ಕನ್ನಡ ಚಿತ್ರರಂಗಕ್ಕೆ ಇದು ಅಸಲಿ ಗುಡ್ ನ್ಯೂಸ್ ಅಂದ್ರೆ..ಕಳೆದ ಎರಡು ವಾರಗಳಿಂದ ಇಡೀ ವಿಶ್ವದಾದ್ಯಂತ ಸದ್ದು ಮಾಡ್ತಿರೋ ಒನ್ ಅಂಡ್ ಒನ್ಲೀ ಕನ್ನಡದ ಸಿನಿಮಾ ಅದು “ಕೆಜಿಎಫ್-2”. ರಾಕಿಂಗ್ ಸ್ಟಾರ್ ಯಶ್ ಆಟಿಟ್ಯೂಡ್, ಸ್ಟೈಲ್, ಸ್ವಾಗ್, ಡೈಲಾಗ್ ಡೆಲಿವರಿಗೆ ಫಿದಾ ಆಗಿರೋ ಅಭಿಮಾನಿಗಳು ಆ ದೃಶ್ಯ ವೈಭವವನ್ನ ಮತ್ತೆ ಮತ್ತೆ ಕಣ್ತುಂಬಿಕೊಳ್ಳಲು ಥಿಯೇಟರ್‌ಗೆ ಲೆಕ್ಕವಿಲ್ಲದಷ್ಟು ಬಾರಿ ಹೋಗಿ ಸಿನಿಮಾ ನೋಡ್ತಿದ್ದಾರೆ. ಪ್ರಶಾಂತ್ ನೀಲ್ ಡೈರೆಕ್ಷನ್, ಭುವನ್ ಗೌಡ ಸಿನಿಮಾಟೋಗ್ರಫಿ, ರವಿ ಬಸ್ರೂರು ಬ್ಯಾಗ್ರೌಂಡ್ ಮ್ಯೂಸಿಕ್‌ಗೆ ಅಭಿಮಾನಿಗಳಂತೂ ಸಖತ್ ಇಷ್ಟ ಪಟ್ಟಿದ್ದಾರೆ.
ಹಿಂದಿ ಭಾಷೆಯಲ್ಲಿ ಎಲ್ಲಾ ಸಿನಿಮಾಗಳ ರೆಕಾರ್ಡ್ ಧೂಳಿಪಟ ಮಾಡಿರೋ ರಾಕಿಭಾಯ್, ಅಲ್ಲೂ ನಂ.1 ಸ್ಥಾನದಲ್ಲಿದೆ. ಅಷ್ಟೇ ಅಲ್ಲ ಆಂಧ್ರ, ತೆಲಂಗಾಣ ಸೇರಿದಂತೆ ಓವರ್‌ಸೀಸ್‌ನಲ್ಲಿ ಈಗಲೂ ಎಲ್ಲಾ ಶೋಗಳು ಹೌಸ್‌ಫುಲ್ ಆಗ್ತಿದೆ. ಈ ಮೂಲಕ ಕನ್ನಡ ಚಿತ್ರರಂಗದ ಮಾರುಕಟ್ಟೆಯನ್ನ ಎತ್ತರಕ್ಕೆ ತೆಗೆದುಕೊಂಡು ಹೋದ ಕೆಜಿಎಫ್-2 ಸಿನಿಮಾ ಈಗ ಅಭಿಮಾನಿಗಳಿಗೆ ಬಂಪರ್ ಸುದ್ದಿ ಕೊಟ್ಟಿದೆ.
ಇದುವರೆಗೂ ಎಲ್ಲರೂ ಕಾಯ್ತಿದ್ದ ಆ ಘಳಿಗೆಯೀಗ ಬಂದಿದ್ದು, ಭಾಕ್ಸಾಫೀಸ್‌ನಲ್ಲಿ 1000 ಕೋಟಿ ಗಳಿಸೋ ಮೂಲಕ ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ದಾಖಲೆಯನ್ನೇ ಬರೆದಿದೆ ಕೆಜಿಎಫ್-೨. ಓಟಿಟಿ ರೈಟ್ಸ್, ಸ್ಯಾಟಲೈಟ್ ರೈಟ್ಸ್, ಆಡಿಯೋ ರೈಟ್ಸ್ ಇವುಗಳೆಲ್ಲವನ್ನೂ ಸೇರಿಸಿದರೆ 2000 ಕೋಟಿ ಗಡಿಯನ್ನ ಈಗಾಗ್ಲೇ ದಾಟಿರೋದ್ರಲ್ಲಿ ಸಂಶಯವೇ ಇಲ್ಲ.
ಅಂದ್ಹಾಗೆ ಹಿಂದಿಯ ದಂಗಲ್, ಬಾಹುಬಲಿ-2, ಆರ್ ಆರ್ ಆರ್ ಸಿನಿಮಾಗಳ ಬಳಿಕ 15 ದಿನಗಳಲ್ಲೇ ಸಾವಿರ ಕೋಟಿ ಗಳಿಸಿರೋ ಹೆಗ್ಗಳಿಕೆಗೆ ಪತ್ರವಾಗಿರೋ 4ನೇಯ ಸಿನಿಮಾ ಈ ಕೆಜಿಎಫ್-2. ಒಟ್ಟಾರೆ ಕೆಜಿಎಫ್ ಸಿನಿಮಾ ರೆಕಾರ್ಡ್ಸ್ ಮೇಲೆ ರೆಕಾರ್ಡ್ಸ್ ಬರೀತಿದ್ದು, ವಿಶ್ವದೆಲ್ಲೆಡೆ ರಾಕಿಭಾಯ್ ಫ್ಯಾನ್ಸ್ 1000ಕೋಟಿ ಗಳಿಸಿರೋ ಸಂಭ್ರಮವನ್ನ ಕೇಕ್ ಕಟ್ ಮಾಡಿ ಸಂಭ್ರಮಿಸ್ತಿದ್ದಾರೆ.
ನಳಿನಾಕ್ಷಿ, ಕರ್ನಾಟಕ ಟಿವಿ
