ಸೋಶಿಯಲ್ ಮೀಡಿಯಾದಲ್ಲಿ ಕನ್ನಡ ಹಾಡುಗಳಿಗೆ, ಡೈಲಾಗ್ಸ್ಗಳಿಗೆ ರೀಲ್ಸ್ ಮಾಡಿ, ಸಖತ್ ಫೇಮಸ್ ಆಗಿರುವ ಅಲ್ಲು ರಘು ಮತ್ತು ಸುಶ್ಮಿತಾ ಕರ್ನಾಟಕ ಟಿವಿಯೊಂದಿಗೆ ಮಾತನಾಡಿದ್ದು, ತಾವು ಮಾಡುವ ರೀಲ್ಸ್ ಬಗ್ಗೆ ಮಾತನಾಡಿದ್ದಾರೆ.
ಅಲ್ಲು ರಘು ಹೇಳೋದೇನಂದ್ರೆ, ನಾವು ನಮ್ಮ ಕನ್ನಡ ಭಾಷೆಯ ಪ್ರತಿಭೆಗಳಿಗೆ ಪ್ರೋತ್ಸಾಹ ನೀಡಬೇಕು. ನಿಮಗೆ ಇಷ್ಟವಾದ್ರೆ ನೀವು ಸಪೋರ್ಟ್ ಮಾಡಿ, ಇಷ್ಟವಾಗದಿದ್ದಲ್ಲಿ ಸುಮ್ಮನಿದ್ದು ಬಿಡಿ. ಅದನ್ನು ಬಿಟ್ಟು ಅವರಿಗೆ ಬ್ಯಾಡ್ ಕಾಮೆಂಟ್ಸ್ ಹಾಕಿ, ಅವರನ್ನ ಕುಗ್ಗಿಸುವ ಕೆಲಸ ಮಾಡಬೇಡಿ ಅಂತಾ ಅಲ್ಲು ರಘು. ನಾವು ವೀಡಿಯೋ ಮಾಡುವಾಗ, ಸುಮಾರು ಸಲ ನಾವು ಮಾಡುವ ತಪ್ಪಿನಿಂದಲೇ ನಾವು ಟ್ರೋಲ್ ಆಗ್ತಿದ್ವಿ. ಲೈವ್ ಬಂದಾಗ ಬೇರೆಯವ್ರು ಕೆಟ್ಟದಾಗಿ ಕಾಮೆಂಟ್ ಮಾಡಿದ್ರೆ, ನಾವು ಕೆಟ್ಟದಾಗಿ ರಿಪ್ಲೈ ಕೊಡ್ತಿದ್ವಿ.
ಆದ್ರೆ ನಮಗೆ ಒಳ್ಳೆಯದನ್ನ ಬಯಸೋ ಟ್ರೋಲ್ ಪೇಜ್‌ಗಳು ನಮಗೆ ಬುದ್ಧಿ ಹೇಳಿದ್ವು. ಹಾಗೆಲ್ಲಾ ರಿಪ್ಲೈ ಕೊಡ್ಬಾರ್ದು. ನಾವು ಸೈಲೆಂಟ್ ಆಗಿ ನಮ್ಮ ಕೆಲಸ ಮಾಡ್ಬೇಕು. ನಾವು ಸರಿ ಇದ್ರೆ ಅವರು ಹಾಗೆಲ್ಲ ಕಾಮೆಂಟ್ ಮಾಡಲ್ಲ. ನೀವು ಸರಿಯಾಗಿ ರೀಲ್ಸ್ ಮಾಡಿ. ಅದರಲ್ಲಿ ತಪ್ಪು ಮಾಡಿದಾಗಷ್ಟೇ ಜನ ನಿಮ್ಮನ್ನ ಬೈತಾರೆ ಅಂತಾ ಹೇಳಿದ್ವು ಅಂತಾ ಅಲ್ಲು ರಘು ಹೇಳ್ತಾರೆ.
