Web Story: ನಾವು ಪ್ರತಿದಿನ ತಪ್ಪದೇ ಸೇವಿಸುವ ಚಹಾ ನಮ್ಮ ದೇಶದಲ್ಲ. ಬದಲಾಗಿ ಪಕ್ಕದ ಚೀನಾ ದೇಶದಿಂದ ಪರಿಚಯವಾಗಿದ್ದು. ಹಾಗಾದ್ರೆ ನಾವು ಹೇಗೆ ಚಹಾ ಬೆಳೆಯುವ ಮನಸ್ಸು ಮಾಡಿದ್ದು..? ಚಹಾ ಬಗ್ಗೆ ಹಲವು ಸಂಗತಿಗಳನ್ನು ತಿಳಿಯೋಣ ಬನ್ನಿ..
ಚಹಾ ಅನ್ನೋದು ಚೀನಾ ದೇಶದಿಂದ ಪರಿಚಯವಾಗಿತ್ತು. ಅವರು ಎಲೆಗಳನ್ನೇ ಕುದಿಸಿ, ಪೇಯ ಮಾಡಿ ಸೇವಿಸುತ್ತಿದ್ದರು. ಏಕೆಂದರೆ, ಚಹಾ ಅನ್ನೋದು ಆಗಿನ ಕಾಲದ ಆರೋಗ್ಯಕರ ಪೇಯವಾಗಿತ್ತು. ಏಕೆಂದರೆ, ಚಹಾ ಎಲೆಯನ್ನು ನೀರಿನಲ್ಲಿ ಹಾಕಿ ಕುದಿಸಿ, ಕಶಾಯದ ರೀತಿ ಅದನ್ನು ಸೇವಿಸಲಾಗುತ್ತಿತ್ತು.
ಬೌದ್ಧ ಭಿಕ್ಷುಗಳು ಭಾರತಕ್ಕೆ ಬಂದಾಗ, ಈ ಪೇಯ ಭಾರತಕ್ಕೆ ಪರಿಚಯವಾಯಿತು. ಅಲ್ಲಿಯವರೆಗೂ ನಾವು ಚಹಾ ಸೇವನೆ ಮಾಡುತ್ತಿರಲಿಲ್ಲ. ಓರ್ವ ಬೌದ್ಧ ಭಿಕ್ಷು, 7 ವರ್ಷ ನಿದ್ರೆ ತ್ಯಾಗ ಮಾಡಿ, ಜೀವನದ ಸತ್ಯ ತಿಳಿಯಲು ನಿರ್ಧರಿಸಿದ್ದರಂತೆ.
ಹಾಗಾಗಿ ಅವರು ತಮ್ಮ ದೇಶದಿಂದ ತಂದ ಚಹಾ ಎಲೆಗಳನ್ನು ಸೇವಿಸುತ್ತಿದ್ದರು. ಇದು ಅವರಿಗೆ ನಿದ್ರೆ ಬರದಂತೆ ತಡೆಯುತ್ತಿತ್ತು. ಇದಾದ ಬಳಿಕವೇ ಚಹಾ ನಿದ್ರೆ ತಡೆಯುವ ಪೇಯವೆಂದು ತಿಳಿಯಿತು.
ಕೆಲ ವರ್ಷಗಳ ಕಾಲ ಚೀನಾ ದೇಶದಿಂದಲೇ ಚಹಾ ಎಲೆ ಭಾರತಕ್ಕೆ ಬರುತ್ತಿತ್ತು. ಆದರೆ ಭಾರತಕ್ಕೆ ಬಂದ ಬ್ರಿಟೀಷರು, ಇಲ್ಲಿನ ವಾತಾವರಣವನ್ನು ನೋಡಿ, ಇಲ್ಲೇ ಚಹಾ ಬೆಳೆಯಬಹುದು ಎಂದು ನಿರ್ಧರಿಸಿ, ನಮ್ಮ ದೇಶದ ಕೆಲ ಭಾಗಗಳಲ್ಲಿ ಚಹಾ ಬೆಳೆಯಲು ನಿರ್ಧರಿಸಿದರು. ಸ್ವಲ್ಪ ಸಮಯ ಕಳೆದ ಬಳಿಕ, ಚಹಾ ಎಲೆಯನ್ನು ಡ್ರೈ ಮಾಡಿ ಪುಡಿ ಮಾಡಿ, ಚಹಾ ಪುಡಿಯಾಗಿ ಮಾರಲಾಗುತ್ತಿತ್ತು.
ಚಹಾ ಎಲೆಯನ್ನು ನೀರಿನಲ್ಲಿ ಕುದಿಸಿ ಕುಡಿಯುವವರೆದೂ ಅದು ಆರೋಗ್ಯಕರ ಪೇಯ ಎನ್ನಿಸಿತ್ತು. ಆದರೆ ಅದನ್ನು ಡ್ರೈ ಮಾಡಿ ಪುಡಿ ಮಾಡಿ, ಅದರ ಜತೆ ಹಾಲು, ಸಕ್ಕರೆ, ಮಸಾಲೆ ಪದಾರ್ಥ ಬೆರೆಸಿ ಕುಡಿಯಲು ಶುರುವಾದ ಬಳಿಕ, ಅದರಲ್ಲಿನ ಆರೋಗ್ಯಕರ ಪ್ರಮಾಣ ಹೋಗಿ, ಅದು ಬರೀ ರುಚಿಕರ ಪೇಯವಾಗಿ ಬದಲಾಯಿತು.
About The Author
