ಕಾಂಗ್ರೆಸ್ಸಿನ ಹಿರಿಯ ಶಾಸಕ, ಮಾಜಿ ಸಚಿವ ಹೆಚ್.ವೈ. ಮೇಟಿ, ತಮ್ಮ ಬದುಕಿನ ಪಯಣ ಮುಗಿಸಿದ್ದಾರೆ. 1946 ಅಕ್ಟೋಬರ್ 9ರಂದು ಹುಲ್ಲಪ್ಪ ಯಮನಪ್ಪ ಮೇಟಿ ಜನಿಸಿದ್ರು. ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಸದಸ್ಯರು ಮತ್ತು 14ನೇ ಕರ್ನಾಟಕ ವಿಧಾನಸಭೆಯ ಸದಸ್ಯರು ಮತ್ತು ಈ ಹಿಂದೆ ಸಿದ್ದರಾಮಯ್ಯ ಸಂಪುಟದಲ್ಲಿ ಸಚಿವರಾಗಿದ್ದರು.
1989ರಿಂದ 1999ರವರೆಗೆ ಮತ್ತು 2004ರಿಂದ 2007ರವರೆಗೆ ಗುಳೇದಗುಡ್ ವಿಧಾನಸಭಾ ಕ್ಷೇತ್ರದ ಶಾಸಕರಾಗಿದ್ದರು. ಬಳಿಕ 2013ರ ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ, ಮೇಟಿ ಬಾಗಲಕೋಟೆ ವಿಧಾನಸಭಾ ಕ್ಷೇತ್ರದಿಂದ ಆಯ್ಕೆಯಾಗಿದ್ರು. 68,216 ಮತಗಳನ್ನು ಪಡೆದಿದ್ರು. 2013 ರಿಂದ 2016ರವರೆಗೆ ಅಬಕಾರಿ ಖಾತೆ ಮಂತ್ರಿಯಾಗಿದ್ದರು. 2018ರ ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯ ವೀರಭದ್ರಯ್ಯ ಚರಂತಿಮಠ ವಿರುದ್ಧ 15,934 ಮತಗಳ ಅಂತರದಿಂದ ಸೋಲು ಅನುಭವಿಸಿದ್ರು.
ಸಚಿವರಾಗಿದ್ದಾಗ ಹೆಚ್.ವೈ.ಮೇಟಿಯವರದ್ದು ಎನ್ನಲಾದ ಲೈಂಗಿಕ ಕ್ರಿಯೆ ಸಿಡಿಯೊಂದು ಬಹಿರಂಗವಾಗಿತ್ತು. ಇದರಿಂದ ಮುಜುಗರಕ್ಕೀಡಾದ ಮೇಟಿಯವ್ರು, ಡಿಸೆಂಬರ್ 7, 2016ರಂದು ರಾಜೀನಾಮೆ ನೀಡಿದ್ರು. ಡಿಸೆಂಬರ್ 11, 2016ರಂದು, ದೂರದರ್ಶನದ ಸಂದರ್ಶನವೊಂದರಲ್ಲಿ, ಮಹಿಳೆಯೊಬ್ಬರು ವರ್ಗಾವಣೆಗೆ ಪ್ರತಿಯಾಗಿ ಲೈಂಗಿಕ ಅನುಕೂಲಗಳನ್ನು ಕೋರಿದ್ದಾರೆಂದು ಆರೋಪಿಸಿದ್ರು. ಆದರೆ ವೀಡಿಯೋದಲ್ಲಿರುವ ಮಹಿಳೆ ನಾನಲ್ಲ ಎಂದು ಹೇಳಿದ್ರು.
