Movie News: ಮೊದಲೆಲ್ಲ ಸಿನಿಮಾ ಅಂದ್ರೆ ಬಾಲಿವುಡ್, ಬಾಲಿವುಡ್ ಅಂದ್ರೆ ಸಿನಿಮಾ ಅನ್ನೋ ರೀತಿ ಇತ್ತು. ಆದರೆ ಇಂದು ಸಿನಿಮಾ ಅಂದ್ರೆ ಸೌತ್ ಸಿನಿಮಾ, ಬಾಲಿವುಡ್ ಸಿನಿಮಾದಲ್ಲಿ ಅರ್ಥವೇ ಇಲ್ಲ ಎಂಬಂತಾಗಿದೆ. ಏಕೆಂದರೆ, ನಮ್ಮ ಸೌತ್‌ನಲ್ಲಿ ಅಷ್ಟು ಅತ್ಯುತ್ತಮ ನಿರ್ದೇಶಕರು ಕಾಣ ಸಿಗುತ್ತಾರೆ. ಮಣಿರತ್ನಂ, ಪ್ರಶಾಂತ್ ನೀಲ್, ರಾಜಮೌಳಿ ಇವರೆಲ್ಲ ಟಾಪ್‌ ನಿರ್ದೇಶಕರಾಗಿದ್ದಾರೆ.
ಇಂಥವರು ನಿರ್ದೇಶನ ಮಾಡುವ ಸಿನಿಮಾದಲ್ಲಿ ತಾನು ನಟಿಸಬೇಕು ಎಂದು, ಹಲವು ಬಾಲಿವುಡ್ ಸೆಲೆಬ್ರಿಟಿಗಳು ಕಾಯುತ್ತಿದ್ದಾರೆ. ಅದೇ ರೀತಿ ಮಣಿರತ್ನಂ ಸಿನಿಮಾದಲ್ಲಿ ತಾನೂ ನಟಿಸಬೇಕು ಎಂದು ಕಾಯುತ್ತಿರುವ ಬಾಲಿವುಡ್ ಬಾದ್‌ಶಾ ಶಾರೂಖ್ ಖಾನ್, ತನಗಾಗಿ ಒಂದು ಸಿನಿಮಾ ಮಾಡಿ ಎಂದು, ನಿರ್ದೇಶಕ ಮಣಿರತ್ನಂ ಬಳಿ ಮನವಿ ಮಾಡಿದ್ದಾರೆ. ಅಲ್ಲದೇ, ನಾನು ಈ ಬಾರಿ ವಿಮಾನದ ಮೇಲೆ ಬೇಕಾದ್ರೂ ಚಯ್ಯಾ ಚಯ್ಯಾ ಡಾನ್ಸ್ ಮಾಡಲು ತಯಾರಿದ್ದೇನೆ ಎಂದು ಹೇಳಿದ್ದಾರೆ.(ಕಳೆದ ಸಿನಿಮಾದಲ್ಲಿ ಶಾರೂಖ್ ಮಲೈಕಾ ಜೊತೆ ರೈಲಿನ ಮೇಲೆ ಚಯ್ಯಾ ಚಯ್ಯಾ ಎಂದು ಡಾನ್ಸ್ ಮಾಡಿದ್ದರು.)
ಅದಕ್ಕೆ ಮಣಿರತ್ನಂ ಕೂಡ ಷರತ್ತು ಹಾಕಿದ್ದಾರೆ. ಇವರ ಮಾತುಕತೆ ಹೀಗೆ ಮುಂದುವರಿದಿದ್ದು, ನಾನು ನಿಮಗಾಗಿ ವಿಮಾನ ಖರೀದಿಸಲೇ ಎಂದು ಶಾರುಕ್ ಕೇಳಿದ್ದಾರೆ. ಅದಕ್ಕೆ ಮಣಿರತ್ನಂ ಹೌದು, ನೀವು ನನಗಾಗಿ ವಿಮಾನ ಖರೀದಿಸಿ, ಬಳಿಕ ನಾವು ವಿಮಾನದಲ್ಲೇ ಶೂಟಿಂಗ್ ಮಾಡೋಣ ಎಂದಿದ್ದಾರೆ. ನಿಮಗಾಗಿ ವಿಮಾನ ಖರೀದಿಸುವುದು ದೊಡ್ಡ ವಿಷಯವಲ್ಲ. ನಾನು ಸದ್ಯದಲ್ಲೇ ವಿಮಾನ ಖರೀದಿಸಿ ತರುತ್ತೇನೆ ಎಂದು ಶಾರೂಖ್ ತಮಾಷೆ ಮಾತನಾಡಿದ್ದಾರೆ.
ಈ ಮೊದಲು ಶಾರುಖ್ ಮಣಿರತ್ನಂ ಅವರೊಂದಿಗೆ ದಿಲ್‌ ಸೇ ಸಿನಿಮಾದಲ್ಲಿ ಒಟ್ಟಾಗಿ ಕೆಲಸ ಮಾಡಿದ್ದರು. ಆ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಅದೇ ರೀತಿ ಇವರಿಬ್ಬರ ಕಾಂಬಿನೇಷನ್‌ನ ಇನ್ನೂ ಅತ್ಯುತ್ತಮವಾದ ಸಿನಿಮಾ ನಮಗೆ ಬೇಕು ಎಂದು ಶಾರೂಖ್ ಮತ್ತು ಮಣಿರತ್ನಂ ಅಭಿಮಾನಿಗಳು ಆಸೆ ಪಟ್ಟಿದ್ದಾರೆ. ಇವರ ಆಸೆ ಆದಷ್ಟು ಈಡೇರಲಿ ಎಂಬುದೇ ನಮ್ಮ ಆಶಯ.
