ಇತ್ತೀಚೆಗೆ ಬ್ಲಾಕ್ ಬಸ್ಟರ್ ಹಿಟ್ ಆಗಿರುವ ಸಿನಿಮಾಗಳನ್ನ ರೀ ರಿಲೀಸ್ ಮಾಡುವ ಟ್ರೆಂಡ್ ಶುರುವಾಗಿದೆ. ರೀ ರಿಲೀಸ್ ಮಾಡುತ್ತಿರುವ ಸಾಲು ಸಾಲು ಸಿನಿಮಾಗಳ ನಡುವೆ ಇದೀಗ ಮತ್ತೊಂದು ಸಿನಿಮಾ ರೀ ರಿಲೀಸ್ ಆಗ್ತಿದೆ. ಯಾವುದಪ್ಪಾ ಆ ಸಿನಿಮಾ ಅಂದ್ರಾ..! ಯಸ್.. ಅದೇ ಟಾಲಿವುಡ್ ಮೆಗಾಸ್ಟಾರ್ ಚಿರಂಜೀವಿ ನಟನೆಯ ಬ್ಲಾಕ್ ಬಸ್ಟರ್ ಸಿನಿಮಾವಾದ ಇಂದ್ರ ಮರು ಬಿಡುಗಡೆಯಾಗ್ತಿದೆ.
ಯಸ್.. ಆಗಸ್ಟ್ 22ರಂದು ಚಿರಂಜೀವಿ ಹುಟ್ಟುಹಬ್ಬವಾಗಿದ್ದು, ಜುಲೈ 24,2002ರಲ್ಲಿ ತೆರೆಕಂಡ ಈ ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ಆಗಿತ್ತು. ಈ ಹಿನ್ನಲೆಯಲ್ಲಿ ಟಾಲಿವುಡ್ನಲ್ಲಿ ಹಿಟ್ ಆದ ಇಂದ್ರ ಸಿನಿಮಾವನ್ನ ಕರ್ನಾಟಕದಾದ್ಯಂತ ಮರು ಬಿಡುಗಡೆ ಮಾಡಲು ಸಿನಿ ತಂಡ ಸಜ್ಜಾಗಿದೆ.
ಬ್ಲಾಕ್ ಬಸ್ಟರ್ ಹಿಟ್ ಕಂಡ ಕಲ್ಕಿ 2898 AD ಗೆ ಹೆಸರುವಾಸಿಯಾದ ವೈಜಯಂತಿ ಮೂವೀಸ್ಗೆ ಗೋಲ್ಡನ್ ಇಯರ್ಸ್ ಆಗಿದ್ದು, ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಈ ಸಿನಿಮಾವನ್ನ ನಿರ್ಮಾಣ ಮಾಡಲಾಗಿತ್ತು. ಟಾಕ್ಸಿಕ್ ನಂತಹ ಪ್ಯಾನ್ ಇಂಡಿಯಾ ಚಿತ್ರಗಳಲ್ಲಿ ತೊಡಗಿಸಿಕೊಂಡಿರುವ ಕೆವಿಎನ್ ಪ್ರೊಡಕ್ಷನ್ ಈ ಸಿನಿಮಾವನ್ನ ಬಿಡುಗಡೆ ಮಾಡ್ತಿದೆ. ಇನ್ನು ಈ ಸಿನಿಮಾ ಟಾಲಿವುಡ್ನ ಹಿಟ್ ಸಿನಿಮಾಗಳ ಲಿಸ್ಟ್ಗಳಲ್ಲಿ ಒಂದಾಗಿದೆ. ಈ ಇಂದ್ರ ಸಿನಿಮಾ ಹಿಟ್ ಆದ ಬಳಿಕ, ಇದೇ ಹೆಸರಿನೊಂದಿಗೆ ಹಿಂದಿ, ಬೆಂಗಾಲಿ ಹಾಗೂ ಬಾಂಗ್ಲಾದೇಶದ ಬೆಂಗಾಲಿಯಲ್ಲಿಯೂ ಸಿನಿಮಾವನ್ನ ರೀಮೇಕ್ ಮಾಡಲಾಯಿತು. ದಿವಂಗತ ಆರತಿ ಅಗರ್ವಾಲ್ ಮತ್ತು ಸೋನಾಲಿ ಬೇಂದ್ರೆ ಚಿರಂಜೀವಿಗೆ ನಾಯಕಿಯರಾಗಿ ಕಾಣಿಸಿಕೊಂಡಿದ್ದಾರೆ.
ಇನ್ನು ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಅಶ್ವಿನಿ ದತ್ ನಿರ್ಮಿಸಿದ ಮತ್ತು ಬಿ. ಗೋಪಾಲ್ ಡೈರೆಕ್ಷನ್ನ ಇಂದ್ರ ಚಿತ್ರ 22 ನೇ ವಾರ್ಷಿಕೋತ್ಸವವನ್ನು ಆಚರಿಸ್ತಿದೆ. ಆಕ್ಷನ್, ಡ್ರಾಮಾ ಇರುವ ಈ ಚಿತ್ರದ ಟಿಕೆಟ್ ಬುಕಿಂಗ್ ಈಗಾಗಲೇ ಶುರುವಾಗಿದ್ದು, ಕೆಲವೇ ನಿಮಿಷಗಳಲ್ಲಿ ಶೋಗಳು ಸೋಲ್ಡ್ ಔಟ್ ಆಗಿವೆ.
ಶಿವಾಜಿ, ತೇಜ ಸಜ್ಜ, ಮುಖೇಶ್ ರಿಷಿ, ಪ್ರಕಾಶ್ ರಾಜ್, ತಣಿಕೆಲ್ಲ ಭರಣಿ, ಬ್ರಹ್ಮಾನಂದಂ, ಮತ್ತು ದಿವಂಗತ ಅಲ್ಲು ರಾಮಲಿಂಗಯ್ಯ, ದಿವಂಗತ ಎಂಎಸ್ ನಾರಾಯಣ ಸೇರಿದಂತೆ ಹಲವಾರು ನಟರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಚಿನ್ನಿ ಕೃಷ್ಣಕತೆ ಬರೆದಿದ್ದು, ಪರುಚೂರಿ ಬ್ರದರ್ಸ್ ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಶಿವ ಅಕುಲಾ ಬರೆದಿದ್ದಾರೆ. ಜೊತೆಗೆ ಈಗಾಗಲೇ ಮೊದಲು ಹೇಳಿರುವಂತೆ ಸಿ ಅಶ್ವಿನಿ ದತ್ ತಮ್ಮ ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ವಿ.ಎಸ್.ಆರ್.ಸ್ವಾಮಿ ಕ್ಯಾಮೆರಾ ಹಾಗೂ ಕೋಟಗಿರಿ ವೆಂಕಟೇಶ್ವರ ರಾವ್ ಸಂಕಲನಕಾರರಾಗಿ ಕೆಲಸ ಮಾಡಿದ್ದಾರೆ.\
*ಸ್ವಾತಿ.ಎಸ್.
