Horoscope: ಲಕ್ಷ್ಮೀ ಕೃಪೆ ಎಲ್ಲರಿಗೂ ಸಿಗುವಂಥದ್ದಲ್ಲ. ಆಕೆಯ ಕೃಪೆ ಸಿಗಬೇಕು ಎಂದರೆ, ಅಂಥ ಯೋಗ ಪಡೆದುಕೊಂಡು ಹುಟ್ಟಬೇಕು. ಆ ರೀತಿ ಸದಾಕಾಲ ಲಕ್ಷ್ಮೀಯ ಕೃಪೆ ಹೊಂದಿದ ರಾಶಿಯವರು ಯಾರು ಅನ್ನೋ ಬಗ್ಗೆ ನಾವಿಂದು ಹೇಳಲಿದ್ದೇವೆ.
ಮೇಷ ರಾಶಿ: ಧೈರ್ಯಶಾಲಿಯಾಗಿರುವ ಮೇಷ ರಾಶಿಯವರು ಎಂಥದ್ದೇ ಕಷ್ಟವನ್ನು ಎದುರಿಸಲು, ರಿಸ್ಕ್ ತೆಗೆದುಕೊಳ್ಳಲು ಹಿಂಜರಿಯುವುದಿಲ್ಲ. ಬಂದಿದ್ದು ಬರಲಿ ಎಂದೇ ಮುಂದೆ ಸಾಗುತ್ತಾರೆ. ಅಲ್ಲದೇ, ಶ್ರೀಮಂತಿಕೆ ಅನುಭವಿಸುವುದೇ ತಮ್ಮ ಗುರಿ ಎಂದುಕೊಂಡಿರುವ ಅವರ ಮೇಲೆ ಸದಾ ಲಕ್ಷ್ಮೀಯ ಕೃಪೆ ಇರುತ್ತದೆ. ಅಲ್ಲದೇ, ಮಂಗಳ ಗೃಹದಿಂದ ಆಳಲ್ಪಡುವ ಈ ರಾಶಿಯವರಿಗೆ ಐಷಾರಾಮಿ ಜೀವನ ಎಂದರೆ ಬಹಳ ಇಷ್ಟ. ಇಅದೇ ಆಸೆ, ಅವರು ಹಣ ಗಳಿಸುವುದರಲ್ಲಿ ಯಶಸ್ವಿಯಾಗುವಂತೆ ಮಾಡುತ್ತದೆ.
ಸಿಂಹ ರಾಶಿ: ಸಿಂಹ ರಾಶಿಯವರು ನಾಯಕತ್ವದ ಗುಣ ಹೊಂದಿರುವವರು. ಸೂರ್ಯನಿಂದ ಆಳಲ್ಪಡುವ ಇವರು ಹೆಚ್ಚು ಆತ್ಮವಿಶ್ವಾಸವನ್ನು ಹೊಂದಿರುವವರಾಗಿರುತ್ತಾರೆ. ಹಾಾಗಾಗಿ ಇವರು ಬೇರೆ ಕಂಪನಿಯಲ್ಲಿ ಕೆಲಸ ಮಾಡಿದರೆ ಅಥವಾ ತಮ್ಮದೇ ಉದ್ಯಮದಲ್ಲಿದ್ದರೂ, ಅವರಿಗೆ ಯಶಸ್ಸು ಖಚಿತ. ಆದರೆ ದೇವರ ಮೇಲೆ ಭಕ್ತಿ ಇರಬೇಕಷ್ಟೆ.
ಧನು ರಾಶಿ: ಧನು ರಾಶಿಯವರು ಹೆಚ್ಚು ತಾಳ್ಮೆ ಉಳ್ಳವರು ಮತ್ತು ಸದಾ ಕೂಲ್ ಆಗಿ ಇರುವವರು. ಇವರು ಏಕಾಂತದಲ್ಲಿ ಇರಲು ಹೆಚ್ಚು ಇಷ್ಟಪಡುತ್ತಾರೆ. ಇನ್ನು ದಾನ ಧರ್ಮದ ಪ್ರವೃತ್ತಿಯವರಾಗಿರುವ ಕಾರಣಕ್ಕೆ, ಲಕ್ಷ್ಮೀ ದೇವಿಯ ಕೃಪೆ ಇವರ ಮೇಲೆ ಹೆಚ್ಚಾಗಿರುತ್ತದೆ.
ಮಕರ ರಾಶಿ: ಮಕರ ರಾಶಿಯವರು ಹೆಚ್ಚು ಶ್ರಮಜೀವಿಗಳು. ಹಾಗಾಗಿ ಮಕರ ರಾಶಿಯವರ ಮೇಲೆ ಲಕ್ಷ್ಮೀ ದೇವಿಯ ಕೃಪೆ ಸದಾ ಇರುತ್ತದೆ. ಧರ್ಮದ ಹಾದಿಯಲ್ಲಿ ನಡೆದರೆ, ಇನ್ನೂ ಉತ್ತಮ ಜೀವನ ನಡೆಸುವ ಅವಕಾಶ ಇವರಿಗಿರುತ್ತದೆ. ಇನ್ನು ಅವಶ್ಯಕತೆಗೆ ತಕ್ಕಂತೆ ಹಣ ಖರ್ಚು ಮಾಡುವ ಗುಣ ಇರುವ ಕಾರಣವೇ ಇವರು, ಜೀವನದಲ್ಲಿ ಹಣ ಸಂಪಾದನೆಯಲ್ಲಿ ಯಶಸ್ಸು ಕಾಣುತ್ತಾರೆ.
