ಭಾರತೀಯರಿಗೆ ಊಟವಾದ ತಕ್ಷಣ ಮಜ್ಜಿಗೆ ಕುಡಿಯುವುದೆಂದರೆ ಹೆಚ್ಚು ಇಷ್ಟ. ಮಸಾಲಾ ಮಜ್ಜಿಗೆ ಇದ್ದರೆ ಇನ್ನೂ ಖುಷಿ. ಜ್ಯೂಸ್‌, ಮಿಲ್ಕ್ ಶೇಕ್ ಸೇರಿ ಹಲವು ಪೇಯಗಳಿಗಿಂತಲೂ ಅತ್ಯುತ್ತಮವಾದ ಪೇಯ ಅಂದ್ರೆ ಮಜ್ಜಿಗೆ. ಹಾಗಾಗಿ ನಾವಿಂದು ಪ್ರತಿದಿನ ಮಜ್ಜಿಗೆ ಕುಡಿಯುವುದರಿಂದ ಆರೋಗ್ಯಕ್ಕೇನು ಲಾಭವೆಂದು ಹೇಳಲಿದ್ದೇವೆ..
ಮೊದಲನೇಯ ಲಾಭ, ನೀವು ಯಂಗ್ ಆಗಿರುವಂತೆ ಮಾಡುತ್ತದೆ. ನೀವು ಪ್ರತಿದಿನ ಮಜ್ಜಿಗೆ ಸೇವಿಸಿದರೆ, ನಿಮ್ಮ ತ್ವಚೆ ಚೆನ್ನಾಗಿರುತ್ತದೆ. ಇದರಿಂದ ನೀವು ಯಂಗ್ ಆಗಿ ಕಾಣುತ್ತೀರಿ. ನಿಮ್ಮ ತ್ವಚೆ ಸುಕ್ಕುಗಟ್ಟಬಾರದು ಅಂದ್ರೆ ನೀವು ಪ್ರತಿದಿನ ಮಜ್ಜಿಗೆ ಕುಡಿಯಬೇಕು. ನೀವು ಮನೆಯಲ್ಲೇ ಮಜ್ಜಿಗೆ ತಯಾರಿಸಿ, ಅದಕ್ಕೆ ಕೊಂಚ ಉಪ್ಪು ಹಾಕಿ ಕುಡಿದರೂ ಸಾಕು. ಆದ್ರೆ ನಿಮಗೆ ಮಸಾಲೆ ಮಜ್ಜಿಗೆಯೇ ಬೇಕೆಂದಲ್ಲಿ, ಅದಕ್ಕ ಕಡಿಮೆ ಉಪ್ಪು ಖಾರ ಹಾಕಿ ಸೇವಿಸಿ. ಯಾಕಂದ್ರೆ ನೀವು ಮಜ್ಜಿಗೆಯನ್ನ ಹೀಗೆ ಉಪ್ಪು, ಖಾರ ಹೆಚ್ಚೆಚ್ಚು ಹಾಕಿ ಟೇಸ್ಟ್ ಮಾಡಿ ಕುಡಿದರೆ, ನಿಮ್ಮ ಆರೋಗ್ಯಕ್ಕೇನೂ ಲಾಭವಾಗುವುದಿಲ್ಲ.
ಎರಡನೇಯ ಲಾಭ, ನೀವು ತಿಂದ ಆಹಾರವನ್ನ ಸುಲಭವಾಗಿ ಜೀರ್ಣ ಮಾಡುವ ಶಕ್ತಿ ಮಜ್ಜಿಗೆಗಿದೆ. ಪ್ರತಿದಿನ ಮಧ್ಯಾಹ್ನ ಊಟ ಮಾಡಿದ ಬಳಿಕ ನೀವು ಮಜ್ಜಿಗೆ ಕುಡಿದರೆ, ನೀವು ತಿಂದ ಆಹಾರ ಚೆನ್ನಾಗಿ ಜೀರ್ಣವಾಗುತ್ತದೆ. ಆಹಾರ ಸರಿಯಾಗಿ ಜೀರ್ಣವಾದಾಗ, ಮಲ ಮೂತ್ರ ವಿಸರ್ಜನೆ ಸರಿಯಾಗಿ ಆಗುತ್ತದೆ. ಇದು ಸರಿಯಾಗಿ ಆದಾಗಲೇ, ನಮ್ಮ ಆರೋಗ್ಯ ಮತ್ತು ನಮ್ಮ ಸೌಂದರ್ಯ ಸರಿಯಾಗಿ ಇರುತ್ತದೆ.
ಮೂರನೇಯ ಲಾಭ, ನಿಮ್ಮ ದೇಹದಕ್ಕೆ ಶಕ್ತಿ ಕೊಡುವಲ್ಲಿ ಮಜ್ಜಿಗೆ ಸಹಾಯ ಮಾಡುತ್ತದೆ. ನಿಮಗೆ ಸುಸ್ತಾಗಿದೆ ಎಂದೆನ್ನಿಸಿದಾಗ, ಎಷ್ಟೇ ನೀರು ಕುಡಿದರೂ ಬಾಯಾರಿಕೆ ನಿಲ್ಲದಿದ್ದಾಗ, ನೀವು ಒಂದು ಲೋಟ ಮಜ್ಜಿಗೆ ಕುಡಿಯಿರಿ. ಇದರಿಂದ ನಿಮ್ಮ ದೇಹ ಡಿಹೈಡ್ರೇಟ್ ಆಗುವುದಲ್ಲದೇ, ನಿಮಗೆ ಶಕ್ತಿಯೂ ಬರುತ್ತದೆ.
ನಾಲ್ಕನೇಯ ಲಾಭ, ನಿಮ್ಮ ದೇಹದಲ್ಲಿ ಉಷ್ಣತೆ ಹೆಚ್ಚಾಗಿದ್ದರೆ, ನೀವು ಮಜ್ಜಿಗೆಗೆ ಬೆಲ್ಲ ಬೆರೆಸಿ ಕುಡಿಯಿರಿ. ಉಪ್ಪು ಬೆರೆಸಿಯೂ ಕುಡಿಯಬಹುದು. ಇಷ್ಟೇ ಅಲ್ಲದೇ, ಕುಚ್ಚಲಕ್ಕಿ ಬೇಯಿಸಿ, ಅದರಿಂದ ಬರುವ ತಿಳಿಗೆ ಕೊಂಚ ಉಪ್ಪು, ಮಜ್ಜಿಗೆ, ನಿಂಬೆರಸ ಬೆರೆಸಿ ಕುಡಿದರೆ ನಿಶ್ಶಕ್ತಿ ಕಡಿಮೆಯಾಗತ್ತೆ. ದೇಹ ತಂಪಾಗುತ್ತದೆ. ಆರೋಗ್ಯಕ್ಕೂ ಇದು ತುಂಬಾ ಒಳ್ಳೆಯದು. ಇದರಿಂದ ತೂಕ ಕೂಡ ಇಳಿಯುತ್ತದೆ.
