Film News : ಕಾವಲಯ್ಯ ಹಾಡಿನ ಮೂಲಕ ಇದೀಗ ಸುದ್ದಿಯಾಗಿರೋ ಮಿಲ್ಕ್ ಬ್ಯೂಟಿ ಬಗ್ಗೆ ದಳಪತಿ ಅಭಿಮಾನಿಗಳು ಫುಲ್ ಗರಂ ಆಗಿದ್ದಾರೆ. ತಮನ್ನಾ ಆ ಒಂದು ಹೇಳಿಕೆ ಇದೀಗ ವಿಜಯ್ ಅಭಿಮಾನಿಗಳುನ್ನು ಕೆರಳಿಸಿದೆ. ಹಾಗಿದ್ರೆ ಏನ್ ಮಾಡಿದ್ರು ಆ ಮಿಲ್ಕ್ ಬ್ಯೂಟಿ ಹೇಳ್ತೀವಿ ನೋಡಿ…………..
ನಟಿ ತಮನ್ನಾ ಭಾಟಿಯಾ ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಮನೆ ಮಾತಾಗಿರೋ ನಟಿ. ಇದೀಗ ಮತ್ತೆ ವಿಜಯ್ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ.
ಜೈಲರ್ ಸಿನಿಮಾದ ವೈರಲ್ ಹಾಡು ಹಾಗೂ ತಮ್ಮ ಹಾಗೂ ವಿಜಯ್ ವರ್ಮಾರ ಪ್ರೇಮಕಹಾನಿ ಹಿನ್ನೆಲೆ ಹಲವು ಮೀಡಿಯಾಗಳು ತಮನ್ನಾರನ್ನು ಸಂದರ್ಶನ ಮಾಡುತ್ತಿರೋದು ಗೊತ್ತಿರೋ ವಿಚಾರ.
ಇಂಥಹುದೇ ಒಂದು ಸಂದರ್ಶನದಲ್ಲಿ ತಮನ್ನಾ ಹೇಳಿರುವ ಮಾತೊಂದು ತಮಿಳಿನ ಸ್ಟಾರ್ ನಟ ವಿಜಯ್ರ ಅಭಿಮಾನಿಗಳಿಗೆ ಸಿಟ್ಟು ತರಿಸಿದೆ ಎನ್ನಲಾಗಿದೆ.
ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಟಿ ತಮನ್ನಾ, ತಮಗೆ ತಮಿಳಿನಲ್ಲಿ ತಾವು ನಟಿಸಿದ್ದ ‘ಸುರ’ ಸಿನಿಮಾ ಇಷ್ಟವಾಗಿಲ್ಲವೆಂದು, ಬೇರೆ ವಿಧಿಯಿಲ್ಲದೆ ಆ ಸಿನಿಮಾದಲ್ಲಿ ನಟಿಸಬೇಕಾಯ್ತು ಎಂದು ಹೇಳಿದ್ದಾರೆ.
‘ಸುರ’ ಸಿನಿಮಾದಲ್ಲಿ ತಮನ್ನಾ, ದಳಪತಿ ವಿಜಯ್ ಎದುರು ನಾಯಕಿಯಾಗಿ ನಟಿಸಿದ್ದರು. 2010 ರಲ್ಲಿ ಬಿಡುಗಡೆ ಆಗಿದ್ದ ಈ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಹಿಟ್ ಕೂಡಾ ಆಗಿತ್ತು.
ತಮಿಳಿನ ಜನಪ್ರಿಯ ಸಿನಿಮಾ ಅದು. ಆದರೆ ಆ ಸಿನಿಮಾದ ಕೆಲವು ದೃಶ್ಯಗಳು ಬಹಳ ಕೆಟ್ಟದಾಗಿದ್ದವು. ಆ ಸಿನಿಮಾದ ಹಾಡುಗಳು ಬಹಳ ಹಿಟ್ ಆದವು. ಆದರೆ ನಾನು ಬಹಳ ಕೆಟ್ಟದಾಗಿ ಕಾಣಿಸಿಕೊಂಡಿದ್ದೆ. ಆ ಸಿನಿಮಾದಲ್ಲಿ ನಾನು ಮತ್ತೆ ನಟಿಸುವುದಿಲ್ಲ. ಆ ಸಿನಿಮಾ ತಮಿಳಿನ ಸುರ” ಎಂದು ನಕ್ಕಿದ್ದಾರೆ ತಮನ್ನಾ.
ಆ ಸಿನಿಮಾದ ಶೂಟಿಂಗ್ ಸಮಯದಲ್ಲಿಯೇ ಇದು ವರ್ಕೌಟ್ ಆಗುವುದಿಲ್ಲ ಎನ್ನಿಸಿತ್ತು. ಅದು ಮಾತ್ರವೇ ಅಲ್ಲ ಹಲವು ಸಿನಿಮಾಗಳು ಹಾಗೆಯೇ ಆಗುತ್ತದೆ. ಶೂಟಿಂಗ್ ಸೆಟ್, ಅಲ್ಲಿನ ಜನರ ಮನಸ್ಥಿತಿ ನೋಡಿಯೇ ಸಿನಿಮಾ ಏನಾಗಬಹುದು ಎಂಬ ಊಹೆ ಬಂದಿರುತ್ತದೆ ಆದರೆ ಬೇರೆ ವಿಧಿ ಇಲ್ಲದೆ ನಟಿಸಬೇಕಾಗುತ್ತದೆ ಎಂದು ಹೇಳಿದ್ದಾರೆ.
ತಮನ್ನಾರ ಈ ಮಾತುಗಳು ವಿಜಯ್ ಅಭಿಮಾನಿಗಳನ್ನು ಕೆರಳಿಸಿದೆ. ‘ಸುರ’ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಹಿಟ್ ಆಗಿದೆ. ‘ಸುರ’ ಸಿನಿಮಾದಲ್ಲಿ ನಟಿಸಿದ ಬಳಿಕವೇ ತಮನ್ನಾರಿಗೆ ಹೆಚ್ಚು ಹೆಚ್ಚು ಸಿನಿಮಾ ಅವಕಾಶಗಳು ಲಭಿಸಿವೆ. ಹಾಗಿದ್ದರೂ ತಮನ್ನಾ ಹೀಗೆ ಹೇಳಿರುವುದು ಸರಿಯಲ್ಲ ಎಂದು ಕೆಂಡ ಕಾರಿದ್ದಾರೆ.
ತಮನ್ನಾ ಇದೀಗ ರಜನೀಕಾಂತ್ ನಟನೆಯ ‘ಜೈಲರ್’ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದು, ಆ ಸಿನಿಮಾದ ‘ಕಾವಲಯ್ಯ’ ಹಾಡು ಸಖತ್ ವೈರಲ್ ಕೂಡಾ ಆಗಿದೆ.
Kaira adwani: ತಾಯಿಯಾಗುವ ಬಯಕೆ ವ್ಯಕ್ತಪಡಿಸಿದ ಬಾಲಿವುಡ್ ನಟಿ ಕಿಯಾರಾ ಅದ್ವಾನಿ
Dhanveer Gowda : ವಾ…ವಾ…ವಾ…ವಾಮನ ಹಾಡು ಬಂತು….ಶೋಕ್ದಾರ್ ಧನ್ವೀರ್ ಮಾಸ್ ಎಂಟ್ರಿ
