ಉದ್ಯೋಗಿಗಳಿಗೆ ಮತ್ತು ಪಿಎಫ್ (PF) ಖಾತೆದಾರರಿಗೆ ಇಲ್ಲಿದೆ ಒಂದು ಅತ್ಯುತ್ತಮ ಸುದ್ದಿ. EPFO ಸಂಸ್ಥೆಯು ತನ್ನ ಆನ್ಲೈನ್ ಸೇವೆಗಳನ್ನು ಮತ್ತಷ್ಟು ವೇಗಗೊಳಿಸಲು ಮತ್ತು ಸರಳಗೊಳಿಸಲು ಬರೋಬ್ಬರಿ 5 ಪ್ರಮುಖ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಇನ್ಮುಂದೆ ಕ್ಲೇಮ್ಗಳ ಸೆಟಲ್ಮೆಂಟ್, UAN ಆಕ್ಟಿವೇಶನ್ ಹಾಗೂ ಪಿಎಫ್ ವರ್ಗಾವಣೆ ಹಿಂದೆಂದಿಗಿಂತಲೂ ತುಂಬಾ ಸುಲಭವಾಗಲಿದೆ ಅಂತ ಕೇಳಿ ಬರ್ತಾ ಇದೆ. ಆ ಐದು ಪ್ರಮುಖ ಬದಲಾವಣೆಗಳು ಯಾವುವು ಎಂಬುದನ್ನು ನೋಡೋಣ ಬನ್ನಿ.
ಮೊದಲನೆಯದಾಗಿ, ಪಿಎಫ್ ಕ್ಲೇಮ್ಗಳಿಗಾಗಿ EPFO ಈಗ ‘ಆಟೋ ಸೆಟಲ್ಮೆಂಟ್’ ವ್ಯವಸ್ಥೆಯನ್ನು ತಂದಿದೆ. ಇದರಡಿ ಬರೋಬ್ಬರಿ 5 ಲಕ್ಷ ರೂಪಾಯಿಯವರೆಗಿನ ಮುಂಗಡ ಹಾಗೂ ಅಂತಿಮ ಸೆಟಲ್ಮೆಂಟ್ ಹಣ ಕೇವಲ ಮೂರೇ ದಿನಗಳಲ್ಲಿ ನೇರವಾಗಿ ನಿಮ್ಮ ಖಾತೆಗೆ ಜಮೆಯಾಗಲಿದೆ! ಇನ್ನು ಎರಡನೆಯದಾಗಿ, UAN ಆಕ್ಟಿವೇಶನ್ ಪ್ರಕ್ರಿಯೆಯನ್ನು ಮತ್ತಷ್ಟು ಸುರಕ್ಷಿತಗೊಳಿಸಲಾಗಿದೆ. ಇನ್ನು ಮುಂದೆ UMANG ಆಪ್ನಲ್ಲಿ ಆಧಾರ್ ಆಧಾರಿತ ಫೇಸ್ ಆಥೆಂಟಿಕೇಶನ್ ಮೂಲಕ ಮಾತ್ರ UAN ಅನ್ನು ಆಕ್ಟಿವೇಟ್ ಮಾಡಿಕೊಳ್ಳಬಹುದು.
ಮೂರನೆಯದಾಗಿ, ನೀವು ಒಂದು ಕಂಪನಿಯಿಂದ ಮತ್ತೊಂದು ಕಂಪನಿಗೆ ಕೆಲಸ ಬದಲಾಯಿಸಿದಾಗ ಪಿಎಫ್ ಹಣವನ್ನು ವರ್ಗಾಯಿಸಲು ಇನ್ನು ಮುಂದೆ ಕಚೇರಿ ಅಲೆಯುವ ಅಥವಾ ಮ್ಯಾನುಯಲ್ ಆಗಿ ಅರ್ಜಿ ಸಲ್ಲಿಸುವ ಅಗತ್ಯವಿಲ್ಲ! ನಿಮ್ಮ ಆಧಾರ್ಗೆ UAN ಲಿಂಕ್ ಆಗಿದ್ದರೆ, ಹಳೆಯ ಖಾತೆಯಲ್ಲಿರುವ ಹಣ ಹೊಸ ಕಂಪನಿಯ ಖಾತೆಗೆ ಸ್ವಯಂಚಾಲಿತವಾಗಿ ವರ್ಗಾವಣೆಯಾಗುತ್ತದೆ. ಇನ್ನು ನಾಲ್ಕನೆಯದಾಗಿ, ಪಿಎಫ್ ಹಣವನ್ನು ಕೆಲವೇ ನಿಮಿಷಗಳಲ್ಲಿ ಪಡೆಯಲು ಶೀಘ್ರದಲ್ಲೇ UPI ಆಧಾರಿತ ವಿತ್ಡ್ರಾ ಸೌಲಭ್ಯವನ್ನೂ ತರಲಾಗುತ್ತಿದೆ.
ಇನ್ನು ಇದರ ಜೊತೆಗೆ ‘ಐದನೆಯದಾಗಿ, EPF ಕನಿಷ್ಠ ವೇತನ ಮಿತಿಯನ್ನು ಹೆಚ್ಚಿಸುವ ಕುರಿತೂ ಗಂಭೀರ ಪ್ರಯತ್ನಗಳು ನಡೆಯುತ್ತಿದ್ದು, ಇದು ಜಾರಿಗೆ ಬಂದರೆ ಹೆಚ್ಚಿನ ಸಂಖ್ಯೆಯ ಉದ್ಯೋಗಿಗಳು ಪಿಎಫ್ ವ್ಯಾಪ್ತಿಗೆ ಬರಲು ಅನುಕೂಲವಾಗಲಿದೆ. ಖಾಸಗಿ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ಪ್ರತಿಯೊಬ್ಬ ಉದ್ಯೋಗಿಯೂ ಈ ಹೊಸ ಬದಲಾವಣೆಗಳ ಬಗ್ಗೆ ತಿಳಿದುಕೊಳ್ಳುವುದು ತುಂಬಾ ಮುಖ್ಯವಾಗಿದೆ.
ಸದ್ಯಕ್ಕೆ ‘EPFO ತಂದಿರುವ ಈ ಹೊಸ ಸುಧಾರಣೆಗಳು ಕೋಟ್ಯಂತರ ಉದ್ಯೋಗಿಗಳಿಗೆ ದೊಡ್ಡ ರಿಲೀಫ್ ಅಂತೂ ನೀಡಿವೆ!
About The Author