ಡಿಸೆಂಬರ್ 12ರಂದು ಆರ್ಟಿಐ ಕಾರ್ಯಕರ್ತ ರಾಜಶೇಖರ್ ಮುಲಾಲಿ, ಲೈಂಗಿಕ ಸಿಡಿ ಇದೆ ಎಂದು ಹೇಳಿದ್ದಕ್ಕಾಗಿ ಕೊಲೆ ಬೆದರಿಕೆಗಳು ಬರುತ್ತಿವೆ ಎಂದು ಪೊಲೀಸರಿಗೆ ದೂರು ನೀಡಿದರು. ಮೇಟಿ ಅವರು ರಾಜಕೀಯ ಪಿತೂರಿ ಎಂದು ಹೇಳಿದ್ರು. ಅವರು ಯಾವುದೇ ಮಹಿಳೆಯೊಂದಿಗೆ ಯಾವುದೇ ಅನೈತಿಕ ಕೃತ್ಯದಲ್ಲಿ ಭಾಗಿಯಾಗಿಲ್ಲ ಎಂದು ಹೇಳಿಕೊಂಡರು ಮತ್ತು ಟೇಪ್ ಬಿಡುಗಡೆ ಮಾಡುವಂತೆ ಮುಲಾಲಿಗೆ ಸವಾಲು ಹಾಕಿದರು.
ತನಿಖೆಯ ಸಮಯದಲ್ಲಿ ಮೂಲ ವೀಡಿಯೊ ಕಾಣೆಯಾಗಿದೆ ಎಂದು ವರದಿಯಾಗಿದೆ. ಮೇ 24, 2017ರಂದು, ಪ್ರಕರಣದ ತನಿಖೆ ನಡೆಸಿದ ಕರ್ನಾಟಕ ಪೊಲೀಸರ ಅಪರಾಧ ತನಿಖಾ ಇಲಾಖೆ, ಕ್ಲೀನ್ ಚಿಟ್ ನೀಡಿತು ಮತ್ತು ವೀಡಿಯೊವನ್ನು ತಿರುಚಲಾಗಿದೆ ಎಂದು ವರದಿ ಮಾಡಿದೆ. ಇದಾದ ಬಳಿಕವೂ ಆಗಸ್ಟ್ 18, 2017ರಂದು, ವೀಡಿಯೊದಲ್ಲಿರುವುದು ನಾನೇ ಎಂದು ಹೇಳಿಕೊಂಡ ಮಹಿಳೆಯೊಬ್ಬರು, ಮೇಟಿ ವಿರುದ್ಧ ಅಪಹರಣ ಮತ್ತು ಅತ್ಯಾಚಾರದ ದೂರು ದಾಖಲಿಸಿದರು.
ಸದ್ಯ, ಎಚ್.ವೈ. ಮೇಟಿ ಬಾಗಲಕೋಟೆ ವಿಧಾನಸಭಾ ಕ್ಷೇತ್ರದ ಹಾಲಿ ಶಾಸಕರಾಗಿದ್ರು. ಜನವರಿ 26, 2024ರಂದು ಬಾಗಲಕೋಟೆ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾಗಿ, ಮೇಟಿ ಅವರನ್ನು ನೇಮಿಸಲಾಗಿತ್ತು. ಶ್ವಾಸಕೋಶ ಸೋಂಕಿನಿಂದ ಬಳಲುತ್ತಿದ್ದ ಮೇಟಿಯವರಿಗೆ, ಕಳೆದ ಕೆಲವು ದಿನಗಳಿಂದ ಬೆಂಗಳೂರಿನ ಜಯನಗರದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ರು. ಸಿಎಂ ಸಿದ್ದರಾಮಯ್ಯ ಸೇರಿ ಹಲವು ನಾಯಕರು, ಆಸ್ಪತ್ರೆಗೆ ಭೇಟಿ ನೀಡಿ ಆರೋಗ್ಯ ವಿಚಾರಿಸಿದ್ರು. ಆದ್ರಿಂದು ಚಿಕಿತ್ಸೆ ಫಲಕಾರಿಯಾಗದೇ ಮೇಟಿಯವ್ರು ನಿಧನರಾಗಿದ್ದಾರೆ.
