆದರೂ ಕೂಡ, ನಾಗ ಚೈತನ್ಯ ಅವರ ಇನ್ಸ್ಟಾಗ್ರಾಮ್ ಪ್ರೊಫೈಲ್‌ನಲ್ಲಿ ಸಮಂತಾ ಅವರ 2018ರಲ್ಲಿ ತೆಗೆದ ಫೋಟೋವೊಂದಿದೆ. ಈ ಫೋಟೋದಲ್ಲಿ ಚೈ ಹಾಗೂ ಸ್ಯಾಮ್ ರೇಸ್ ಕಾರ್‌ನ ಪಕ್ಕದಲ್ಲಿ ಪೋಸ್ ನೀಡಿದ್ದು, ಥ್ರೋಬ್ಯಾಕ್…ವೈಫ್ ಆ್ಯಂಡ್ ದಿ ಗರ್ಲ್ ಫ್ರೆಂಡ್ ಅಂತ ಬರೆದಿದ್ದಾರೆ. ಅವರು ಒಟ್ಟಿಗೆ ಇರುವ ಮತ್ತೊಂದು ಫೋಟೋ ಮಜಿಲಿ ಚಿತ್ರದ ಪೋಸ್ಟರ್. ಇನ್ನುಈ ಸಿನಿಮಾದಲ್ಲಿಇಬ್ಬರು ನಟಿಸಿದ್ದು, ಸಿನಿಮಾ ಸೂಪರ್ ಡೂಪರ್ ಆಗಿತ್ತು.
ಇದೀಗ ಈ ಪೋಸ್ಟ್ ಎಲ್ಲೆಡೆ ವೈರಲ್ ಆಗ್ತಿದ್ದು, ನೆಟ್ಟಿಗರು ಕೂಡಲೇ ಈ ಪೋಸ್ಟ್ ಅನ್ನ ಡಿಲೀಟ್ ಮಾಡಿ ಎನ್ನುತ್ತಿದ್ದಾರೆ. ಇನ್ನು ಕೆಲವರು, ನಿಮ್ಮ ಇನ್ಸ್ಟಾಗ್ರಾಮ್ ಫೀಡ್ನಲ್ಲಿ ಈ ಫೋಟೋ ಇರುವುದು ತಪ್ಪಲ್ಲ ಆದ್ರೆ ನೀವು ನೀಡಿರುವ ಕ್ಯಾಪ್ಷನ್? ಗಾಂಭೀರವಾಗಿ, ಚೈ ಪ್ಲೀಸ್ ಆ ಪೋಸ್ಟ್ ಅನ್ನ ಡಿಲೀಟ್ ಮಾಡಿ, ನೀವು ಬೇರೆ ಹುಡುಗಿಯೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದೀರಿ.. ಹೀಗೆ ನಾನಾ ಬಗೆಯ ಕಮೆಂಟ್ಗಳ ಸುರಿ ಮಳೆಯೇ ಸುರಿದಿದೆ.
*ಸ್ವಾತಿ.ಎಸ್.
