Spiritual: ಕೆಲವರು ಹುಟ್ಟುತ್ತಲೇ ಎಲ್ಲವನ್ನೂ ಪಡೆದುಕೊಂಡು ಬರುತ್ತಾರೆ. ಹಣ, ಸೌಂದರ್ಯ, ಶ್ರೀಮಂತಿಕೆ ಎಲ್ಲವನ್ನೂ ಪಡೆದಿರುತ್ತಾರೆ. ಅವರಿಗೆ ತಮ್ಮ ಜೀವನ ಕಟ್ಟಿಕೊಳ್ಳಲು, ಸಮಾಜದಲ್ಲಿ ಉತ್ತಮ ಹೆಸರು ಗಳಿಸಲು ಹೆಚ್ಚು ಕಷ್ಟ ಪಡಬೇಕಾಗಿರುವುದಿಲ್ಲ. ಆದರೆ ಇನ್ನು ಕೆಲವರಿಗೆ ಜೀವನದಲ್ಲಿ ಕಷ್ಟವಿರುತ್ತದೆ. ಚೆನ್ನಾಗಿ ಓದಿ, ದುಡಿದು, ಯಶಸ್ಸು ಗಳಿಸಬೇಕಾಗುತ್ತದೆ. ಕೆಲವರು ಎಷ್ಟೇ ಕಷ್ಟ ಪಟ್ಟರೂ, ಅದೇ ಪರಿಸ್ಥಿತಿಯಲ್ಲೇ ಇರುತ್ತಾರೆ. ಮತ್ತೆ ಕೆಲವರು ಕಷ್ಟಪಟ್ಟು ಯಶಸ್ವಿಯಾಗುತ್ತಾರೆ. ಅದೇ ರೀತಿ ವಯಸ್ಸು 30 ದಾಟಿದ ಬಳಿಕ ಯಶಸ್ಸು ಸಾಧಿಸುವ ರಾಶಿಯ ಬಗ್ಗೆ ನಾವಿವತ್ತು ಹೇಳಲಿದ್ದೇವೆ.
ಮೇಷ: ಮೇಷ ರಾಶಿಯರು ಬುದ್ಧಿವಂತರಾಗಿರುತ್ತಾರೆ. ಯಶಸ್ಸು ಸಾಧಿಸಲು ಏನು ಬೇಕಾದ್ರೂ ಮಾಡುತ್ತಾರೆ. ಊಟ, ನಿದ್ದೆ ಎಲ್ಲವನ್ನೂ ತ್ಯಾಗ ಮಾಡಿ, ಯಶಸ್ಸು ಸಾಧಿಸಲು ಪ್ರಯತ್ನಿಸುತ್ತಾರೆ. ಆದರೆ ಇವರಿಗೆ ಯಶಸ್ಸು ಸಿಗೋದು, ವಯಸ್ಸು 30 ಕಳೆದ ಬಳಿಕವೇ. ಹಾಗಾಗಿ 30 ವರ್ಷ ತುಂಬುವವರೆಗೂ ಇವರು ಪಡುವ ಕಷ್ಟ, ಮಾಡುವ ಕೆಲಸ, ಪ್ರಯತ್ನ ಯಾವುದೂ ವಿಫಲವಾಗುವುದಿಲ್ಲ.
ಕಟಕ: ಕಟಕ ರಾಶಿಯವರು ಎಷ್ಟೋ ಪ್ರಯತ್ನ ಪಟ್ಟರೂ, ಏನೇ ಮಾಡಿದರೂ, ವಯಸ್ಸು 30 ಆಗುವ ತನಕವೂ ಅವರು ಇರುವ ಸ್ಥಿತಿಯಲ್ಲೇ ಇರುತ್ತಾರೆ. ಆದರೆ ವಯಸ್ಸು 30 ದಾಟಿದ ಬಳಿಕ, ಅವರ ಪ್ರಯತ್ನ ಫಲ ಕೊಡುತ್ತದೆ. ಬುದ್ಧಿವಂತಿಕೆ ಹೆಚ್ಚಾಗುತ್ತದೆ. ಅಂದುಕೊಂಡಿದ್ದನ್ನು ಸಾಧಿಸುವ ತಾಕತ್ತು ಬರುತ್ತದೆ.
ಸಿಂಹ: ಸಿಂಹ ರಾಶಿಯಲ್ಲಿ ನಾಯಕತ್ವದ ಗುಣ ಇರುತ್ತದೆ. ಹಾಗಾಗಿ ಸದಾ ತಾನೇ ಮುಂದಿರಬೇಕು ಎಂದು ಅವರು ಪ್ರಯತ್ನಿಸುತ್ತಲೇ ಇರುತ್ತಾರೆ. ಈ ಪ್ರಯತ್ನ ಅವರಿಗೆ 30 ವರ್ಷವಾದ ಬಳಿಕ ಕೈಗೂಡುತ್ತದೆ. ಆರ್ಥಿಕ ಪರಿಸ್ಥಿತಿ ಅತ್ಯುತ್ತಮವಾಗಿರುತ್ತದೆ. ಆಫೀಸಿನಲ್ಲಿ, ಸಮಾಜದಲ್ಲಿ ಉತ್ತಮ ಸ್ಥಾನಗಳಿಸಲು ಅನುಕೂಲವಾಗುತ್ತದೆ.
ವೃಶ್ಚಿಕ: ವೃಶ್ಚಿಕ ರಾಶಿಯವರು ಕೈಲಾಗುವುದಿಲ್ಲವೆಂದು ಸುಮ್ಮನೆ ಕೂರುವ ಕ್ಯಾಟಗರಿಯವರಲ್ಲ. ಆಗದು ಎಂಬುದನ್ನೂ ಸಾಧಿಸಿ ತೋರಿಸುವ ಕೆಲಸ ಇವರಿಗೆ ಗೊತ್ತಿರುತ್ತದೆ. ಭವಿಷ್ಯಕ್ಕಾಗಿ, ಕುಟುಂಬಕ್ಕಾಗಿ ಏನೇನು ಮಾಡಬೇಕು ಎಂಬುದರ ಬಗ್ಗೆ ಚೆನ್ನಾಗಿ ಅರಿತುಕೊಂಡಿರುತ್ತಾರೆ. ಮೌನವಾಗಿ ಇರುವವರ ರೀತಿ ಕಾಣುವ ಇವರು, ಬುದ್ಧಿವಂತಿಕೆಯನ್ನು ಹೊಂದಿದವರಾಗಿರುತ್ತಾರೆ. ಎಲ್ಲಿ ಇನ್ವೆಸ್ಟ್ ಮಾಡಿದರೆ, ಹೇಗೆ ಲಾಭ ಮಾಡಬೇಕು ಎಂದು ಇವರಿಗೆ ಗೊತ್ತಿರುತ್ತದೆ. ಹಾಗಾಗಿ 30 ವರ್ಷದೊಳಗೆ ಇವರು ಇನ್ವೆಸ್ಟ್ ಮಾಡಿದ ಪ್ರಯತ್ನದ ಲಾಭ 30 ತುಂಬಿದ ಬಳಿಕ ಇವರಿಗೆ ಸಿಗುತ್ತದೆ.
