Bigg Boss Kannada: ಬಿಗ್‌ಬಾಸ್ ಕನ್ನಡ ಸೀಸನ್ 11ನ ಸ್ಪರ್ಧಿಯಾಗಿದ್ದ ಜಗದೀಶ್ ಅವರನ್ನು ಏಕಾಏಕಿ ಮನೆಯಿಂದ ಆಚೆ ಹಾಕಲಾಗಿತ್ತು. ಅವರ ಮಾತು ಮಿತಿ ಮೀರಿದ್ದ ಕಾರಣ, ಬಿಗ್‌ಬಾಸ್ ಜಗದೀಶ್ ಅವರನ್ನು ಮನೆಯಿಂದ ಆಚೆ ಹೋಗುವಂತೆ ಆದೇಶಿಸಿದ್ದರು. ಇದರಿಂದ ಜಗದೀಶ್ ಫ್ಯಾನ್ಸ್ ಅಸಮಾಧಾನ ಹೊರಹಾಕಿದ್ದು, ಜಗದೀಶ್‌ರನ್ನು ವಾಪಸ್ ಕರೆಸಿಕೊಳ್ಳಿ. ಇಲ್ಲವಾದಲ್ಲಿ ನಾವು ಬಿಗ್‌ಬಾಸ್ ನೋಡುವುದಿಲ್ಲ ಎಂದು ಹೇಳಿದ್ದರು.
ಆದರೆ ರೂಲ್ಸ್ ಪ್ರಕಾರ ಜಗದೀಶ್ ಅವರನ್ನು ಮತ್ತೆ ಬಿಗ್‌ಬಾಸ್ ಮನೆಗೆ ಕರೆಸಲಾಗುವುದಿಲ್ಲ. ಹಾಗೇ ಕರೆಸಬೇಕು ಅಂದ್ರೆ, ಹುಚ್ಚ ವೆಂಕಟ್ ಅವರನ್ನೂ ಕರೆಸಬೇಕಾಗುತ್ತದೆ ಎಂದು ಹೇಳಲಾಗಿತ್ತು. ಆದರೆ ಇದೀಗ ಜಗದೀಶ್ ಮತ್ತೆ ಕಲರ್ಸ್ ಕನ್ನಡ ಶೋಗೆ ಮರಳಿ ಬರುತ್ತಿದ್ದು, ಇನ್ನೊಂದು ರಿಯಾಲಿಟಿ ಶೂ ಮೂಲಕ, ಕಲರ್ಸ್ ಕನ್ನಡಕ್ಕೆ ಜಗದೀಶ್ ರೀ ಎಂಟ್ರಿ ಕೊಟ್ಟಿದ್ದಾರೆ.
ಆ್ಯಾಂಕರ್‌ ಜಾನ್ಹವಿ ನಡೆಸಿಕೊಡುವ ಸವಿರುಚಿ ಕಾರ್ಯಕ್ರಮಕ್ಕೆ ಜಗದೀಶ್ ಅತಿಥಿಯಾಗಿ ಬಂದಿದ್ದಾರೆ. ಅಡುಗೆಯೂ ಮಾಡಿದ್ದಾರೆ. ಕರ್ನಾಟಕದ ಕ್ರಶ್ ಅಂತಲೇ ಫೇಮಸ್ ಆಗಿರುವ ಜಗದೀಶ್ ಅವರಿಗೆ ಜಾನ್ಹವಿ, ನಿಮಗೆ ಹಂಸ ಅವರ ಮೇಲೆ ಕ್ರಶ್ ಆಗಿತ್ತಾ ಎಂದು ಕೇಳಿದಾಗ, ಜಗದೀಶ್ ಮುಗುಳ್ನಕ್ಕಿದ್ದಾರೆ. ಈ ಮುಗುಳ್ನಗೆಯಲ್ಲೇ ಜನರಿಗೆ ಉತ್ತರ ಕೊಟ್ಟಿದ್ದಾರೆ.
