ರಾಕಿಂಗ್ ಸ್ಟಾರ್ ಯಶ್ ಒಬ್ಬ ಭಾರತೀಯ ಚಲನಚಿತ್ರ ನಟ, ಮುಖ್ಯವಾಗಿ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕನ್ನಡ ಚಿತರಂಗಕ್ಕೆ ಸಾಕಾಷ್ಟು ಹಿಟ್ ಸಿನಿಮಾಗಳನ್ನ ನೀಡಿ ಪ್ರೇಕ್ಷಕರನ್ನ ರಂಜಿಸಿದ್ದಾರೆ. ಇದೀಗ ಇವರ ‘ಕೆಜಿಎಫ್-೨’ ಸಿನಿಮಾ ನಂತರ ಯಶ್ ಈಗ ನ್ಯಾಷನಲ್ ಸ್ಟಾರ್ ಆಗಿ ಮಿಂಚುತ್ತಾ ಇದ್ದಾರೆ. ‘ಕೆಜಿಎಫ್’ ಸರಣಿ ಸಿನಿಮಾಗಳ ಬಳಿಕ ಯಶ್ ಬೇಡಿಕೆ ಹೆಚ್ಚಾಗಿದೆ. ಇನ್ನು ಅವರ ಮುಂದಿನ ಸಿನಿಮಾದ ಬಗ್ಗೆ ಬೇಡಿಕೆ ಹೆಚ್ಚಾಗಿದೆ. ಆದರೆ ಈಗ ಯಶ್ ಹೊಸ ಸಿನಿಮಾ ಅಲ್ಲ ಹಳೆ ಸಿನಿಮಾ ಸುದ್ದಿ ಆಗುತ್ತಾ ಇದೆ.
ಯಶ್ ಸಿನಿಮಾಗಳಿಗೆ ಈಗ ಸಕ್ಕತ್ ಬೇಡಿಕೆ ಹೆಚ್ಚಾಗಿದೆ. ತೆಲುಗು ಸಿನಿಮಾರಂಗದಿಂದ ಯಶ್ ಸಿನಿಮಾಗಳಿಗೆ ಎಲ್ಲಿಲ್ಲದ ಬೇಡಿಕೆ ಬರುತ್ತಿದೆ. ಯಶ್ ಅಭಿನಯದ ‘ಲಕ್ಕಿ’ ಸಿನಿಮಾ ಈಗ ಮತ್ತೆ ರಿಲೀಸ್ ಆಗುತ್ತಾ ಇದೆ. 10 ವರ್ಷದ ಹಿಂದೆ ಯಶ್ ಮತ್ತು ರಮ್ಯಾ ಅಭಿನಯದಲ್ಲಿ ಈ ಸಿನಿಮಾ ಬಂದು ಹಿಟ್ ಲಿಸ್ಟ್ ಸೇರಿತ್ತು. ಇದಿಗ್ಗ ಈ ಸಿನಿಮಾ ತೆಲುಗಿಗೆ ಡಬ್ ಆಗಿ, ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗ್ತಾ ಇದೆ.
ತಮ್ಮ ವೃತ್ತಿ ಜೀವನದಲ್ಲೇ ಯಶ್ ಅವರು ಹೆಚ್ಚು ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿರುವ ಸಿನಿಮಾ ಅಂದರೆ ಅದು ‘ಲಕ್ಕಿ’. ಹೇರ್ ಸ್ಟೈಲ್, ಗಡ್ಡದ ಸ್ಟೈಲ್, ವೇಷ ಭೂಷಣ ಎಲ್ಲದರಲ್ಲೂ ಯಶ್ ಡಿಫರೆಂಟ್ ಆಗಿದ್ದರು. ಇನ್ನು ಈ ಸಿನಿಮಾವನ್ನು ಡಾ.ಸೂರಿ ನಿರ್ದೇಶನ ಮಾಡಿದ್ದು, ರಾಧಿಕಾ ಕುಮಾರಸ್ವಾಮಿ ನಿರ್ಮಾಣ ಮಾಡಿದ್ದರು. ಹತ್ತು ವರ್ಷ ಆದರೂ ಈಗಲೂ ಈ ಸಿನಿಮಾ ನೋಡಿದಾಗ ಅಷ್ಟೇ ಫ್ರೆಶ್ ಅಂತ ಅನಿಸುತ್ತೆ. ಹಾಗಾಗಿ ಈ ಸಿನಿಮಾ ಇದೀಗ ತೆಲುಗಿಗೆ ಡಬ್ ಆಗಿ ರಿಲೀಸ್ ಆಗುತ್ತಿರುವುದು ಕನ್ನಡಾಭಿಮಾನಿಗಳಿಗೆ ಖುಷಿ ತಂದಿದೆ.
ಪ್ರಕೃತಿ ಪ್ರಭಾಕರ್, ಕರ್ನಾಟಕ ಟಿವಿ, ಸಿನಿಮಾ ಬ್ಯುರೋ
