Movie News: ದೇಶದೆಲ್ಲೆಡೆ ದೀಪಾವಳಿ ಹಬ್ಬವನ್ನು ಸಂಭ್ರಮ ಸಡಗರದಿಂದ ಆಚರಿಸಲಾಗುತ್ತಿದೆ. ನಟಿ ರಶ್ಮಿಕಾ ಮಂದಣ್ಣ ಕೂಡ ಈ ಬಾರಿ ದೀಪಾವಳಿಯನ್ನು ಭರ್ಜರಿಯಾಗಿ ಆಚರಿಸಿದ್ದಾರೆ. ಆದರೆ ವಿಶೇಷ ಅಂದ್ರೆ ರಶ್ಮಿಕಾಾ ದೀಪಾವಳಿ ಆಚರಿಸಿದ್ದು, ನಟ ವಿಜಯ್ ದೇವರಕೊಂಡ ಮನೆಯಲ್ಲಿ.
ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ನಡುವೆ ಕುಚ್ ಕುಚ್ ಹೈ ಅಂತಾ ಜನ ಮಾತನಾಡಿಕೊಳ್ಳುತ್ತಿರಬೇಕಾದ್ರೆ, ರಶ್ಮಿಕಾ ಮತ್ತು ವಿಜಯ್ ದೇವರಕೊಂಡ ಮಾಲ್ಡೀವ್ಸ್‌ಗೆ ಹೋಗಿ ಬಂದ್ರು ಅನ್ನೋದು ಫೋಟೋ ಸಮೇತ ಪ್ರೂವ್ ಆಗಿದ್ರು. ಆದರೆ ರಶ್ಮಿಕಾ ಯಾಾವತ್ತೂ ವಿಜಯ್ ನನ್ನ ಬೆಸ್ಟ್ ಫ್ರೆಂಡ್ ಅಷ್ಟೇ ಅಂತಾನೇ ಹೇಳ್ತಿದ್ದಾರೆ.
ಈ ಮೊದಲು ರಶ್ಮಿಕಾ ಬರ್ತ್‌ಡೇ ಸಂದರ್ಭದಲ್ಲಿ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಲೈವ್ ಬಂದಾಗ, ವಿಜಯ್ ಧ್ವನಿ ಕೇಳಿತ್ತು. ಆದರೂ ರಶ್ಮಿಕಾ ಆ ಬಗ್ಗೆ ಮಾತನಾಡಿರಲಿಲ್ಲ. ಆದರೆ ಇದೀಗ ರಶ್ಮಿಕಾ ತಾನು ವಿಜಯ ದೇವರಕೊಂಡ ಅವರ ಮನೆಯಲ್ಲಿ ದೀಪಾವಳಿ ಆಚರಿಸಿದ್ದಾರೆ. ಅಲ್ಲದೇ, ಹಲವು ಫೋಟೋಗಳಿಗೆ ರಶ್ಮಿಕಾ ಪೋಸ್ ಕೊಟ್ಟಿದ್ದು, ಫೋಟೋ ಕ್ರೆಡಿಟ್ ಆನಂದ್ ದೇವರಕೊಂಡ ಅವರಿಗೆ ಕೊಟ್ಟಿದ್ದಾರೆ.
ರಶ್ಮಿಕಾ ಮತ್ತು ವಿಜಯ್ ದೇವರಕೊಂಡ ಇಬ್ಬರೂ ಒಟ್ಟಿಗೆ ಫೋಟೋಗೆ ಪೋಸ್ ಕೊಡದಿದ್ದರೂ ಕೂಡ, ರಶ್ಮಿಕಾ ಪೋಸ್ ಕೊಟ್ಟಿರುವ ಫೋಟೋದಲ್ಲಿರುವ ಮನೆ, ದೇವರಕೊಂಡ ಅವರದ್ದೇ ಅಂತಾ ಕನ್ಫರ್ಮ್ ಆಗಿ ಹೇಳಬಹುದು.
