ಇನ್ನು ಕೆಲ ತಿಂಗಳಲ್ಲೇ ಬೇಸಿಗೆ ಶುರುವಾಗಲಿದೆ. ಬಿಸಿಲಿನ ಬೇಗೆ ತಡೆದುಕೊಳ್ಳೋಕ್ಕೆ ನಾವು ರೆಡಿಯಾಗ್ಬೇಕು. ಅಂದ್ರೆ ನಾವು ಈಗಿಂದಾನೆ ನಮ್ಮ ಆಹಾರದ ಲೀಸ್ಟ್ ರೆಡಿ ಮಾಡಬೇಕು. ಯಾವ ಆಹಾರಾನಾ ಬೇಸಿಗೆಯಲ್ಲಿ ತಿನ್ಬೇಕು. ಯಾವುದನ್ನ ಅವೈಡ್ ಮಾಡ್ಬೇಕು ಅನ್ನೋ ಬಗ್ಗೆ ನಮಗೆ ಗೊತ್ತಿರಬೇಕು. ಅದರಲ್ಲೂ ಒಂದು ತರಕಾರಿಯನ್ನ ನೀವು ಪ್ರತಿದಿನ ಸ್ವಲ್ಪನಾದ್ರೂ ತಿನ್ನಲೇಬೇಕು. ಯಾವುದು ಆ ತರಕಾರಿ ಅನ್ನೋ ಬಗ್ಗೆ ತಿಳಿಯೋಣ..
ಬೇಸಿಗೆಯಲ್ಲಿ ತಪ್ಪದೇ ತಿನ್ನಬೇಕಾದ ತರಕಾರಿ ಅಂದ್ರೆ ಸೌತೇಕಾಯಿ. ಬೇಸಿಗೆಯಲ್ಲಿ ಪ್ರತಿದಿನ ಸ್ವಲ್ಪವಾದ್ರೂ ಸೌತೇಕಾಯಿಯನ್ನ ನಾವು ತಿನ್ನಬೇಕು. ಬೇಸಿಗೆಯಲ್ಲಿ ಬೆವರು ಹೋಗುವ ಕಾರಣಕ್ಕೆ ನಮ್ಮ ದೇಹದಲ್ಲಿ ನೀರಿನ ಅಂಶ ಕಡಿಮೆಯಾಗುತ್ತದೆ. ಆದ್ದರಿಂದಲೇ ನಾವು ಹೆಚ್ಚು ನೀರು ಕುಡಿಯಬೇಕಾಗುತ್ತದೆ. ನೀರಿನಂಶವುಳ್ಳ ಹಣ್ಣು ತರಕಾರಿ ತಿನ್ನಬೇಕಾಗುತ್ತದೆ. ಆದ್ದರಿಂದಲೇ ನಾವು ಹೆಚ್ಚು ನೀರಿನಂಶವುಳ್ಳ ಸೌತೇಕಾಯಿಯನ್ನ ತಿನ್ನಬೇಕು.
ಡಯಟ್ ಮಾಡುವವರು, ಸೌಂದರ್ಯದ ಕಾಳಜಿವಹಿಸುವವರು ಪ್ರತಿದಿನ ತಮ್ಮ ಸಲಾಡ್‌ನಲ್ಲಿ ಸೌತೇಕಾಯಿಯನ್ನು ತಪ್ಪದೇ ಸೇರಿಸುತ್ತಾರೆ. ನೀವೂ ಕೂಡ ಡಯಟ್ ಮಾಡುತ್ತಿದ್ದೀರಿ, ನಿಮ್ಮ ತೂಕವನ್ನು ಇಳಿಸಲು ಪ್ರಯತ್ನಿಸುತ್ತಿದ್ದೀರಿ ಅಂದ್ರೆ ಪ್ರತಿದಿನ ಸೌತೇಕಾಯಿ ತಿನ್ನಿ. ಇಷ್ಟೇ ಅಲ್ಲದೇ ಸೌತೇಕಾಯಿಯ ಸೇವನೆಯಿಂದ ನಮ್ಮ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ರೋಗ ನಿರೋಧಕ ಶಕ್ತಿ ಹೆಚ್ಚಾದಂತೆ ನಾವು ಆರೋಗ್ಯವಾಗಿರುತ್ತೇವೆ. ಆದ್ರೆ ನೆನಪಿರಲಿ ನೀವು ಯಾವುದೇ ಹಣ್ಣು ತರಕಾರಿ ತಿನ್ನುವಾಗ ಅದನ್ನ ನೀರಿನಲ್ಲಿ ಚೆನ್ನಾಗಿ ತೊಳೆದು ತಿನ್ನಿ..
ಇನ್ನು ಪ್ರತಿದಿನ ಸೌತೇಕಾಯಿ ತಿನ್ನುವುದರಿಂದ ನಿಮ್ಮ ಮೂಳೆಯೂ ಗಟ್ಟಿಗೊಳ್ಳುತ್ತದೆ. ನಿಮ್ಮ ಸೌಂದರ್ಯ ವೃದ್ಧಿಯಾಗುತ್ತದೆ. ನಿಮ್ಮ ತ್ವಚೆಯು ಸಾಫ್ಟ್ ಆಗುತ್ತದೆ. ನಿಮ್ಮ ಮುಖದ ಮೇಲೆ ಮೊಡವೆಗಳಾಗುತ್ತಿದ್ದಲ್ಲಿ, ತಲೆ ಕೂದಲು ಹೆಚ್ಚು ಉದುರುತ್ತಿದ್ದಲ್ಲಿ ನೀವು ಸೌತೇಕಾಯಿ ತಿನ್ನಿ..
