Political News: ನಿನ್ನೆ ಹಾಸನದಲ್ಲಿ ಗಣೇಶ ಮೆರವಣಿಗೆ ವೇಳೆ ಅಪಘಾತವಾಗಿ, 9 ಜನ ಸಾವನ್ನಪ್ಪಿದ್ದಾರೆ. ಈ ಬಗ್ಗೆ ಜೆಡಿಎಸ್ ಯುವ ನಾಯಕ ನಿಖಿಲ್ ಕುಮಾರ್ ಬೇಸರ ವ್ಯಕ್ತಪಡಿಸಿದ್ದು, ನಿನ್ನೆ ಅವರು ಗಾಯಾಳುಗಳು ದಾಖಲಾಗಿದ್ದ ಆಸ್ಪತ್ರೆಗೆ ಭೇಟಿ ನೀಡಿ, ಆರೋಗ್ಯ ವಿಚಾರಿಸಿದ್ದಾರೆ.
ಇಂದು ಎಕ್ಸ್ ಖಾತೆಯಲ್ಲಿ ಬರೆದಿರುವ ಅವರು, ಘಟನೆಯ ಕರಾಳತೆ ವಿವರಿಸಿದ್ದಾರೆ. ಗಣೇಶ ವಿಸರ್ಜನಾ ಮೆರವಣಿಗೆಗೆ ಟ್ರಕ್ ಡಿಕ್ಕಿ ಹೊಡೆದ ದೃಶ್ಯವನ್ನು ನೋಡಿದಾಗ, ನಾನು ಸಂಪೂರ್ಣವಾಗಿ ಆಘಾತಕ್ಕೊಳಗಾಗಿದ್ದೆ ಮತ್ತು ನಡುಗಿದೆ. ಆ ದೃಶ್ಯವು ತುಂಬಾ ಭಯಾನಕವಾಗಿತ್ತು, ಹೃದಯ ವಿದ್ರಾವಕವಾಗಿತ್ತು. ನಿನ್ನೆ (ಶುಕ್ರವಾರ) ರಾತ್ರಿ 1ಗಂಟೆಗೆ, ದುರಂತವಾಗಿ ಪ್ರಾಣ ಕಳೆದುಕೊಂಡ ಮಕ್ಕಳ ದುಃಖಿತ ಪೋಷಕರನ್ನು ಭೇಟಿ ಮಾಡಲು ನಾನು ಹಾಸನಕ್ಕೆ ಧಾವಿಸಿದೆ, ಸರ್ಕಾರಿ ಎಂಜಿನಿಯರಿಂಗ್ ಕಾಲೇಜಿನಿಂದ ಪದವಿ ಪಡೆಯುವ ಅಂಚಿನಲ್ಲಿದ್ದ ಮಕ್ಕಳು. ಅವರು ಕೇವಲ ಪ್ರತಿಭಾವಂತ ವಿದ್ಯಾರ್ಥಿಗಳಲ್ಲ, ಬದಲಿಗೆ ಅವರ ಕುಟುಂಬಗಳ ಭವಿಷ್ಯದ ವರಸದಾರರು ಮತ್ತು ರಾಷ್ಟ್ರದ ಭರವಸೆಯಾಗಿದ್ದರು.
ಬದುಕು ಕಟ್ಟಿಕೊಳ್ಳುವ ಕನಸಿನಲ್ಲಿದ್ದ ಯುವಕರ ಅಕಾಲಿಕ ಸಾವು ಅತ್ಯಂತ ದುಃಖಕರ. ಯೌವನದಲ್ಲಿ ಹೆತ್ತವರನ್ನು ನೋಡಿಕೊಳ್ಳಬೇಕಾದವರು ವಿಧಿಯಾಟಕ್ಕೆ ಬಲಿಯಾಗಿರುವುದು ಅತ್ಯಂತ ನೋವಿನ ಸಂಗತಿ. ಇದು ಅವರ ಪ್ರೀತಿ ಪಾತ್ರರಿಗೆ ಮತ್ತು ನಮ್ಮ ಇಡೀ ದೇಶಕ್ಕೆ ತುಂಬಲಾಗದ ನಷ್ಟ. ಈಗಲೂ ಸಹ, ಇಂತಹ ಅನ್ಯಾಯ ಮತ್ತು ಅರ್ಥಹೀನ ಸಾವುಗಳನ್ನು ಅರ್ಥಮಾಡಿಕೊಳ್ಳಲು ನನಗೆ ಕಷ್ಟವಾಗುತ್ತದೆ.
ದುಃಖಿತ ಕುಟುಂಬಗಳಿಗೆ ನನ್ನ ಆಳವಾದ ಸಂತಾಪಗಳು. ನಾವು ನ್ಯಾಯವನ್ನು ಕೋಡಬೇಕು, ದುಃಖದಲ್ಲಿ ಒಗ್ಗಟ್ಟಾಗಿರಬೇಕು ಮತ್ತು ಇಂತಹ ದುರಂತಗಳು ಎಂದಿಗೂ ಪುನರಾವರ್ತನೆಯಾಗದಂತೆ ನೋಡಿಕೊಳ್ಳಬೇಕು. ಈ ಕಷ್ಟದ ಸಮಯದಲ್ಲಿ ಸದಾ ಅವರೊಂದಿಗೆ ಇರುತ್ತೇನೆ ಎಂದು ಧೈರ್ಯ ತುಂಬುತ್ತೇನೆ ಎಂದು ನಿಖಿಲ್ ಬರೆದಿದ್ದಾರೆ.
ಗಣೇಶ ವಿಸರ್ಜನಾ ಮೆರವಣಿಗೆಗೆ ಟ್ರಕ್ ಡಿಕ್ಕಿ ಹೊಡೆದ ದೃಶ್ಯವನ್ನು ನೋಡಿದಾಗ, ನಾನು ಸಂಪೂರ್ಣವಾಗಿ ಆಘಾತಕ್ಕೊಳಗಾಗಿದ್ದೆ ಮತ್ತು ನಡುಗಿದೆ. ಆ ದೃಶ್ಯವು ತುಂಬಾ ಭಯಾನಕವಾಗಿತ್ತು, ಹೃದಯ ವಿದ್ರಾವಕವಾಗಿತ್ತು.
ನಿನ್ನೆ (ಶುಕ್ರವಾರ) ರಾತ್ರಿ 1ಗಂಟೆಗೆ, ದುರಂತವಾಗಿ ಪ್ರಾಣ ಕಳೆದುಕೊಂಡ ಮಕ್ಕಳ ದುಃಖಿತ ಪೋಷಕರನ್ನು ಭೇಟಿ ಮಾಡಲು ನಾನು ಹಾಸನಕ್ಕೆ… pic.twitter.com/GfJfOgE4KJ
— Nikhil Kumar (@Nikhil_Kumar_k) September 13, 2025
About The Author
