Recipe: ಬೇಕಾಗುವ ಸಾಮಗ್ರಿ: ಒಂದು ಕಪ್ ಪುದೀನಾ, ಅನ್ನ, 2ರಿಂದ 3 ಹಸಿ ಮೆಣಸು, ಅರ್ಧ ಸ್ಪೂನ್ ಜೀರಿಗೆ, ಚಿಟಿಕೆ ಅರಿಶಿನ ಪುಡಿ, 5 ಕಾಳು ಪೆಪ್ಪರ್, ಚಿಟಿಕೆ ಸಕ್ಕರೆ, ನಾಲ್ಕು ಬೆಳ್ಳುಳ್ಳಿ ಎಸಳು, ಶುಂಠಿ, ಕೊಂಚ ಕೊತ್ತೊಂಬರಿ ಸೊಪ್ಪು, 1 ಸ್ಪೂನ್ ಗರಂ ಮಸಾಲೆ, ಅರ್ಧ ಸ್ಪೂನ್ ಧನಿಯಾ ಪುಡಿ, 4 ಸ್ಪೂನ್ ಎಣ್ಣೆ, ಪಲಾವ್ ಎಲೆ, ಚಕ್ಕೆ, ಲವಂಗ, ಏಲಕ್ಕಿ, 1 ಈರುಳ್ಳಿ, ರುಚಿಗೆ ತಕ್ಕಷ್ಟು ಉಪ್ಪು.
ಮಾಡುವ ವಿಧಾನ: ಮೊದಲು ಮಿಕ್ಸಿ ಜಾರ್‌ಗೆ ಪುದೀನಾ, ಕೊತ್ತೊಂಬರಿ ಸೊಪ್ಪು, ಹಸಿಮೆಣಸು, ಶುಂಠಿ, ಬೆಳ್ಳುಳ್ಳಿ, ಜೀರಿಗೆ, ಸಕ್ಕರೆ, ಪೆಪ್ಪರ್ ಇವಿಷ್ಟನ್ನು ಹಾಕಿ, ಪೇಸ್ಟ್ ತಯಾರಿಸಿಕೊಳ್ಳಿ.
ಈಗ ಗ್ಯಾಸ್ ಆನ್ ಆಗಿ, ಪ್ಯಾನ್ ಇರಿಸಿ, ಎಣ್ಣೆ, ಪಲಾವ್ ಎಲೆ, ತರಿ ತರಿಯಾಗಿ ಪುಡಿ ಮಾಡಿದ ಚಕ್ಕೆ, ಲವಂಗ, ಏಲಕ್ಕಿ ಹಾಕಿ ಹುರಿಯಿರಿ. ಬಳಿಕ ಈರುಳ್ಳಿ ಹಾಕಿ ಹುರಿಯಿರಿ. ಈಗ ಪುದೀನಾ ಪೇಸ್ಟ್ ಹಾಕಿ, ಕೊಂಚ ನೀರು ಹಾಕಿ, ಮುಚ್ಚಳ ಮುಚ್ಚಿ 2 ನಿಮಿಾ ಮಂದ ಉರಿಯಲ್ಲಿ ಬೇಯಿಸಿ. ಬಳಿಕ ಇದಕ್ಕೆ ಅನ್ನ, ಉಪ್ಪು ಹಾಾಕಿ ಚೆನ್ನಾಗಿ ಮಿಕ್ಸ್ ಮಾಡಿದ್ರೆ, ಪುದೀನಾ ರೈಸ್ ರೆಡಿ. ಇದಕ್ಕೆ ನೀವು ಹುರಿದ ಗೋಡಂಬಿ ಸೇರಿಸಿಕೊಳ್ಳಬಹುದು.
