Horoscope: ನೀವು ಅವಿವಾಹಿತರಾಗಿದ್ದು, ಹೆಣ್ಣು ಹುಡುಕುತ್ತಿದ್ದರೆ, ಖಂಡಿತವಾಗಿಯೂ ಜಾತಕವನ್ನು ಪರಿಶೀಲಿಸಿಯೇ ಮದುವೆಯಾಗಬೇಕು. ಕೆಲವರು ಜಾತಕವೆಲ್ಲ ಸುಳ್ಳು ಎನ್ನುತ್ತಾರೆ. ಆದರೆ ಜಾತಕ ಸರಿಯಾದಾಗಲೇ, ಜೀವನ ಸರಿಯಾಗಿ ನಡೆಯುತ್ತದೆ. ಹಾಗಾಗಿ ಜಾತಕ ನೋಡುವುದು ಮುಖ್ಯ. ಇಂದು ನಾವು ಯಾವ ರಾಶಿಯ ಹೆಣ್ಣು ಮಕ್ಕಳು ಉತ್ತಮ ಪತ್ನಿಯರಾಗುತ್ತಾರೆ ಅಂತಾ ತಿಳಿಯೋಣ ಬನ್ನಿ..
ಕರ್ಕ ರಾಶಿ: ಕರ್ಕ ರಾಶಿಯವರು ಭಾವನಾತ್ಮಕ ಗುಣ ಉಳ್ಳವರು. ಇವರು ತಮ್ಮವನ್ನು ಹೆಚ್ಚು ಪ್ರೀತಿಸುತ್ತಾರೆ. ಕಾಳಜಿ ತೋರುತ್ತಾರೆ. ಸಂಬಂಧಕ್ಕೆ ಬೆಲೆ ನೀಡುತ್ತಾರೆ. ಮತ್ತು ಸಂಬಂಧ ಹಾಳಾಗದಂತೆ ಕಾಪಾಡಲೂ ಇವರಿಗೆ ತಿಳಿದಿದೆ. ಹಾಗಾಗಿ ಈ ರಾಶಿಯವರು ಉತ್ತಮ ಪತ್ನಿಯಾಗಬಹುದು.
ತುಲಾ ರಾಶಿ: ಇವರ ರಾಶಿ ಚಿಹ್ನೆಯಂತೆ ಇವರು ಸಮತೋಲನ ಮನಸ್ಥಿತಿ ಇರುವವರಾಗಿರುತ್ತಾರೆ. ಸಂಬಂಧದಲ್ಲಿ ಶಾಂತಿ ಇರಬೇಕು ಎಂದು ಬಯಸುತ್ತಾರೆ. ಅಲ್ಲದೇ, ತಾಳ್ಮೆಯಿಂದ ಸಮಸ್ಯೆಗೆ ಪರಿಹಾರ ಹುಡುಕುವ ಸ್ವಭಾವ ಇವರದ್ದು.
ಕನ್ಯಾ ರಾಶಿ: ಕನ್ಯಾ ರಾಶಿಯವರು ಹಿಡಿದ ಕೆಲಸ ಮಾಡಿಯೇ ತೀರುತ್ತೇನೆ ಅನ್ನುವಂಥವರು. ಹಾಗಾಗಿ ಇವರನ್ನು ನೀವು ಮದುವೆಯಾದರೆ, ಬೇಡಾ ಅಂದರೂ, ಜೀವನದಲ್ಲಿ ಉದ್ಧಾರವಾಗುತ್ತೀರಿ. ಏಕೆಂದರೆ, ಇವರಿಗೆ ಜೀವನದಲ್ಲಿ ತಮ್ಮವರು ಮಾಡುವ ಉತ್ತಮ ಕೆಲಸಗಳಿಗೆ ಪ್ರೋತ್ಸಾಹ ನೀಡುವ ಸ್ವಭಾವವಿರುತ್ತದೆ.
ವೃಷಭ ರಾಶಿ: ವೃಷಭ ರಾಶಿಯವರು ತುಂಬಾ ತಾಳ್ಮೆ ಉಳ್ಳವರು. ಉತ್ತಮ ಮಾತುಗಾರರು. ಹಾಗಾಗಿ ಈ ರಾಶಿಯವರು ಸಂಬಂಧವನ್ನು ಚೆನ್ನಾಗಿ ನಿಭಾಯಿಸುವುದನ್ನು ಕಲಿತಿರುತ್ತಾರೆ. ಈ ಕಾರಣಕ್ಕೆ ಇವರ ದಾಂಪತ್ಯ ಜೀವನ ಚೆನ್ನಾಗಿರುತ್ತದೆ.
ಮೀನ ರಾಶಿ: ಮೀನ ರಾಶಿಯವರು ಭಾವನಾತ್ಮಕ ಜೀವಿಗಳು. ಅಲ್ಲದೇ, ತಮ್ಮದೇ ಆಲೋಚನೆಯಲ್ಲಿ ಇರುವವರು. ಸಹಾನೂಭೂತಿ ಉಳ್ಳವರು. ಹಾಗಾಗಿ ಈ ರಾಶಿಯವರು ತಮ್ಮವರಿಗೆ ಹೆಚ್ಚು ಪ್ರೀತಿ, ಕಾಳಜಿ ತೋರುತ್ತಾರೆ. ಈ ಕಾರಣಕ್ಕೆ ಮೀನ ರಾಶಿಯ ಹೆಣ್ಣು ಮಕ್ಕಳು ಉತ್ತಮ ಪತ್ನಿಯಾಗಬಲ್ಲರು.ಆದರೆ ಜಾತಕ ವಿಶ್ಲೇಷಣೆ ಅವಶ್ಯಕ
