Spiritual: ಕೆಲವರು ಜೀವನದಲ್ಲಿ ಉದ್ಧಾರವಾಗಿಲ್ಲವೆಂದು ಇತರರ ಮೇಲೆ ದೂರು ಹಾಕುತ್ತಾರೆ. ಅವರು ಹಾಗೆ ಮಾಡಿದ್ದರಿಂದಲೇ ನಾನು ಜೀವನದಲ್ಲಿ ಮುಂಬರಲು ಸಾಧ್ಯವಾಗಿಲ್ಲ. ಉದ್ಧಾರವಾಗಲು ಸಾಧ್ಯವಾಗಿಲ್ಲ ಎಂದು ದೂರುತ್ತಾರೆ. ಆದರೆ ನಮಗಿರುವ ಕೆಲ ಅಭ್ಯಾಸಗಳೇ ನಮ್ಮ ಯಶಸ್ಸನ್ನು ತಡೆಯುತ್ತದೆ. ಹಾಗಾದ್ರೆ ಆ ಅಭ್ಯಾಸಗಳು ಯಾವುದು ಅಂತಾ ತಿಳಿಯೋಣ ಬನ್ನಿ.
ಸ್ವಚ್ಛತೆ ಇಲ್ಲದೇ ಬದುಕುವುದು: ನಾವಿರುವ ಜಾಗವನ್ನು ನಾವು ಸ್ವಚ್ಛವಾಗಿರಿಸಬೇಕು. ತಕ್ಕಮಟ್ಟಿಗಾದರೂ ಕ್ಲೀನ್ ಆಗಿರಿಸಬೇಕು. ಅಲ್ಲದೇ, ನಾವು ಪ್ರತಿದಿನ ಸ್ನಾನ ಮಾಡಬೇಕು. ಹಲ್ಲುಜ್ಜಬೇಕು. ಸ್ವಚ್ಛವಾದ ವಸ್ತ್ರ ಧರಿಸಬೇಕು. ಇಲ್ಲವಾದಲ್ಲಿ ಆ ಗಲೀಜಿನಿಂದ ನಮ್ಮ ಆರೋಗ್ಯ ಹಾಳಾಗುತ್ತದೆ. ಆರೋಗ್ಯ ಹಾಳಾದಲ್ಲಿ ನಾವು ಯಾವ ಕೆಲಸವನ್ನೂ ಮಾಡಲು ಸಾಧ್ಯವಿಲ್ಲ. ಹಾಗಾಗಿ ನಮ್ಮ ಸುತ್ತಮುತ್ತಲಿನ ಜಾಗ ಮತ್ತು ನಮ್ಮನ್ನು ನಾವು ಸ್ವಚ್ಚವಾಗಿರಿಸಬೇಕು.
ಕಾಮಕ್ಕೆ ಹೆಚ್ಚಿನ ಮಹತ್ವ ನೀಡುವುದು: ನಮ್ಮ ಇಂದ್ರಿಯಗಳನ್ನು ನಾವು ಕಂಟ್ರೋಲಿನಲ್ಲಿರಿಸಬೇಕು. ಆಗಲೇ ನಾವು ಜೀವನದಲ್ಲಿ ಯಶಸ್ಸು ಕಾಣಲು ಸಾಧ್ಯ. ಅದರಲ್ಲೂ ಕಾಮವನ್ನು ಹದ್ದುಬಸ್ತಿನಲ್ಲಿರಿಸದರೆ, ಜೀವನದಲ್ಲಿ ನಾವು ಅಭಿವೃದ್ಧಿಯಾಗಬಹುದು. ಕಾಮವೇ ಹೆಚ್ಚು ಎಂದಾದರೆ, ನೀವು ಜೀವನದಲ್ಲಿ ಎಂದಿಗೂ ಉದ್ಧಾರವಾಗಲು ಸಾಧ್ಯವಿಲ್ಲ.
ಗುರಿಯೆಡೆಗೆ ಗಮನವಿಲ್ಲದಿರುವುದು: ನಾವು ಯಾವ ಕೆಲಸದಲ್ಲಿ ಯಶಸ್ಸು ಗಳಿಸಬೇಕು ಎಂದು ನಿರ್ಧರಿಸಿದ್ದೇವೋ, ಆ ಕೆಲಸದಲ್ಲಿ ನಮಗೆ ಗಮನವಿರಬೇಕು. ಅದನ್ನು ಬಿಟ್ಟು ಉಳಿದ ವಿಷಯದಲ್ಲಿ, ಅಂದರೆ ಇತರರ ವಿಷಯದಲ್ಲೇ ಹೆಚ್ಚು ಗಮನ ಹರಿಸಿದರೆ, ನಾವು ಜೀವನದಲ್ಲಿ ಮುಂದೆ ಬರಲು ಸಾಧ್ಯವಿಲ್ಲ.
ಕೋಪ ಮತ್ತು ಅಸೂಯೆ ಗುಣ: ನಮಗೆ ಮಾತು ಮಾತಿಗೆ ಕೋಪ ಬರುವಂತಿದ್ದರೆ, ಮತ್ತು ನಾವು ಇತರರ ಯಶಸ್ಸನ್ನು ಕಂಡು ಅಸೂಯೆ ಪಡುವವರಾಗಿದ್ದರೆ, ನಾವು ಸದಾಕಾಲ ಮೂಲೆಗುಂಪಾಗಿಯೇ ಉಳಿಯುತ್ತೇವೆ. ನಮ್ಮನ್ನು ಯಾರೂ ಇಷ್ಟಪಡುವುದಿಲ್ಲ. ಸಂಬಂಧ, ಸ್ನೇಹದಿಂದಿರಲು ಇಚ್ಛಿಸುವುದಿಲ್ಲ. ಹಾಗಾಗಿ ಇತರರನ್ನೂ ಬೆಂಬಲಿಸುವುದು ಮತ್ತು ತಾಳ್ಮೆಯಿಂದಿರುವ ಗುಣ ನಮ್ಮಲ್ಲಿರುವುದು ಉತ್ತಮ.
About The Author
