ಬಿಹಾರ ವಿಧಾನಸಭೆಯ ಮೊದಲ ಹಂತದ ಚುನಾವಣೆಯಲ್ಲಿ, ದಾಖಲೆಯ ಮತದಾನವಾಗಿದೆ. 121 ಕ್ಷೇತ್ರಗಳಲ್ಲಿ ನಡೆದ ಚುನಾವಣೆಯಲ್ಲಿ, 3.75 ಕೋಟಿ ಮತದಾರರಲ್ಲಿ ಶೇಕಡಾ 65ರಷ್ಟು ಮಂದಿ ಮತ ಚಲಾಯಿಸಿದ್ದಾರೆ. ಇದು ಆಡಳಿತಾರೂಢ ಎನ್ ಡಿಎಯ ಜನಪ್ರಿಯತೆಗೆ, ಅಗ್ನಿ ಪರೀಕ್ಷೆಯಾಗಿದೆ.
ಚುನಾವಣಾ ಆಯೋಗ, ವಿಧಾನಸಭಾ ಚುನಾವಣೆಯ ಮೊದಲ ಹಂತವು, ಬಿಹಾರದ ಇತಿಹಾಸದಲ್ಲಿ ಇದುವರೆಗಿನ ಅಧಿಕ ಎಂದಿದೆ. ಶೇಕಡಾ 64.66ರಷ್ಟು ಮತದಾನದೊಂದಿಗೆ ಹಬ್ಬದ ಮನಸ್ಥಿತಿಯಲ್ಲಿ, ಶಾಂತಿಯುತವಾಗಿ ಮುಕ್ತಾಯಗೊಂಡಿತು ಎಂದು ಹೇಳಿದೆ.
ಮುಜಫರ್ಪುರ ಮತ್ತು ಸಮಸ್ತಿಪುರದಲ್ಲಿ ಅತಿ ಹೆಚ್ಚು ಮತದಾನ ದಾಖಲಾಗಿದೆ. ಮುಜಫರ್ಪುರದಲ್ಲಿ ಶೇಕಡ 70.96ರಷ್ಟು ಮತದಾನ ದಾಖಲಾಗಿದ್ದರೆ, ಸಮಸ್ತಿಪುರದಲ್ಲಿ ಮತದಾನದ ಪ್ರಮಾಣ ಶೇಕಡ 70.63ರಷ್ಟಿದೆ. ಮಾಧೇಪುರದಲ್ಲಿ ಶೇಕಡ 67.21ರಷ್ಟು, ವೈಶಾಲಿಯಲ್ಲಿ ಶೇಕಡ 67.37, ಸಹರ್ಸಾದಲ್ಲಿ ಶೇಕಡ 66.84, ಖಗಾರಿಯಾದಲ್ಲಿ ಶೇಕಡ 66.36, ಲಖಿಸರೈನಲ್ಲಿ ಶೇಕಡ 65.05, ಮುಂಗರ್‌ನಲ್ಲಿ ಶೇಕಡ 60.40, ಸಿವಾನ್‌ನಲ್ಲಿ ಶೇಕಡ 60.31, ನಳಂದದಲ್ಲಿ ಶೇಕಡ 58.91 ಮತ್ತು ಪಾಟ್ನಾದಲ್ಲಿ ಶೇಕಡ 57.93ರಷ್ಟು ಮತದಾನವಾಗಿದೆ.
ಚುನಾವಣಾ ಆಯೋಗದ ಪ್ರಕಾರ, 1951-52ರ ವಿಧಾನಸಭಾ ಚುನಾವಣೆಯಲ್ಲಿ ರಾಜ್ಯದಲ್ಲಿ ಅತಿ ಕಡಿಮೆ ಮತದಾನವಾಗಿದೆ. ಆ ಪ್ರಮಾಣ ಶೇಕಡ 42.6ರಷ್ಟಿದೆ. 2000ರಲ್ಲಿ ನಡೆದ ಚುನಾವಣೆಯಲ್ಲಿ ಶೇಕಡ 62.57 ರಷ್ಟು ಮತದಾನವಾಗಿದೆ.
ಕಳೆದ 2 ದಶಕಗಳಲ್ಲಿ ಹೆಚ್ಚಿನ ಕಾಲ ಅಧಿಕಾರದಲ್ಲಿರುವ NDA, ತನ್ನ ಉತ್ತಮ ಆಡಳಿತದ ಇಮೇಜ್ ಮೂಲಕ ಮತ್ತೆ ಗೆಲುವಿನ ಉತ್ಸಾಹದಲ್ಲಿದೆ. ವಿರೋಧ ಪಕ್ಷಗಳು ಆಡಳಿತ ವಿರೋಧಿ ಅಲೆ ಮತ್ತು ತೇಜಸ್ವಿ ಯಾದವ್ ಅವರ ಮಹತ್ವಾಕಾಂಕ್ಷೆಯ ಪ್ರತಿ ಮನೆಗೆ ಉದ್ಯೋಗ ಎಂಬ ಪ್ರತಿಜ್ಞೆ ಆಧರಿಸಿ, ಆಡಳಿತ ಮೈತ್ರಿಕೂಟಕ್ಕೆ ಸವಾಲು ಹಾಕುತ್ತಿವೆ.
243 ಸದಸ್ಯರ ವಿಧಾನಸಭೆಯ ಚುನಾವಣೆಗಳನ್ನು, ಅವುಗಳ ಸ್ಥಳೀಯ ಪರಿಣಾಮಗಳಿಗಾಗಿ ಮಾತ್ರವಲ್ಲದೆ 2029ರ ಮುಂದೆ ರಾಜಕೀಯ ಮನಸ್ಥಿತಿಯ ಆರಂಭಿಕ ಸೂಚಕವಾಗಿಯೂ ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ. ಎರಡನೇ ಮತ್ತು ಕೊನೆಯ ಹಂತವು ನವೆಂಬರ್ 11ರಂದು ನಡೆಯಲಿದ್ದು, ಎಣಿಕೆ ನವೆಂಬರ್ 14ರಂದು ನಡೆಯಲಿದೆ.
ಆಡಳಿತಾರೂಢ ಎನ್‌ಡಿಎ ಮತ್ತು ವಿರೋಧ ಪಕ್ಷಗಳಾದ ಇಂಡಿಯಾ ಬಣ ಎರಡಕ್ಕೂ ಹೆಚ್ಚಿನ ಪೈಪೋಟಿ ಇದೆ, ಆರ್‌ಜೆಡಿಯ ತೇಜಸ್ವಿ ಯಾದವ್, ಉಪ ಮುಖ್ಯಮಂತ್ರಿಗಳಾದ ಸಾಮ್ರಾಟ್ ಚೌಧರಿ ಮತ್ತು ವಿಜಯ್ ಕುಮಾರ್ ಸಿನ್ಹಾ ಸೇರಿದಂತೆ ಹಲವಾರು ಪ್ರಮುಖ ನಾಯಕರು, ಸಚಿವರು ಕಣದಲ್ಲಿದ್ದಾರೆ. ಮೊದಲ ಹಂತದಲ್ಲಿ 1,314 ಅಭ್ಯರ್ಥಿಗಳ ಭವಿಷ್ಯ ನಿರ್ಧಾರವಾಗಲಿದೆ.
