Horoscope: ದೇವರ ದಯೆ ಸಿಗಬೇಕು ಅಂದ್ರೆ ನಮ್ಮ ಲಕ್ ಚೆನ್ನಾಗಿರಬೇಕು. ಅದರಲ್ಲೂ ಸದಾಕಾಲ ದೇವರ ದಯೆ ಸಿಗಬೇಕು ಅಂದ್ರೆ, ಲಕ್ ಜೊತೆಗೆ ನಮ್ಮ ಗುಣವೂ ಚೆನ್ನಾಗಿರಬೇಕು. ಹೊಟ್ಟೆಕಿಚ್ಚು, ಕ್ರೂರತನ, ಸ್ವಾರ್ಥ, ದುರಾಸೆ ಇವೆಲ್ಲವೂ ಇಲ್ಲದೇ ಬದುಕಬೇಕು. ಹಾಗಾದ್ರೆ ಯಾವ ರಾಶಿಯ ಮೇಲೆ ಸದಾ ಕಾಲ ದೇವರ ದಯೆ ಇರುತ್ತದೆ ಅಂತಾ ತಿಳಿಯೋಣ ಬನ್ನಿ..
ಕಟಕ: ಕಟಕ ರಾಶಿಯವರ ಮೇಲೆ ಸದಾ ದೇವರ ಅನುಗ್ರಹವಿರುತ್ತದೆ. ಆಧ್ಯಾತ್ಮಿಕದ ಬಗ್ಗೆ ಹೆಚ್ಚು ಒಲವು ಹೊಂದಿರುವ ಇವರು, ಪೂಜೆ ಪುನಸ್ಕಾರದಲ್ಲಿ ಹೆಚ್ಚು ಭಾಗಿಯಾಗುತ್ತಾರೆ. ಕೆಟ್ಟ ಯೋಚನೆ, ಕೆಟ್ಟ ಕೆಲಸ ಮಾಡಲು ಹಿಂದೇಟು ಹಾಕುವ ಇವರು, ದೇವರು ಎಲ್ಲವನ್ನೂ ನೋಡುತ್ತಿದ್ದಾರೆಂದು ಎಚ್ಚರದ ಹೆಜ್ಜೆಯನ್ನಿಡುತ್ತಾರೆ. ಈ ಕಾರಣಕ್ಕಾಗಿಯೇ ಇವರ ಮೇಲೆ ದೇವರ ಅನುಗ್ರಹ ಸದಾ ಇರುತ್ತದೆ.
ವೃಶ್ಚಿಕ: ವೃಶ್ಚಿಕ ರಾಶಿಯವರ ಮೇಲೆ ಸದಾ ದೇವರ ದಯೆ ಇರುತ್ತದೆ. ಏಕೆಂದರೆ, ವೃಶ್ಚಿಕ ರಾಶಿಯವರು ಸದಾ ನ್ಯಾಯದ ಹಾದಿಯಲ್ಲೇ ಸಾಗುತ್ತಾರೆ. ಹಣ ಸಂಪಾದಿಸುವುದು, ಜೀವನ ಮಾಡುವುದೆಲ್ಲವೂ ನ್ಯಾಯದ ಹಾದಿಯಲ್ಲೇ ಆಗಿರುತ್ತದೆ. ಇವರಿಗೆ ಕೋಪ ಹೆಚ್ಚಿದ್ದರೂ. ಇನ್ನೊಬ್ಬರಿಗೆ ಮೋಸ ಮಾಡುವ ಗುಣ ಇರುವುದಿಲ್ಲ. ಅಲ್ಲದೇ, ದೇವರಲ್ಲಿ ಹೆಚ್ಚು ಭಕ್ತಿ ಮಾಡುವ ಕಾರಣ, ಕರ್ಮದಲ್ಲಿ ನಂಬಿಕೆ ಇಡುವ ಕಾರಣ, ಇವರ ಮೇಲೆ ಸದಾ ದೇವರ ದಯೆ ಇರುತ್ತದೆ.
ಧನು: ಧನು ರಾಶಿಯವರ ಮೇಲೆ ಸದಾ ದೇವರ ಆಶೀರ್ವಾದವಿರುತ್ತದೆ. ಧನು ರಾಶಿಯವರು ದೇವರಲ್ಲಿ ಹೆಚ್ಚು ನಂಬಿಕೆ ಇಡುತ್ತಾರೆ. ಮತ್ತು ತಮ್ಮ ಪ್ರಯತ್ನವನ್ನು ಕೂಡ ತಾವು ಮಾಡುತ್ತಾರೆ. ಸದಾ ಒಂಟಿಯಾಗಿರಲು, ಸಾಹಸಿಯಾಗಿರಲು, ಹೊಸ ಹೊಸ ಅನ್ವೇಷಣೆ ಮಾಡಲು ಇಷ್ಟಪಡುವ ಈ ರಾಶಿಯವರು, ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡಲು, ಸದಾ ಮುಂದಿರುತ್ತಾರೆ. ಹಾಗಾಗಿ ಧನು ರಾಶಿಯವರ ಮೇಲೆ ಸದಾ ದೇವರ ದಯೆ ಇರುತ್ತದೆ.
ಮೀನ: ಮೀನ ರಾಶಿಯವರ ಮೇಲೆ ಸದಾ ದೇವರ ದಯೆ ಇರುತ್ತದೆ. ಮೀನ ರಾಶಿಯವರು ಮೌನ ಸ್ವಭಾವದವರು. ಇವರಿಗೆ ಯಾರಾದರೂ ಬೈದರೆ, ಅವರನ್ನು ದೇವರೇ ನೋಡಿಕೊಳ್ಳಲಿ ಎಂದು, ತಮ್ಮಷ್ಟಕ್ಕೆ ತಾವಿರುತ್ತಾರೆ. ಅವರ ಈ ಗುಣವೇ, ಅವರನ್ನು ಸದಾಕಾಲ ಕಾಪಾಡುತ್ತದೆ. ಅಲ್ಲದೇ ಇವರಿಗೆ ದೇವರಲ್ಲಿ ಹೆಚ್ಚು ಭಕ್ತಿಯೂ ಇರುತ್ತದೆ.
