National Political News: ಭಾರತ್ ಜೋಡೋ ನ್ಯಾಾಯ ಯಾತ್ರೆಯಲ್ಲಿ ಪ್ರಚಾರ ನಡೆಸುವಲ್ಲಿ ಫುಲ್ ಬ್ಯುಸಿಯಾಗಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ವಿರುದ್ಧ ಬಾಲಿವುಡ್ ಸೆಲೆಬ್ರಿಟಿಗಳು ಕಿಡಿಕಾರಿದ್ದಾರೆ.
ರಾಹುಲ್ ಗಾಂಧಿ ನ್ಯಾಯ ಯಾತ್ರೆಗೂ ಬಾಲಿವುಡ್ ಸೆಲೆಬ್ರಿಟಿಗಳು ರರಾಹುಲ್ ವಿರುದ್ಧ ಕಿಡಿಕಾರುವುದಕ್ಕೂ ಸಂಬಂಧವೇನು ಅನ್ನೋದು ನಿಮ್ಮ ಪ್ರಶ್ನೆಯಾದರೆ, ರಾಹುಲ್ ಗಾಂಧಿ, ಭಾರತ್ ಜೋಡೋ ನ್ಯಾಯ ಯಾತ್ರೆ ವೇಳೆ ಪದೇ ಪದೇ ನಟ ಅಮಿತಾಬಚ್ಚನ್ ಮತ್ತು ನಟಿ ಐಶ್ವರ್ಯಾ ರೈ ಹೆಸರು ಹೇಳಿ ಹೇಳಿ, ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಈ ಕಾರಣಕ್ಕೆ ರಾಹುಲ್ ವಿರುದ್ಧ ಬಾಲಿವುಡ್‌ನ ಕೆಲ ಸೆಲೆಬ್ರಿಟಿಗಳು ಕಿಡಿಕಾರಿದ್ದಾರೆ.
ರಾಮಮಂದಿರ ಉದ್ಘಾಟನೆ ವೇಳೆ ನಿಮಗೆ ಜನಸಾಮಾನ್ಯರು ಯಾರಾದೂ ಕಂಡರೇ..? ಅಲ್ಲಿ ಅಮಿತಾ ಬಚ್ಚನ್, ಐಶ್ವರ್ಯಾ ರೈ, ಪ್ರಧಾನಿ ಮೋದಿ ಕಂಡರೂ, ಈ ಸಮಾಜಕ್ಕೆ ಒಳಿತನ್ನು ಬಯಸುವ ಜನಸಾಮಾನ್ಯ ಕಂಡನೇ ಎಂದು ರಾಹುಲ್ ಗಾಂಧಿ ಪ್ರಶ್ನಿಸಿದ್ದರು.
ಇನ್ನೊಂದು ಬಾರಿ ಇದೇ ಮಾತು ಆಡುವಾಗ, ನಾಚನೇವಾಲಿ ಐಶ್ವರ್ಯಾ ರೈ ಎಂದು ಹೇಳಿದ್ದರು. ಅಂದರೆ ಕುಣಿಯುವ ನಟಿ ಎಂದು, ಐಶ್ವರ್ಯಾ ರೈ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದ್ದರು. ಈ ಬಗ್ಗೆ ಆಕ್ರೋಶ ಹೊರಹಾಕಿರುವ ಗಾಯಕಿ, ಸೋನಾ ಮೋಹಪತ್ರ, ಐಶ್ವರ್ಯಾ ರೈ ಬಗ್ಗೆ ತೀರಾ ಕೆಳಮಟ್ಟದ ಪದ ಬಳಸಬೇಕೆಂದೇನಿಲ್ಲ. ಅವರು ಅತ್ಯುತ್ತವಾಗಿ ನೃತ್ಯ ಮಾಡುತ್ತಾರೆ. ರಾಜಕಾರಣಿಗಳು ಹೆಣ್ಣಿನ ಬಗ್ಗೆ ಕೀಳು ಮಟ್ಟದ ಪದ ಬಳಸುವುದೇಕೆ.? ನಿಮ್ಮ ತಾಯಿ, ತಂಗಿ ಬಗ್ಗೆ ಈ ರೀತಿ ಯಾರಾದರೂ ಮಾತನಾಡಿದರೆ, ನೀವು ಸುಮ್ಮನಿರುತ್ತೀರೇ ಎಂದು ಗಾಯಕಿ ಪ್ರಶ್ನಿಸಿದ್ದಾರೆ.
ಇಷ್ಟೇ ಅಲ್ಲದೇ, ಹಲವು ಸೆಲೆಬ್ರಿಟಿಗಳು ಮತ್ತು ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರು, ರಾಹುಲ್ ಗಾಂಧಿಯ ಈ ವರ್ತನೆಗೆ ಕಿಡಿಕಾರಿದ್ದಾರೆ.
ರಾಜ್ಯದಲ್ಲಿ ಹುಕ್ಕಾಬಾರ್ ನಿಷೇಧ, ಸಿಗರೇಟ್‌ ನಿಷೇಧ ವಯೋಮಿತಿ ಹೆಚ್ಚಳ: ಸಚಿವ ಗುಂಡೂರಾವ್
