ಈಗ ಎಲ್ಲೆಲ್ಲೂ ಅಲ್ಲು ಅರ್ಜುನ್ ಅಭಿನಯದ ಪುಷ್ಪಾ ಸಿನಿಮಾದ್ದೇ ಕ್ರೇಜ್. ಸಿನಿಮಾ ರಿಲೀಸ್ ಆಗಿ ಸುಮಾರು ದಿನಗಳಾದ್ರೂ, ಸಿನಿಮಾ ಹಾಡಿನ, ಡೈಲಾಗ್ ಕ್ರೇಜ್ ಮಾತ್ರ ಕಡಿಮೆಯಾಗಿಲ್ಲ. ದೇಶ ವಿದೇಶಗಳಲ್ಲಿ ಅಭಿಮಾನಿಗಳು, ಕ್ರಿಕೇಟಿಗರು, ಬೇರೆ ಭಾಷೆಯ ಸಿನಿಮಾ ಕಲಾವಿದರು, ಹಲವರು ಪುಷ್ಪಾ ಸಿನಿಮಾದ ಹಾಡಿಗೆ ಸ್ಟೆಪ್ ಹಾಕಿದ್ದೇ ಹಾಕಿದ್ದು. ಶ್ರೀವಲ್ಲಿ, ಸಾಮಿ, ಊ ಅಂಟಾವಾ ಈ ಎಲ್ಲಾ ಹಾಡು ಸಖತ್ ಹವಾ ಕ್ರಿಯೇಟ್ ಮಾಡಿತ್ತು.
ಅದರಲ್ಲೂ ಶ್ರೀವಲ್ಲಿ ಹಾಡಿನ ಪುಷ್ಪಾ ಕುಂಟು ನಡಿಗೆ ಎಲ್ಲರ ಗಮನ ಸೆಳೆದಿದ್ದು, ಎಲ್ಲಿ ನೋಡಿದರಲ್ಲಿ ಆ ಕುಂಟು ನಡೆಯ ಸ್ಟೆಪ್ ಹಾಕುವ ಅಭಿಮಾನಿಗಳು ಶ್ರೀವಲ್ಲಿನ್ನ ನೆನೆಯುತ್ತಿದ್ದರು. ಇಂಥ ಹುಚ್ಚು ಹಿಡಿಸಿದ್ದ ಪುಷ್ಪಾ ಸಿನಿಮಾದ ಪುಷ್ಪರಾಜ್ ಕ್ಯಾರೆಕ್ಟರ್, ಕ್ರಿಯೇಟ್ ಆಗಿದ್ದು ಹೇಗೆ..? ಟಿಪ್ ಟಾಪ್ ಆಗಿ ಬರುತ್ತಿದ್ದ ಅಲ್ಲು, ಪುಷ್ಪರಾಜ್ ಆಗಿ ಬದಲಾಗುತ್ತಿದ್ದ ಪರಿ ಮಾತ್ರ ಸೂಪರ್. ಮೇಕಪ್ ಆರ್ಟಿಸ್ಟ್‌ಗಳು ಹೇಗೆ ಅಲ್ಲುರನ್ನ ಪುಷ್ಪಾ ಆಗಿ ರೆಡಿ ಮಾಡ್ತಿದ್ರು ಅನ್ನೋ ಬಗ್ಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ವೀಡಿಯೋ ಒಂದು ವೈರಲ್ ಆಗಿದೆ.
ಪುಷ್ಪಾ ಮೂವೀಸ್ ಇನ್‌ಸ್ಟಾಗ್ರಾಮ್ ಅಕೌಂಟ್‌ನಲ್ಲಿ ಈ ಬಗ್ಗೆ ವೀಡಿಯೋ ಅಪ್ಲೋಡ್ ಮಾಡಲಾಗಿದ್ದು, ಅಲ್ಲು ಅಭಿಮಾನಿಗಳು ಇದನ್ನು ನೋಡಿ ಫುಲ್ ಖುಷ್ ಆಗಿದ್ದಾರೆ. ಅಲ್ಲು ಅರ್ಜುನ್ ಪುಷ್ಪಾ ಆಗಿ ಬದಲಾಗುವ ವೀಡಿಯೋ ತುಣುಕಿನ ಲಿಂಕ್ ಇಲ್ಲಿದೆ ನೋಡಿ..
https://www.instagram.com/p/CZwKSnIDGRD/
