Technology News:
ಬೆಂಗಳೂರು ನಗರ ಸೇರಿದಂತೆ ರಾಜ್ಯದ ಹಲವೆಡೆ ಜಿಯೋ ನೆಟ್ವರ್ಕ್ ಸ್ಥಗಿತವಾಗಿರುವ ಬಗ್ಗೆ ದೂರುಗಳು ಈಗ ಕೇಳಿಬರುತ್ತಿವೆ. ನಗರದ ಎಂ.ಜಿ ರಸ್ತೆ, ವಿಧಾನಸೌಧ, ಜಯನಗರ, ವೈಟ್ಫಿಲ್ಡ್ ಮತ್ತು ದೊಮ್ಮಲೂರು ಭಾಗಗಳಲ್ಲಿ ಹಾಗೂ ಹಾಸನ, ಚಿಕ್ಕಬಳ್ಳಾಪುರ ಮತ್ತು ರಾಮನಗರ ಜಿಲ್ಲೆಗಳಲ್ಲಿ ಕಳೆದ ರಾತ್ರಿಯಿಂದ ಜಿಯೋ ನೆಟ್ವರ್ಕ್ ಕಾರ್ಯನಿರ್ವಹಿಸುತ್ತಿಲ್ಲ ಎಂದು ದೂರುಗಳು ಕೇಳಿಬರುತ್ತಿವೆ.
ಜಿಯೋ ನೆಟ್ವರ್ಕ್ ಸ್ಥಗಿತಗೊಂಡಿರುವ ಬಗ್ಗೆ ಬಳಕೆದಾರರು ನಿರಂತರವಾಗಿ ದೂರು ನೀಡುತ್ತಿದ್ದಾರೆ. ಗುರುವಾರ ರಾತ್ರಿ ೯.೩೦ ರಿಂದ ನಮ್ಮ ಜಿಯೋ ನೆಟ್ವರ್ಕ್ ಸ್ಥಗಿತವಾಗಿದೆ. ನೆಟ್ವರ್ಕ್ ಇರುವಂತೆ ತೋರಿದರೂ ಸಹ ಇಂಟರ್ನೆಟ್ ಕಾರ್ಯನಿರ್ವಹಿಸುತ್ತಿಲ್ಲ.ಇದರಿಂದ ನಾವು ಬಹಳಷ್ಟು ತೊಂದರೆಗಳನ್ನು ಎದುರಿಸುತ್ತಿದ್ದೇವೆ ಎಂದು ಬಳಕೆದಾರರು ಅಳಲು ತೋಡಿಕೊಳ್ಳುತ್ತಿದ್ದಾರೆ.
ಕಳೆದ ಕೆಲ ತಿಂಗಳ ಹಿಂದೆಯಷ್ಟೇ ದೇಶಾದ್ಯಂತ ಜಿಯೋ ಸೇವೆ ಸ್ಥಗಿತಗೊಂಡಿತ್ತು. ಅದೇ ರೀತಿಯಲ್ಲಿ ಈಗಲೂ ಜಿಯೋ ನೆಟ್ವರ್ಕ್ ಡೌನ್ ಆಗಿದೆ. ಮೊಬೈಲ್ ಸ್ಕ್ರೀನ್ನಲ್ಲಿನೆಟ್ವರ್ಕ್ ಇರುವಂತೆ ಕಾಣಿಸಿದರೂ ಸಹ ಡೇಟಾ ಕೆಲಸ ಮಾಡ ಸ್ಥಿತಿಯನ್ನು ಆಗಲೂ ಗುರುತಿಸಲಾಗಿತ್ತು. ಇದು ಕಂಪನಿಯ ತಾಂತ್ರಿಕ ತೊಂದರೆ ಎಂದು ತಿಳಿದುಬಂದಿತ್ತು.
ಇದೀಗ ನೇರವಾಗಿ ಟೆಲಿಕಾಂ ಸೇವಾದಾತರಿಂದ ಇಂತಹ ಸಮಸ್ಯೆ ಎದುರಾಗಿರುವುದು ಬಹುತೇಕರ ಆಕ್ರೋಷಕ್ಕೆ ಕಾರಣವಾಗಿದೆ. ವರ್ಕ್ ಫ್ರಮ್ ಹೋಮ್ ಮತ್ತು ಏಕೈಕ್ ಪೋಸ್ಟ್ಪೇಡ್ ಸಿಮ್ ಬಳಸುತ್ತಿರುವ ಗ್ರಾಹಕರಿಗೆ ಇದು ಇನ್ನಿಲ್ಲದಂತೆ ತೊಂದರೆಯನ್ನು ತಂದೊಡ್ಡಿದೆ.