ಸ್ಯಾಂಡಲ್‌ವುಡ್ ಅಧ್ಯಕ್ಷ ನಟ ಶರಣ್ ನಟಿಸಿರೋ ಬಹುನಿರೀಕ್ಷಿತ ಸಿನಿಮಾ ಅವತಾರ ಪುರುಷ..ಮೇ-6ರಂದು ಥಿಯೇಟರ್‌ಗೆ ಎಂಟ್ರಿ ಕೊಡಲು ಸಜ್ಜಾಗಿರೋ ನಟ ಶರಣ್‌ಗೆ ಈಗ ನಟೋರಿಯಸ್ ಶಿವ ಸಾಥ್ ಕೊಡಲಿದ್ದಾರೆ. ಇದುವರೆಗೂ ಸಾಕಷ್ಟು ಸಿನಿಮಾಗಳಲ್ಲಿ ಅಧ್ಯಕ್ಷನ ನಾನಾ ಅವತಾರಗಳನ್ನ ನೋಡಿ ಎಂಜಾಯ್ ಮಾಡಿದ್ದೀರ. ಆದರೆ ಈ ಅವತಾರ ಪುರುಷ ಒಂದಲ್ಲಾ ಎರಡಲ್ಲಾ ಬರೋಬ್ಬರಿ ಹತ್ತು ಅವತಾರಗಳಲ್ಲಿ ನಿಮ್ಮ ಮುಂದೆ ಕಾಣಿಸಿಕೊಳ್ಳಲಿದ್ದಾರೆ. ಸಿಂಪಲ್ ಸುನಿ ಡೈರೆಕ್ಷನ್, ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣ ಈ ಸಿನಿಮಾದಲ್ಲಿದ್ದು, ಟೀಸರ್ ಮೂಲಕವೇ ಈ ಸಿನಿಮಾ ಎಲ್ಲರ ಗಮನ ಸೆಳೆದಿದೆ.
ಅಂದ್ಹಾಗೆ ಖುಷಿ ವಿಷಯ ಏನಪ್ಪಾ ಅಂದ್ರೆ ಅವತಾರ ಪುರುಷನಿಗೆ ಆಕ್ಷನ್ ಪ್ರಿನ್ಸ್ ಸಾಥ್ ಕೊಡಲಿದ್ದಾರೆ. ಯಾವಾಗ, ಎಲ್ಲಿ ಅಂತೀರಾ..ಎಸ್, ಅವತಾರ ಪುರುಷ ಸಿನಿಮಾದ ಗ್ರಾö್ಯಂಡ್ ಪ್ರೀ ರಲೀಸ್ ಇವೆಂಟ್ ಇದೇ ಸೋಮವಾರ ನಡೆಯಲಿದ್ದು, ಈ ಸಮಾರಂಭಕ್ಕೆ ನಟ ಧ್ರುವ ಸರ್ಜಾ ಮುಖ್ಯ ಅತಿಥಿಯಾಗಿ ಆಗಮಿಸಿಲಿದ್ದಾರೆ. ಬರೀ ಅತಿಥಿಯಾಗಿ ಅಷ್ಟೇ ಧ್ರುವ ಬರೋದಿಲ್ಲ, ಬದಲಿಗೆ ಈ ಸಿನಿಮಾದ ಟ್ರೆöÊಲರ್ ಲಾಂಚ್ ಸಹ ಮಾಡಲಿದ್ದಾರೆ. ಇನ್ನು ಈ ಸಿನಿಮಾದಲ್ಲಿ ದೊಡ್ಡ ತಾರಾಗಣವೇ ಇದ್ದು, ನಟ ಶರಣ್‌ಗೆ ಇಲ್ಲಿ ನಟಿ ಆಶಿಕಾ ರಂಗನಾಥ್ ಮತ್ತೊಮ್ಮೆ ಒಂದಾಗಲಿದ್ದಾರೆ.
ಒಟ್ಟಾರೆ ಒಬ್ಬ ಹೀರೋ ಮತ್ತೊಬ್ಬ ಹೀರೋಗೆ ಸಾಥ್ ಕೊಟ್ಟು, ಚಿತ್ರತಂಡಕ್ಕೆ ಬೆಂಬಲಿಸೋದು ಖುಷಿಯ ವಿಷಯವೇ ಸರಿ. ನಟ ಶರಣ್ ನಟಿಸಿರುವ ಇದುವರೆಗಿನ ಸಿನಿಮಾಗಳಿಗಿಂತ ಈ ಅವತಾರ ಪುರುಷ ಚಿತ್ರ ತಮ್ಮ ಸಿನಿಕರಿಯರ್‌ನಲ್ಲೇ ಬಹಳ ದುಬಾರಿಯ ಸಿನಿಮಾವಾಗಿದೆ. ಕಾಮೆಡಿ ಜೊತೆಗೆ ಸಸ್ಪೆನ್ಸ್ ಪ್ಲಸ್ ಥ್ರಿಲ್ಲಿಂಗ್ ಫೀಲ್ ಸಹ ಪ್ರೇಕ್ಷಕರಿಗೆ ಸಖತ್ ಎಂಟರ್ಟೈನ್ ಮಾಡುತ್ತೆ ಅಂತಾರೆ ನಟ ಶರಣ್. ಇಂಟ್ರೆಸ್ಟಿAಗ್ ಅಂದ್ರೆ ಈ ಸಿನಿಮಾವನ್ನ ಮೊದಲು ನಿರ್ದೇಶಕ ಸಿಂಪಲ್ ಸುನಿ ವೆಬ್ ಸೀರೀಸ್ ಮಾಡಲು ಮುಂದಾಗಿದ್ದು, ಬಳಿಕ ಈ ಕಥೆಯನ್ನ ಕೇಳಿ ಫಿದಾ ಆದ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಸಿನಿಮಾ ಮಾಡಲು ಮುಂದಾದರು. ಇದೀಗ ಸಿನಿಮಾ ರಿಲೀಸ್ ಹಂತಕ್ಕೆ ಬಂದಿದ್ದು, ಶರಣ್ ಅಭಿಮಾನಿಗಳೆಲ್ಲರೂ ಅವತಾರ ಪುರುಷ ಪ್ರೀರಿಲೀಸ್ ಇವೆಂಟ್ ಹೇಗಿರುತ್ತೆ ಎಂಬ ಕುತೂಹಲದಲ್ಲಿದ್ದಾರೆ.
ನಳಿನಾಕ್ಷಿ ಕರ್ನಾಟಕ ನ್ಯೂಸ್
