Horoscope: ನಿಮಗೆ ಯಾರಾದರೂ ಸ್ನೇಹಿತರು, ಹಿತೈಷಿಗಳು ಸಿಕ್ಕರೆ ನೀವು ಅವರ ರಾಶಿ ಯಾವುದೆಂದು ಕೇಳಿ. ಅವರಲ್ಲಿ ನಾವು ಹೇಳುವ ರಾಶಿಯವರು ಇದ್ದರೆ, ಖಂಡಿತ ಅವರೊಂದಿಗೆ ಚೆನ್ನಾಗಿ ನಡೆದುಕೊಳ್ಳಿ. ಯಾಕಂದ್ರೆ, ಈ ರಾಶಿಯವರು ಸಹಾಯ ಮಾಡಲು ಸದಾ ಮುಂದಿರುತ್ತಾರೆ. ಅದೇ ರೀತಿ ಇಂಥವರೊಂದಿಗೆ ಸಹಾಯ ಪಡೆದ ಬಳಿಕವೂ, ಉತ್ತಮ ರೀತಿಯಲ್ಲಿದ್ದರೆ, ತುಂಬಾ ಒಳ್ಳೆಯದು. ಹಾಗಾದ್ರೆ ಯಾವುದು ಆ ರಾಶಿ ಅಂತಾ ತಿಳಿಯೋಣ ಬನ್ನಿ..
ಕರ್ಕಾಟಕ ರಾಶಿ: ಕರ್ಕ ರಾಶಿಯವರು ಸಹಾಯ ಮಾಡುವುದರಲ್ಲಿ ಸದಾ ಮುಂದೆ. ಅವರ ಬಳಿ ಸಹಾಯ ಮಾಡುವಷ್ಟು ಸಮಯ, ಅಗತ್ಯ ವಸ್ತು ಅಥವಾ ದುಡ್ಡು ಇದ್ದಲ್ಲಿ, ಖಂಡಿತವಾಗಿಯೂ ಅವರು ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡುತ್ತಾರೆ. ಜೊತೆಗೆ ಸಹಾಯ ಮಾಡಲು ಸಾಧ್ಯವಿಲ್ಲ ಎಂದಲ್ಲಿ ಮಾತ್ರ, ಅಥವಾ ಪ್ರಯತ್ನಿಸಿದರೂ ಸಹಾಯ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದಲ್ಲಿ ಮಾತ್ರ, ಸಹಾಯ ಮಾಡಲು ಹಿಂಜರಿಯುತ್ತಾರೆ.
ಮಿಥುನ ರಾಶಿ: ಮಿಥುನ ರಾಶಿಯವರು ಮನುಷ್ಯತ್ವದ ಗುಣ ಹೊಂದಿದವರು. ಯಾರಾದರೂ ಕಷ್ಟದಲ್ಲಿ ಇದ್ದರೆ, ಒಮ್ಮೊಮ್ಮೆ ಕೇಳದೆಯೂ ಸಹಾಯ ಮಾಡಿಬಿಡುತ್ತಾರೆ. ಆದರೆ ಇವರು ಹಲವು ಬಾರಿ ಸಹಾಯ ಮಾಡಿಯೇ ಪೇಚಿಗೆ ಸಿಲುಕಿಕೊಳ್ಳುತ್ತಾರೆ. ಸಹಾಯ ಮಾಡಿದ ಬಳಿಕ, ಸುಮ್ಮನಿದ್ದರೆ ಒಳ್ಳೆಯದಿತ್ತು ಎಂದು ಇವರಿಗೆ ಅನ್ನಿಸುತ್ತದೆ.
ತುಲಾ ರಾಶಿ: ತುಲಾ ರಾಶಿಯವರು ಕಷ್ಟದಲ್ಲಿ ಇರುವವರಿಗೆ ತಮ್ಮಿಂದ ಆದಷ್ಟು ಸಹಾಯ ಮಾಡುತ್ತಾರೆ. ಅದರಲ್ಲೂ ಇಬ್ಬರ ಮಧ್ಯೆ ಜಗಳವಾದಾಗ, ಮಧ್ಯಸ್ಥಿಕೆ ವಹಿಸಿ, ಆ ಜಗಳ ಸರಿಪಡಿಸುವಲ್ಲಿ ತುಲಾ ರಾಶಿಯವರು ನಿಸ್ಸೀಮರು. ಹಾಗಾಗಿ ಹಲವರು ತಮ್ಮ ಸಮಸ್ಯೆಯನ್ನು ಹೆಚ್ಚಾಗಿ ತುಲಾ ರಾಶಿಯ ಜನರಲ್ಲೇ ಹೇಳಿಕೊಳ್ಳುತ್ತಾರೆ.
ಮೀನ ರಾಶಿ: ಮೀನ ರಾಶಿಯವರು ಶಾಂತ ಸ್ವಭಾವದವರು. ಜೊತೆಗೆ ಸೇವಾ ಮನೋಭಾವ ಹೊಂದಿದವರು. ಇವರನ್ನು ಯಾರೂ ಬೇಕಾದ್ರೂ ಈಸಿಯಾಗಿ ಮೋಸ ಮಾಡಬಹುದು. ಯಾಕಂದ್ರೆ ಇವರು ಯಾರೇ ಕಷ್ಟದಲ್ಲಿ ಇದ್ದರೂ, ಅವರಿಗೆ ಸಹಾಯ ಮಾಡಲು ತಕ್ಷಣ ಮುಂದೆ ಹೋಗುತ್ತಾರೆ.