ಸುಶ್ಮಿತಾ ಕೂಡ ಈ ಬಗ್ಗೆ ಮಾತನಾಡಿದ್ದು, ನನಗೂ ಈ ರೀತಿ ಕಾಮೆಂಟ್ಸ್ ಬರ್ತಿತ್ತು. ನಮ್ಮ ಅಮ್ಮ ಬೇಸರ ಮಾಡ್ತಿದ್ರು. ಅದಕ್ಕೆ ರಿಪ್ಲೈ ಕೊಡ್ತಿದ್ರು. ನನ್ನ ಮಗಳಿಗೆ ಹಿಂಗೆಲ್ಲಾ ಹೇಳ್ತಾರಲಾ ಅಂತಾ ಬೇಜಾರ ಮಾಡ್ಕೊಳ್ತಿದ್ರು. ಆದ್ರೆ ನಾನು ಅದಕ್ಕೆಲ್ಲಾ ತಲೆ ಕೆಡಿಸಿಕೊಳ್ತಿರ್ಲಿಲ್ಲಾ. ಆದ್ರೆ ದಯವಿಟ್ಟು ಹಾಗೆಲ್ಲಾ ಕೆಟ್ಟದಾಗಿ ಕಾಮೆಂಟ್ ಮಾಡ್ಬೇಡಿ. ಅದು ಬರೀ ರೀಲ್ಸ್ ಮಾಡುವವರಿಗಷ್ಟೇ ಅಲ್ಲ. ಅವರ ಮನೆಯವರಿಗೂ ಹರ್ಟ್ ಮಾಡತ್ತೆ ಅಂತಾ ಸುಶ್ಮಿತಾ ಮಾತನಾಡಿದ್ರು.
ಇನ್ನು ಸೋಶಿಯಲ್ ಮೀಡಿಯಾದಲ್ಲಿ ಸ್ಟಾರ್ ಆಗ್ಬೇಕು ಅಂದ್ರೆ, ಸುಮ್ನೆ ಶೋಕಿ ಮಾಡ್ಬೇಡಿ. ಅರ್ಥಪೂರ್ಣವಾದ ವೀಡಿಯೋಗಳನ್ನ ಮಾಡಿ. ಆಗ ನೀವು ಖಂಡಿತ ಸೋಶಿಯಲ್ ಮೀಡಿಯಾ ಸ್ಟಾರ್ ಆಗ್ತೀರಾ. ಜಾಸ್ತಿ ಎಕ್ಸ್‌ಪೋಸ್ ಮಾಡೋಕ್ಕೆ ಹೋಗ್ಬೇಡಿ. ಜನರಿಗೆ ಅಸಹ್ಯ ಎನ್ನಿಸಿ ಅವರು ನಿಮ್ಮನ್ನ ಫಾಲೋ ಮಾಡೋದೇ ಬಿಡ್ತಾರೆ.
ಮುಂಬೈನಲ್ಲಿ ಓರ್ವ ಬಡವ ಹೀಗೆ ಸೋಶಿಯಲ್ ಮೀಡಿಯಾದಲ್ಲಿ ರೀಲ್ಸ್ ಮಾಡಿ, ಈಗ ಸೋಶಿಯಲ್ ಮೀಡಿಯಾ ಸ್ಟಾರ್ ಆಗಿದ್ದಾನೆ. ಅವನಿಗೆ ವೀಡಿಯೋ ಮಾಡುವುದರಿಂದ ಲಕ್ಷ ಲಕ್ಷ ದುಡ್ಡು ಸಿಗುತ್ತದೆ. ಅವನು ಲಕ್ಸುರಿಸ್ ಕಾರ್‌ನಲ್ಲಿ ಓಡಾಡ್ತಾನೆ. ನಾವು ವೀಡಿಯೋ ಮಾಡುವಾಗ, ಕೆಲವು ಕಂಪೆನಿಗಳು ಅವರ ಆ್ಯಡ್‌ಗಳಿಗಾಗಿ ನಮಗೆ ಲಕ್ಷ ಲಕ್ಷ ಪೇ ಮಾಡೋಕ್ಕೆ ರೆಡಿ ಇರುತ್ತದೆ. ಹಾಗಾಗಿ ಚೆನ್ನಾಗಿ ವೀಡಿಯೋ ಮಾಡುವವರಿಗೆ ದುಡ್ಡು ಬರುತ್ತೆ ಅಂತಾ ಅಲ್ಲು ರಘು ಹೇಳಿದ್ದಾರೆ.
