ಮಹಿಳಾ ಸಬಲೀಕರಣ: ಚೀನಾವನ್ನ ಹಿಂದಿಕ್ಕಿ ಭಾರತಕ್ಕೆ ಸ್ಥಾನ

ಆರ್ಥಿಕ ಹಾಗೂ ಸಾಮಾಜಿಕ ಮಂಡಳಿ ಸಂಸ್ಥೆಯಾದ ಮಹಿಳಾ ಸ್ಥಿತಿಗತಿ ಆಯೋಗದ​​ ಸದಸ್ಯ ರಾಷ್ಟ್ರವಾಗಿ ಭಾರತ ಆಯ್ಕೆಯಾಗಿದೆ.

ಈ ವಿಚಾರವಾಗಿ ಟ್ವೀಟ್​ ಮಾಡಿದ ವಿಶ್ವಸಂಸ್ಥೆಯ ಭಾರತದ ಖಾಯಂ ಪ್ರತಿನಿಧಿ ಟಿ.ಎಸ್​. ತಿರುಮೂರ್ತಿ ಭಾರತವು ಪ್ರತಿಷ್ಠಿತ ಈಸಿಓಎಸ್​ಓಸಿಯಲ್ಲಿ ಸದಸ್ಯತ್ವ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಇದು ಭಾರತದ ಲಿಂಗ ಸಮಾನತೆ ಹಾಗೂ ಮಹಿಳಾ ಸಬಲೀಕರಣಕ್ಕೆ ಸಿಕ್ಕ ಪ್ರತಿಫಲವಾಗಿದೆ ಅಂತಾ ಹೇಳಿದ್ರು. ಅಲ್ಲದೇ ಭಾರತಕ್ಕೆ ಸದಸ್ಯತ್ವ ನೀಡಲು ಮತಚಲಾಯಿಸಿದ ಎಲ್ಲ ಸದಸ್ಯ ರಾಷ್ಟ್ರಗಳಿಗೆ ಟಿ.ಎಸ್​ ತಿರುಮೂರ್ತಿ ಧನ್ಯವಾದ ಅರ್ಪಿಸಿದ್ರು.

ಈ ಚುನಾವಣೆಯಲ್ಲಿ ಭಾರತ, ಅಪ್ಘಾನಿಸ್ತಾನ ಹಾಗೂ ಚೀನಾ ರಾಷ್ಟ್ರಗಳು ಸ್ಪರ್ಧಿಸಿದ್ದವು. 54 ಸದಸ್ಯರುಳ್ಳ ಈ ಆಯೋಗದ ಚುನಾವಣೆಯಲ್ಲಿ ಅಫ್ಘಾನಿಸ್ಥಾನ ಭಾರತಕ್ಕೆ ಪೈಪೋಟಿ ನೀಡಿತು. ಆದ್ರೆ ಚೀನಾ ಮಾತ್ರ ಚುನಾವಣೆಯಲ್ಲಿ ಅತೀ ಕಡಿಮೆ ಮತ ಗಳಿಸಿತು. ಭಾರತ 2021ರಿಂದ ಮುಂದಿನ ನಾಲ್ಕು ವರ್ಷಗಳ ಕಾಲ ಆಯೋಗದ ಸದಸ್ಯನಾಗಿ ಮುಂದುವರಿಯಲಿದೆ.