ಮುಂಬೈ ಜೈಲಿಗೆ ನಟಿ ರಿಯಾ ಚಕ್ರಬೋರ್ತಿ

ಬಾಲಿವುಡ್​ ನಟ ಸುಶಾಂತ್​ ಸಿಂಗ್​ ರಜಪೂತ್​ ಪ್ರಕರಣದ ಸಂಬಂಧ ಬಂಧನಕ್ಕೊಳಗಾಗಿರೋ ನಟಿ ರಿಯಾ ಚಕ್ರಬೋರ್ತಿ ಮುಂಬೈನ ಬೈಕುಲ್ಲಾ ಜೈಲಿಗೆ ಶಿಫ್ಟ್ ಆಗಿದ್ದಾರೆ. ರಿಯಾ ಜಾಮೀನು ಅರ್ಜಿ ತಿರಸ್ಕರಿದ್ದ ಮ್ಯಾಜಿಸ್ಟ್ರೇಟ್​​ ಕೋರ್ಟ್ 14 ದಿನಗಳ ಕಾಲ ರಿಯಾರಿಗೆ ಜೈಲು ಶಿಕ್ಷೆ ನೀಡಿದೆ.

28 ವರ್ಷದ ನಟಿ ರಿಯಾ ಚಕ್ರಬೋರ್ತಿ ಜಾಮೀನಿಗಾಗಿ ಇಂದು ಸೆಷನ್​ ಕೋರ್ಟ್​ಗೆ ಅರ್ಜಿ ಸಲ್ಲಿಸಲಿದ್ದಾರೆ ಅಂತಾ ಹೇಳಲಾಗ್ತಿದೆ. ನಾರ್ಕೋಟಿಕ್ಸ್​ ಕಂಟ್ರೋಲ್​ ಬ್ಯುರೋ ಕಚೇರಿಯಲ್ಲಿ ರಿಯಾ ನಿನ್ನೆ ರಾತ್ರಿ ಉಳಿದುಕೊಂಡಿದ್ದರು.
ಬೈಕುಲ್ಲಾ ಜೈಲು ಮಹಿಳಾ ಕೈದಿಗಳಿಗೆಂದೇ ಮೀಸಲಿರೋ ಮುಂಬೈನ ಏಕೈಕ ಜೈಲಾಗಿದೆ. ಶೀನಾ ಬೋರಾ ಕೊಲೆ ಆರೋಪಿ ಇಂದ್ರಾಣಿ ಮುಖರ್ಜಿ ಸೇರಿದಂತೆ ಹಲವರು ಇದೇ ಜೈಲಿನಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾರೆ.