ಇಸ್ರೇಲ್​​ನಲ್ಲಿ ಎರಡನೇ ಬಾರಿಗೆ ಕಠಿಣ ಲಾಕ್​ಡೌನ್​ ಜಾರಿ

ಇಸ್ರೇಲ್​​ನಲ್ಲಿ ಕರೊನಾ ಮಹಾಮಾರಿ ಮಿತಿಮೀರುತ್ತಿರುವ ಹಿನ್ನೆಲೆ ಎರಡನೇ ಬಾರಿಗೆ ದೇಶಾದ್ಯಂತ ಕಠಿಣ ಲಾಕ್​ಡೌನ್​ ಜಾರಿ ಮಾಡಲಾಗಿದೆ. ಈ ಮೂಲಕ ಎರಡನೇ ಬಾರಿಗೆ ದೇಶಾದ್ಯಂತ ಕಠಿಣ ಲಾಕ್​ಡೌನ್​ ಜಾರಿ ಮಾಡಿದ ವಿಶ್ವದ ಮೊದಲ ದೇಶ ಇಸ್ರೇಲ್​ ಆಗಿದೆ.

ಇನ್ನು ಈ ವಿಚಾರವಾಗಿ ಪ್ರತಿಕ್ರಿಯಿಸಿದ ಇಸ್ರೆಲ್​ ಪ್ರಧಾನಿ ಬೆಂಜಮಿನ್​ ನೆತನ್ಯಾಹು, ಸೆಪ್ಟೆಂಬರ್​ 18ರ ಮಧ್ಯಾಹ್ನ 2 ಗಂಟೆಯಿಂದ ಲಾಕ್​ಡೌನ್​ ಜಾರಿಗೆ ಬರಲಿದೆ. ಹಾಗೂ ದೇಶದಲ್ಲಿ ಮೂರು ವಾರಗಳ ಕಾಲ ಈ ಲಾಕ್​ಡೌನ್​ ಇರಲಿದೆ ಅಂತಾ ಹೇಳಿದ್ರು.

ಸರ್ಕಾರದ ಈ ನಿರ್ಧಾರ ನಿಮಗೆ ಭಾರವಾಗಬಹುದು ಎಂದು ನನಗೆ ತಿಳಿದಿದೆ. ಆದರೂ ದೇಶದ ಹಿತದೃಷ್ಟಿಯಿಂದ ಈ ಲಾಕ್​ಡೌನ್​ ಅನಿವಾರ್ಯ ಅಂತ ತಡರಾತ್ರಿ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದ್ರು.
ಇಸ್ರೇಲ್​​ನಲ್ಲಿ ಪ್ರಸ್ತುತ ದಿನಕ್ಕೆ 3000 ಕರೊನಾ ಕೇಸ್​​​ಗಳು ದಾಖಲಾಗ್ತಿವೆ. ಇಸ್ರೇಲ್​ನಲ್ಲಿ ಒಂದೂವರೆ ಲಕ್ಷಕ್ಕೂ ಅಧಿಕ ಕರೊನಾ ಕೇಸ್​​ಗಳಿದ್ದು ಈವರೆಗೆ 1119 ಮಂದಿ ಕರೊನಾದಿಂದ ಸಾವನ್ನಪ್ಪಿದ್ದಾರೆ.