ಇಂಡಿಯನ್​ ಅಮೆರಿಕನ್ನರನ್ನ ಸೆಳೆಯುವ ಟ್ರಂಪ್​-ಮೋದಿ ವಿಡಿಯೋಗೆ ಭರ್ಜರಿ ವೀವ್ಸ್

‘ಮತ್ತೆ 4 ವರ್ಷ’ ಎಂಬ ಘೋಷಣೆಯಡಿಯಲ್ಲಿ ಅಮೆರಿಕದಾದ್ಯಂತ ಡೊನಾಲ್ಡ್​ ಟ್ರಂಪ್​ ಚುನಾವಣಾ ಱಲಿ ನಡೆಸುತ್ತಿದ್ದಾರೆ. ಇಂಡಿಯನ್​ ಅಮೆರಿಕನ್ಸ್ ಮತಗಳನ್ನ ಸೆಳೆಯೋಕೆ ಟ್ರಂಪ್​ ಪ್ರಧಾನಿ ಮೋದಿ ಹೆಸರನ್ನ ಬಳಸಿಕೊಳ್ತಾನೇ ಇದ್ದಾರೆ. ಅದೇ ರೀತಿ ಟ್ವಿಟರ್​ನಲ್ಲೂ ಸಹ ಮೋದಿ ಹಾಗೂ ಟ್ರಂಪ್​ ಜೊತೆ ಇರೋ ವಿಡಿಯೋ ಒಂದನ್ನ ಶೇರ್​ ಮಾಡಲಾಗಿದ್ದು ಇದನ್ನ 10 ಮಿಲಿಯನ್​ ಅಮೆರಿಕನ್ನರು ವೀಕ್ಷಣೆ ಮಾಡಿದ್ದಾರೆ.

ಟ್ರಂಪ್​​ರ ಸಹಾಯಕ ನಿರ್ದೇಶಕಿ ಕಿಮ್​ಬರ್ಲಿ ಗುಲಿಫೊಯ್ಲೆ ಕಳೆದ ತಿಂಗಳು ಮೋದಿ ಹಾಗೂ ಟ್ರಂಪ್​ ನಡೆದುಕೊಂಡು ಹೋಗ್ತಿದ್ದ ವಿಡಿಯೋವನ್ನ ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಿದ್ರು. ಈ ವಿಡಿಯೋ ಟ್ವಿಟರ್​ನಲ್ಲಿ ವೈರಲ್​ ಆಗಿರೋದು ಮಾತ್ರವಲ್ಲದೇ ಫೇಸ್​ಬುಕ್​, ಇನ್ಸ್​ಟಾಗ್ರಾಮ್​ ನಲ್ಲೂ ಹರಿದಾಡ್ತಿದೆ. ಇನ್ನು ಟ್ವಿಟರ್​​ನಲ್ಲಿ ಕಮೆಂಟ್​​ ಮಾಡಿರೋ ಟ್ರಂಪ್​ ಅಭಿಮಾನಿಗಳು ಭಾರತದ ಜೊತೆಗಿನ ಅಮೆರಿಕದ ಸ್ನೇಹ ಕಂಡು ಖುಷಿಯಾಗ್ತಿದೆ ಅಂತಾ ಬರೆದುಕೊಂಡಿದ್ದಾರೆ.