ಕಾಜಲ್ ಅಗರ್ವಾಲ್.. ಕಾಲಿವುಡ್, ಟಾಲಿವುಡ್, ಬಾಲಿವುಡ್‌ಗಳಲ್ಲಿ ತನ್ನ ಛಾಪು ಮೂಡಿಸಿರುವ ನಟಿ. ಆರ್ಯಾ 2 ಸಿನಿಮಾ ಟಾಲಿವುಡ್‌ನಲ್ಲಿ ಹೆಸರು ತಂದುಕೊಟ್ರೆ, ಸಿಂಗಂ ಚಿತ್ರ ಬಾಲಿವುಡ್‌ನಲ್ಲಿ ಹೆಸರು ಮಾಡಲು ನೆರವಾಯಿತು.
ಸದ್ಯ ಕಾಜಲ್ ಬಗ್ಗೆ ಕೇಳಿಬಂದಿರುವ ಸುದ್ದಿ ಏನಂದ್ರೆ, ಕಾಜಲ್ ಅಗರ್ವಾಲ್ ಸಪ್ತಪದಿ ತುಳಿಯಲು ರೆಡಿಯಾಗಿದ್ದಾರಂತೆ. ಈ ಮೊದಲು ನಿಮ್ಮನ್ನು ಮದುವೆಯಾಗುವ ಹುಡುಗ ಹೇಗಿರಬೇಕೆಂದು ಕೇಳಿದಾಗ, ತನ್ನನ್ನು ಚೆನ್ನಾಗಿ ನೋಡಿಕೊಳ್ಳಬೇಕು. ಆಧ್ಯಾತ್ಮದ ಬಗ್ಗೆ ಒಲವಿರಬೇಕು ಎಂದು ಹೇಳಿದ್ದರು.
ಇದೀಗ ಕಾಜಲ್, ಔರಂಗಬಾದ್‌ ಮೂಲದ ಪ್ರಖ್ಯಾತ ಬ್ಯುಸಿನೆಸ್‌ಮೆನ್‌ರೊಂದಿಗೆ ವಿವಾಹವಾಗಲಿದ್ದಾರೆಂಬ ಸುದ್ದಿ ಬಂದಿದೆ. ಆದ್ರೆ ಕಾಜಲ್ ಈ ಬಗ್ಗೆ ಯಾವುದೇ ಬಹಿರಂಗ ಹೇಳಿಕೆ ನೀಡಿಲ್ಲ.
ಕಳೆದ ವರ್ಷ ಕಾಜಲ್ ತಾನು ಆದಷ್ಟು ಬೇಗ ಮದುವೆಯಾಗುತ್ತೇನೆ ಎಂದು ಹೇಳಿದ್ದರು. ಹಾಗಾಗಿ ಕಾಜಲ್ ಅಭಿಮಾನಿಗಳು ಈ ಸುದ್ದಿ ನಿಜವೇ ಆಗಿರಬಹುದೆಂದು ಅಂದಾಜಿಸಿದ್ದಾರೆ.
ತೆಲುಗಿನ ಆಚಾರ್ಯ ಚಿತ್ರದಲ್ಲಿ ಕಾಜಲ್ ನಟಿಸುತ್ತಿದ್ದು, ಮೆಗಾಸ್ಟಾರ್ ಚಿರಂಜೀವಿ ಈ ಚಿತ್ರದ ನಾಯಕರಾಗಿದ್ದಾರೆ. ತಮಿಳಿನ ಇಂಡಿಯನ್‌ 2 ಚಿತ್ರದಲ್ಲಿ ನಟ ಕಮಲ್‌ಹಾಸನ್‌ಗೆ ಕಾಜಲ್ ಸಾಥ್ ನೀಡಿದ್ದಾರೆ. ರಮೇಶ್ ಅರವಿಂದ್‌ ನಿರ್ದೇಶಿಸಿರುವ ತಮಿಳಿನ ‘ಪ್ಯಾರಿಸ್ ಪ್ಯಾರಿಸ್’ ಚಿತ್ರದಲ್ಲೂ ಕಾಜಲ್ ನಟಿಸಿದ್ದಾರೆ.
